1 Samuel 25:37 - Dios Iwene

³⁷ Ja̧danö, ikena möle yeayi, ida̧ökö 'dukwachi̧ bö̧jachajökwe ö̧jioko, Abigailma baledina wene yöjawinobe, ja̧danö yöjawökwe, 'dö̧achibinobe, ja̧danö inawa pjolachibökönö bi̧danö, Nabalma itea kamapjonöda ö̧binobe, pjolachibökönö.

1 Samuel 25:37 Referans Kwoze

1 Samuel 25:34

Isabenö yötawakwö Abigail, Israel jojodö Duluwo̧ Isabenö Jo̧ Dios ö̧ji̧ wenema isabenö wene, ja̧danö ja̧ wene isabenö ji̧danö isabenö yötawakwö, tjöbeba̧lö kwichajökötjö̧ma, okobe deinö Nabal ömöledö ömadönö kwabö loto jö̧ta̧lajena, yȩayi dewachakwa̧ abönö, okobe deinö Nabalbi, ömöayedö ömadöbi, bakwo̧bi ö̧ji̧bökönö debö tji̧'yo jö̧tja̧lajena.

1 Samuel 25:22

Isabenö jo̧ba Nabalnöbi, okobe deinö ömöledönöbi kwabö lotobö jo̧be. Itekwayi yȩayi jo̧ba ömöledötjöbi, ömöayedötjöbi i̧so̧ bakwo̧bi ina yaba̧lo̧ ö̧jitjö̧ma, isabenö Dios ötjönö lȩebobö jȩna, —jö̧ba̧lö omukwatö yöa̧linobe Davidma, Abigailnö edakwa̧ abönö.

Deuteronomio 28:28

Ja̧danö, ju'wibi tjo̧'wo jwibadö tjö̧ji̧danö bakibaduwobö weakobe Isabenö Jo̧ma, ja̧danö kwöbajaleduwi tjewawadö bakibaduwobö weakobe, ja̧danö wajwibö kwö̧jaduwobö weakobe, –Tajijö, dakwö ja̧takwajö? –jö̧ba̧lö kwö̧jaduwenanö kabatö.

1 Samuel 25:36

Ja̧danö, jejube Nabal ö̧jobekwö jȩwa̧bijenama Abigailma jilekwenö jöbadekwajinobe, ba'ali juno̧nö. Inesö la'aka luwedö tjujuni̧jaye ba'ali ujuninobe, ja̧danö o̧'wo ösöwanö jwiinö 'dukwachökwe ö̧jinobe. Jo̧kwajabetjö̧, 'dukwachökwe ö̧jioko, Abigailma jo̧banö yöjawinokokobe baledaja̧ma, ikena möle dewachenanö kabatö.

1 Samuel 25:38

Ikenama, domulataja möle jenanö baledaja̧ ikenama, Diosma yemidanö Nabal ö'wöchinö weinobe, ja̧danö debö i̧'yinobe Nabalma.