1 Samuel 25:19 - Dios Iwene

¹⁹ Ikenama, wanaju, jömöayedönö wejinobe, —Juluwanö, bidönö öbibö David ö̧jobekwö 'ya̧duwi, ja̧danö ötjöma juluwanö ökömanö chicha —jö̧ba̧lö. Jobekwö ja̧jinobe Abigailma, jo̧kwaijayonö jilekwe Nabalnö yöbawökönö jejenö ja̧jinobe.

1 Samuel 25:19 Referans Kwoze

Génesis 32:20

Ja̧danö, kwo̧'wo jwibibökönö yökawaduwo, kwömöayo̧ Jacobma dökömanö ichobe, jö̧ba̧lö— webijetö Jacobma. Jacobma baikwö omukwatijetö: Abönö jobadönö Esaúnö tjiyobö weta jo̧banö tjitiyudobö, ina ötjönö o̧'wo sulinö edapji jö̧ba̧lö. Jemi ikenama itekwayi jo̧banö chedocha. Otiwanö chiyajobetjö̧ ötjönö edö o̧'wo̧ ösöwanö edena ötjönöma. Jejenö omukwatijetö Jacobma.

Génesis 32:16

Ikenama, Jacobma ömöayedötjö ju'wedönö webijetö bakwo̧nökwena a̧jwi̧munö wainö ju'wedökwena, wainö ju'wedökwena öbibö tji̧'yobö, Esaúnö iyakwawö̧nö. Jobadönö jö̧ba̧lijetö: —Ötjö chabönö cha̧jwi̧munö öbibö 'ya̧duwi Esaú ö̧jobekwö. Ökwödö bakwo̧nökwena cha̧jwi̧mutjö̧ ju'wedönö wainökwena ödökwönönö öbibö, ja̧danö ju'wedönö wainökwena ödökwönönö, ja̧danö ju'wedönö, wainökwena ödökwönönö öbibö da̧jaduwi— webijetö Jacobma ömöayedönöma.

Proverbios 31:27

Jömöledönö otiwanö te'ada̧luju okobe jwiinö tju̧juna̧lobö. Ja̧danö la'akatjöda 'du̧wekwö̧kö̧ju.

1 Samuel 25:20

Ja̧danö, jajwi bulonö wanö, Abigailma David ö̧jobekwö ji̧'yinobe, mösa'iju 'da̧de ömöayedökwö ö̧jobe. Ja̧danö, mösa'o yutubajö, David ö̧jobekwö jichonö, ajayinö Abigailnö edinokobe Davidma, mana öwawokobetjö̧. Ikenama, juluwanö Davidbi, ömöayedöbi jö̧jobekwö tjichonö tjöba a'o jichibinobe.

1 Samuel 25:36

Ja̧danö, jejube Nabal ö̧jobekwö jȩwa̧bijenama Abigailma jilekwenö jöbadekwajinobe, ba'ali juno̧nö. Inesö la'aka luwedö tjujuni̧jaye ba'ali ujuninobe, ja̧danö o̧'wo ösöwanö jwiinö 'dukwachökwe ö̧jinobe. Jo̧kwajabetjö̧, 'dukwachökwe ö̧jioko, Abigailma jo̧banö yöjawinokokobe baledaja̧ma, ikena möle dewachenanö kabatö.

Génesis 32:19

Jacobma jejenö, bakwainö yöbawö webijetö ikena ömöayo̧nöbi, jemi ikena ömöayo̧nöbi okobe deinö a̧jwi̧munö öbibö 'ya̧jadönö, ömöayedönöma. Jobadönö webijetö: —Esaúnö kwöbadekwajaduwena jo̧banö yökawaduwo chömöayo̧ abönö öbibö 'yo̧nö yöawobö weti̧danö, bakwainö.

Génesis 32:21

Ja̧danö, webijetö ömöayedönö, a̧jwi̧mu iyakwawö̧nö öbibö abönö ojwe petjibobö, Jacob yenada abobö ö̧jibonö iteda ömöledökwö.

1 Samuel 14:1

Ja̧danö, ju'wi möle Jonatanma iteda ömöayo̧, Jonatan itea ölakwabikwawa jawa kwebato̧nö yöa̧linobe, —Ötjökwö ichi, yai badeibö filisteo jojodö tjabakwemibe di̧'yaduwo, —jö̧ba̧lö. Jo̧kwajabetjö̧ Jonatanbi, ömöayo̧bi filisteo ölakwabikwawa jojodö tjö̧jobekwö tji̧'yinobe, jo̧kwaijayonö Jonatanma abe'do Saulnö yöawinokobe i̧'yakwa̧ma.