1 Samuel 26:20 - Dios Iwene20 Chuluwo̧ Saul, Isabenö Jo̧ Diosnö ösödakwawemi nijima ditebo israel nijida, ¿jö̧tö? Jo̧kwajabetjö̧ ökwönö ateba, ditebotjö a'dewö lobökönuwitjö, ötjöma Dios öba a'otjö 'da̧bachibö, ödö ja̧nö, jo̧banö öpöjödadö tjitebonö ja̧nö ö'wö batiboböma chöpöjöda. Isabenö mikwawö̧kö̧sa chuluwo̧, ötjönö isakwö luka̧loböma. Wanedö yötawa, ötjöma tjö̧biyadanö mikwawö̧kö̧ chö̧jijayonö, jojodö tjukwobö tjösödökwe pjiyuwanö mösa'otjö lekwe isakwö lutja̧lidanö, ötjönö luka̧lobe, —jö̧ba̧lö yöa̧linobe Davidma. Gade chapit la |
Jesús ina yöa̧lonö, Jesús a̧li̧nösamutjö du̧ju̧taja öba̧ja̧di̧ waisachadötjö jojo Judas mikwo̧ma ichibinobe, ba̧jekwadö jojodö kwölöte'iju do̧ba̧lakwadökwöbi, ö̧'iya do̧ba̧lakwadökwöbi. Jobadöma Diostjö jojodötjö ö'weje pjabatadötjö la'aka luwedö tjömöayedöbi ja̧danö jojodötjö damö tjömöayedöbi Judaskwö tjichinobe.
Jau chuluwo̧, kwöpöjojodö ökwönö suli̧ tjöwaedobö tjisakwitjö̧bi, waekwakobe, Kwuluwo̧ Isabenö Jo̧ Dios ökwönö iteada̧lobetjö̧. Bakwo̧ mikwawi̧ jawa jwabebö iteada̧li̧danö ökwönö otiwanö iteada̧lakobe, debö kwi̧'yapji jö̧ba̧lö, jo̧kwaijayonö kwöpöjojodönö wökwebö loakobe, bakwo̧ inawa wökwebö loi̧danö.
Edi chabe'do, isabenö kwabö loto jö̧talatö, edi, kwökamiji̧do̧tjö 'witebaja̧ma. Ökwönö kwabö lobökönö, kwökamiji̧do̧da 'witebajabe. Ja̧ 'witebaja̧ma öwaetjöda öwawinö i̧sȩbobe, ökwönö suli̧ chöwaedoböma isakwö̧kö̧sa jö̧ba̧lö. Jau chuluwo̧, isabenö ötjönö kwabö loköbotö jö̧ba̧lö luba̧libö kwisakwijayonö, yayonö ökwönö sulabenöma ja̧bö̧kö̧sa jö̧ba̧lö chi̧sebajabe.
Jau chuluwo̧, Isabenö Jo̧da ja̧di̧ edö badedö edakwo̧ma, ökwödötjö dite otiwanö ja̧ojobö jö̧ba̧lö. Ja̧danö jo̧banö cho̧'wo chöwana̧lobe, isabenö jo̧bada ja̧bö chö̧ji̧ edö, tjöbeba̧lö pjaatakobe jö̧ba̧lö, ja̧danö ötjönö kwabö loköbapji jö̧ba̧lö chö̧jibinö pjaatakobe jö̧ba̧lö, —yöa̧linobe Davidma Saulnö.