1 Samuel 25:6 - Dios Iwene

⁶ Ja̧danö Dokwa jö̧ba̧lö abebajadö, yöta̧laja̧ jo̧banö yökawaduwo baikwö: –Davidma iteda yöa̧laja̧ yödawobö weajabe, baikwö: Otiwanö wene jwiinö kwö̧jobö chösöda, ja̧danö okobe deinö kwömöledö otiwanö tjö̧jobö chösöda, ja̧danö okobe deinö kwujuna̧lawö̧bi otiwanö tjö̧jobö chösöda.

1 Samuel 25:6 Referans Kwoze

1 Crónicas 12:18

Jobekwö yöa̧liökwe, Dios O̧'wo Luwo̧ma treintabedötjö luwo̧ Amasai mikwo̧kwö ichibinobe, ja̧danö Dios O̧'wo Luwo̧ weonö yöa̧linobe: —Duluwo̧ Isai itji̧ David, ökwödöma ökwöda kwömöledösa, isabenö ökwönö pjadatobö jö̧ba̧ladösa. Jau David kwuluwo̧ Diosma isabenö ökwökwö pjabatö jo̧, jo̧kwajabetjö ökwönöbi, okobe deinö ökwönö pjabatadönöbi Dios pjaatobö dösöda, —jö̧ba̧lö atadinobe Amasaima. Ja̧danö, jobekwö yöa̧liökwe, ösödinobe Davidma, ja̧danö jo̧bakwö batjibobö weinobe, ja̧danö jobadönö ujuninobe, iteda ömöayedö ölakwabikwawa jojodötjö luwedö batjibanö.

Lucas 10:5

Ja̧danö comunidadbe kwichibaduwena, kwabekwaduwakwejunö tebachö Diosnö akebaduwo, jeju ju̧kwadönö Dios pjaatobö.

1 Timoteo 5:6

Jo̧kwaijayonö, jilekwe wobekwinuju Diosnö jo̧'wo̧ wana̧lökönö jwaikwöda jösödi̧da isakwujuma, ina 'yaba̧luju jö̧jijayonö, jo̧'wo̧ luwo̧nö wobinujudanö jichejekwa, ja̧danö Dios ömöledö jobujujayedönö tjite'ada̧loböma jwiobe.

2 Tesalonicenses 3:16

Chömöledö, do̧'wo̧ luwo̧nö ösöwachibanö pjabato̧ Duluwo̧ ökwödönö pjaatobö chösöda, okobe jwiinö kwö̧jaduwi̧ ba̧kwȩlö̧jatebö kwo̧'wo̧ luwo̧duwi ösöwachibanö kwö̧jaduwobö. Duluwo̧ okobe deinö ökwödökwö ö̧jobö chösöda chömöledö.

Juan 14:27

Chi̧'yajabe okobema kwo̧'wo̧duwi ösöwanö kwö̧jaduwobö pjatatakwo̧sa. Jejenö pjatati̧ma kwo̧'wo̧duwi ösöwanö kwö̧jaduwobö pjatati̧, böjȩ jawamaökö. Tjo̧'wo̧ luwo̧ okwa jawa, ba̧kwȩlö̧jatebö ji̧ jawama. Chöba̧ja̧di̧ waisachadö, kwo̧'wo̧duwi tjo̧kekwaduwa, ja̧danö yekabiduwa.

1 Tesalonicenses 3:8

Baikwö yötawa: ökwödöma bakobe Duluwo̧kwö otiwanö 'diinö kwö̧jaduwobetjö̧, ökwödöma isabenö otiwanö dö̧jobe.

2 Samuel 18:28

Ja̧danö, yöne ichibö, Ajimazma la'aka luwo̧ Davidnö jwöinobe, —Otiwa, wene jwia, —jö̧ba̧lö. Ja̧danö David öba a'o ichibö, öba nijakwö bȩbachibö yöawinobe, —Isabenö Kwuluwo̧ Isabenö Jo̧ Diosnö dösödobö jo̧be, kwöpöjojodötjö, ökwönö suli̧ tjöwaedobö jö̧ba̧lajadötjö kwö̧jibinö pjaatajobetjö̧, —jö̧ba̧lö yöawinobe.

1 Samuel 25:5

Jejenö a̧ja̧kwö Davidma öwaisinobe, ja̧ 'wiawa ba'ali tjukwena, jö̧ba̧lö, jo̧kwajabetjö̧, Davidma iteda ömöayedötjö domulatajabedönö weinobe, Carmelbe 'ya̧nö, Nabalnö yötja̧lobö, baikwö: —Jobe Nabal ö̧jobe ichibö, Davidma dokwa aebobe ökwönö, jö̧ba̧lö yökawaduwo Nabalnö.

Génesis 43:23

Jejenö jö̧tja̧lökwe: —Jau otiwa. Yebabiduwökönuwi. Ökwödö Kwuluwo̧duwi Diosma, kwabe'doduwi Uluwo̧ Diosma aninobe kwutu̧da'wijuduwinö baladama. Ötjöma chemijatö ökwödö belö kwimidinaduwa baladama. Otiwa— jö̧ba̧lijetö José ömöayo̧ma. Ikenama Simeónnö ka̧lela ba̧kwawejutjö labebö ichejebijetö ömöledö tjuju̧kwobekwö.