1 Samuel 25:9 - Dios Iwene

⁹ Weawö̧, Nabal ö̧jobekwö ichibö David weaja̧ yötjawinobe Nabalnö, ja̧danö yöbawajadö, tjiteada̧linobe, dakwö atadojobö jö̧ba̧lö.

1 Samuel 25:9 Referans Kwoze

2 Reyes 2:15

Jobekwö baledi̧ tjedinobe Jericonö ju̧kwadö Dios yöawi̧ yöbawadöma, ja̧danö badeibö Eliseonö tjedenama, edö yötja̧linobe, —Aaa, ajayinö Dios ujulutjö Elias ujuna̧linama, Eliseoda ujuna̧lobe babema, —jö̧ba̧lö. Ja̧danö Eliseo ichobekwö 'ya̧wibö, öba a'o bȩbachibö tjöbamatinobe, —Duluwo̧ja, —jö̧ba̧lö.

1 Samuel 25:8

Kwömöayedönö abebö kwa̧ja̧kwitjö̧ma, yöta̧laja̧danö tjatadakwedö, isabenö otiwanö jobadönö teada̧lö pjadatina wenema. Jo̧kwajabetjö̧, babe ba'ali möle baibobetjö̧, bidö chömöayedönö dösölö̧jinö edö pjakatobö atebakwö. Ba'ali kwukwaduwonö, u̧'yukwaja̧ ökwödönö kwiyobö ateba, kwömöaeyedönö pjabatinadö ötjö Davidbi, ju'wedö chömöayedöbi otiwanö dukwobö, —jö̧ba̧lö Nabalnö yötja̧lobö weinobe Davidma.

1 Samuel 25:10

Yötja̧lökwe, Nabalma atadinobe: —Jo̧ba Davidma tida, jo̧banö chiyobö? Jo̧ba Isai itji̧ma, luwo̧sa jö̧ba̧lö omukwatö chiyobö aebobeji̧? Ditebotjö ba̧jȩkwadö tjömöayedö tjuju̧kwobe, tjuluwedö wetji̧ öpöjödö, tjuluwo̧nö kabatibö sulabenö döbibajadöma, ja̧danö chedemi Davidma jobadöja̧yo̧ ö̧jena.