1 Samuel 24:19 - Dios Iwene

¹⁹ Isabenö jejenö ja̧böködö jojodöma, tjöpöjojodönöma. Bakwo̧ iteda öpöjojonö badekwajo̧, wene jwiinö laebobö weenaji̧? Weökena, kwabö loena, jo̧kwaijayonö chö̧jibinö ja̧köbajabe. Isabenö otiwanö ja̧köbajabe David, jo̧kwajabetjö̧ balekwa mikwa Isabenö Jo̧ ökwönö otiwanö iyobö chösödakwö David.

1 Samuel 24:19 Referans Kwoze

1 Samuel 26:25

Yöa̧lökwe, Saulma Davidnö yöa̧linobe, —Isabenö Jo̧ ökwönö pjaatobö ateba chitji̧ David, isabenö waekwökönö nöinö otiwanö ja̧köbakwo̧ja, —jö̧ba̧lö. Ikenama Davidma ömöayedö tjö̧jobekwö ȩwa̧jinobe, ja̧danö Saulma ejube ȩwa̧jinobe.

1 Samuel 23:21

Yötja̧lökwe, Saulma ösödinobe, ja̧danö jobadönö yöa̧linobe: —Isabenö otiwanö dösölö̧jinö ötjönö ösödö pjabatadöja, jo̧kwajabetjö̧ balekwa mikwa Isabenö Jo̧ ökwödönö pjaatobö jo̧be.

Jueces 17:2

Ju'wi möle Micaiasma ojo'donö yöawinobe, —Chojo'do, belö bakwo̧ kwitea plata ö̧pi̧biya önaukwinobe, mil cien ö̧pibiya önaukwinobe, ja̧danö jejenö balediakwö, naukwinanö Dios lȩeböbö akebijatö, jö̧tö? Jau chojo'do, naukwinanö Dios lȩebobö akebina cha̧ja̧kwijatö, ja̧danö baikwö yötawakwö, ötjödasa ja̧ plata naukwinama, ja̧danö ina chujuna̧lobe, bi̧ya̧, —jö̧ba̧lö yöawinobe. Yöawoko, ojo'doma jatadinobe, —Otiwanö yökawajabe chitji̧, Isabenö Jo̧nö ateba ökwönö pjaatobö, jweinö yökawajabetjö̧, —jö̧ba̧lö.

1 Samuel 23:17

Jonatanma Davidnö yöa̧linobe, —Chabe'do ökwönö isakwijayonö, yebabökönui, chabe'do Saulma ökwönö öbadekwajökakobe. Isabenö ökwöma israel jojodö la'aka tjuluwo̧ bakibakwo̧ja, ja̧danö ötjöma kwömöayo̧ ja̧nö kwipjea jojo chö̧jakwo̧sa. Chabe'dobi ja̧ wene öwaisobe, isabenö ökwöma israel jojodö la'aka tjuluwo̧ bakibakwo̧ja, jö̧ba̧lö ja̧danö ötjöma kwömöayo̧ chö̧jakwo̧ja, jö̧ba̧lö öwaisobe chabe'do Saulma, —jö̧ba̧lö yöawinobe Jonatanma.

1 Samuel 26:23

Isabenö Jo̧ma isabenö otiwanö pjabato̧, otiwanö ja̧bö ju̧kwadö, jwaikwöda Dios ösödi̧danö ja̧bö ju̧kwadönö. Ja̧tji̧ edö, balekwa mikwa otiwanö iyö pjabato̧. Jau chuluwo̧, babe möle Diosma ökwönö iyajabe, chösöditjö̧ma ökwönö chujuluwobö, jo̧kwaijayonö ökwönö suli̧ chöwaedobö chöpöjödatö, Isabenö Jo̧ omudawö ujuninökwenö suli̧ waedö̧kö̧sa jö̧ba̧lö.