1 Samuel 25:24 - Dios Iwene

²⁴ David öba a'o nijakwö mebö, Davidnö yöja̧linobe: —Chuluwo̧, chilekwe wene ujuna̧li̧ma, ötjönöda baledobö jo̧be. Atebakwö, ötjö kwömöayuju yöta̧lonö kwa̧ja̧kwobö.

1 Samuel 25:24 Referans Kwoze

2 Samuel 14:9

—Atadoko, tupakwö yöja̧linobe, —Chuluwo̧, öjawo̧nö kwabö lobo̧nö lȩbebökönö dö̧jiökwe, Dios öba a'otjö wene dujuna̧litjöma, ja̧ wenema ötjönöda, ja̧danö chabe'do ömöledönöda baibobö jo̧be, ökwö la'aka chuluwo̧bi, kwömöledöbi wene jwiinö kwö̧jaduwakwedöja, ötjöda atebakwö pjakatobetjö̧, —jö̧ba̧lö.

1 Samuel 25:28

Ja̧danö kwöba a'otjö wene chujuna̧li̧ omukwatökönö söbebö loköbobö atebakwö chuluwo̧. Jau chuluwo̧, chöwaisakwö, ökwöma Isabenö Jo̧ wei̧ otidö, jo̧ba öpöjojojodönö ölakwabikwawö jo̧ja jö̧ba̧lö, ja̧danö ju'wibi chöwaisa, jejenö wei̧danö ölakwabikwawö kwö̧jiökwe, Isabenö Jo̧ma isabenö ökwönöbi, kitji̧mu tupadanö jojodönöbi ujunakobe, inesö la'aka luwedö kwö̧jaduwinö. Ja̧danö chöwaisa chuluwo̧, Dios ökwönö pjaatobetjö̧, ina kwö̧jayi bakwo̧bi ökwönö suli̧ öwaedobö jwiakobe.

2 Reyes 4:37

Weioko, Eliseo oba a'o ichibö, nijakwö bȩbachibö jöbamatinobe, —Otiwanö pjakatajabe chuluwo̧, —jö̧ba̧lö. Jemi ikenama, jitji̧nö kabebö, jȩko̧tjö labebö je'ewinobe.

Mateo 18:29

Jejenö weökwe, nijinö öbamatinobe la'aka luwo̧ ömöayo̧ma, ja̧danö aebinobe: Lȩlö̧jinö edö kwo̧'wo̧ 'dibachibö kwite'ada̧litjö̧ma, okobe jwiinö chimidocha, jö̧ba̧lö aebinobe.

2 Samuel 14:12

Jemi ikenama jojosujuma tupakwö ajebinobe, —Chuluwo̧, ina ja'yubenö ötjö kwömöayuju yöta̧lobö atebakwö, ina yöta̧lobö weköbakwa̧ji̧ la'aka chuluwo̧? —jö̧ba̧lö ajebökwe, —Yöba̧li̧, —weinobe.

Génesis 44:18

Ikenama Judáma José ö̧jobekwö 'ya̧wibö yöbawijetö: —Chuluwo̧ ötjöma ökwö kwömöayo̧sa. Ja'yubeda yöta̧lobö jö̧ta̧la. Labökönuwitjö. Ökwöma Egipto niji inesö la'aka luwo̧ jo̧ja. Ötjönö webo̧ja ökwöma.

1 Samuel 24:8

Ikenama Davidbi a̧la̧ibö, Saul ökömanö 'ya̧nö, ötölatjö laebinobe, ja̧danö labebajo̧, Saulnö jwöinobe, —Chuluwo̧ la'aka luwo̧ Saul, —jö̧ba̧lö. Ja̧danö, Saul a̧ja̧kwö öjalachibenama, Davidma öba nijakwö bȩachibinobe, chuluwo̧ja jö̧ba̧lö.

1 Samuel 25:23

Ja̧danö, Davidnö jedenama, Abigailma juluwanö jajwitjö mebibö, David ö̧jobekwö 'ya̧wibö, öba a'o nijakwö bȩjachibinobe, kwömöayujusa jö̧ba̧lö.

1 Samuel 25:25

Atebakwö, mikwawö̧kö̧ Nabal yöa̧laja̧ kwomukwatokobö chuluwo̧. Jo̧ba imi Nabal jö̧ba̧löma waisanö omukwatö̧kö̧ jö̧ba̧lö laebobe, ja̧danö imi laebi̧danö isabenö waisanö omukwatö̧kö̧. Jo̧kwaijayonö ötjöma kwömöayujusa, ja̧danö ökwö chuluwo̧ weköbajawö kwömöayedönö chedökötö, otiwanö akebaja̧danö chiyobö.

Proverbios 25:15

Ja̧danö, ju'wibi yötawa: Inesö la'aka luwo̧nö ba̧kwȩlö̧jatebö kabatökönö tjo̧'o̧manö dameakwökönö akeba̧litjö̧ma ju'wi mölȩ bajadiyanö akeba̧li̧danö pjaatena. Ja̧ ji̧danö, tjo̧'o̧manö ösödö yöka̧litjö̧ma yöka̧li̧ ajayinö öpöjödinadöma bajaliyanö tjo̧mukwatena, otiwanö yöba̧lo̧, jö̧ba̧lö.

2 Samuel 20:17

Jwöjiökwe, jö̧jobekwö yöne ichinobe Joabma, ja̧danö ichioko, —Ökwöma Joabkö̧biji̧? —ajebökwe, —Jau, Joabsa, —jö̧ba̧lö atadinobe. Atadoko, —Chuluwo̧, ötjö kwömöayuju yöta̧li̧ kwa̧ja̧kwo, —yöja̧linobe. Yöja̧lökwe, —Jau, cha̧ja̧kwocha, yöba̧li, —jö̧ba̧lö atadinobe Joabma.