1 Samuel 26:17 - Dios Iwene

¹⁷ Yöa̧liökwe, Saulma David iwene öwaisachibinobe, ja̧danö abebö a̧ja̧kwinobe, —Chitji̧ David, ökwöda kwiwene ökwöobeji̧? —Aebökwe, —Jau chuluwo̧, ötjöda chiwene ökwöobe, —jö̧ba̧lö atadinobe Davidma.

1 Samuel 26:17 Referans Kwoze

1 Samuel 24:16

Jejenö yöa̧lökwe, David jejenö yöba̧lö kaatena, Saulma jwöbö abebö a̧ja̧kwinobe, —Chitji̧ David, isabenö ökwödaji̧? Isabenö ökwöda kwiwene cha̧ja̧kwaji̧? —jö̧ba̧lö. Ja̧danö David yöa̧laja̧ omukwatö, Saulma labinö ubudekwinobe.

1 Samuel 24:8

Ikenama Davidbi a̧la̧ibö, Saul ökömanö 'ya̧nö, ötölatjö laebinobe, ja̧danö labebajo̧, Saulnö jwöinobe, —Chuluwo̧ la'aka luwo̧ Saul, —jö̧ba̧lö. Ja̧danö, Saul a̧ja̧kwö öjalachibenama, Davidma öba nijakwö bȩachibinobe, chuluwo̧ja jö̧ba̧lö.

Génesis 37:33

jö̧tja̧lökwe Israelma kamijido̧ edö jö̧ba̧lijetö: —Bido̧ma chitji̧ ökamijido̧. ¡Ayö chitji̧we! Tebo luwo̧ma jo̧banö yö̧yö̧bö loajabe. Isabenö pjeikwena yö̧yö̧bö, lobö ukwajabe chitji̧nöma— budekwabinö jö̧ba̧lijetö

1 Samuel 24:17

Ja̧danö Saulma Davidnö yöa̧linobe, —Isabenö ökwöma otiwanö ja̧bö chö̧ji̧tjö bajalekwönönö otiwanö ja̧bö jo̧ja. Ötjöma ökwönö sulabenö ja̧tijayonö, ökwöma jwaikwöda otiwanö pjabatöda ja̧bö kwö̧jajabe.