1 Samuel 24:17 - Dios Iwene

¹⁷ Ja̧danö Saulma Davidnö yöa̧linobe, —Isabenö ökwöma otiwanö ja̧bö chö̧ji̧tjö bajalekwönönö otiwanö ja̧bö jo̧ja. Ötjöma ökwönö sulabenö ja̧tijayonö, ökwöma jwaikwöda otiwanö pjabatöda ja̧bö kwö̧jajabe.

1 Samuel 24:17 Referans Kwoze

1 Samuel 26:21

Yöa̧lökwe, Saulma atadinobe, —Isabenö sulabenö ja̧tajabe. Babe otiwanö ditebobe kwȩwa̧jobe jo̧be, tupakwö ökwönö suli̧ chöwaedoböma chisakwökakwo̧sa. Jau chitji̧ David, ötjönö kwabö loköbobö ji̧jayonö, ötjönö ösödö, Saulma ö̧jobö mikwawo̧ jö̧ba̧lö chö̧jibinö ja̧köbajabe. Isabenö omukwatökönö, sulabenö ja̧tajabe David, —jö̧ba̧lö.

Mateo 5:44

Jo̧kwaijayonö, baikwö yötawaduwakwö chömöledö: Kwöpöjojodönöbi kwösödaduwo, ja̧danö usula kwemawobö ja̧badönö Diosnö akebaduwo, jö̧ba̧lö yötawaduwakwö.

Génesis 38:26

Ikenama Judáma iteda itea, seyu, lawosopja, otokwa'o edinö, Ötjödasa, jö̧ba̧lö, waisachibijetö. Ja̧danö, jö̧ba̧lijetö: —Isabenö, ötjödasa jelobekwö omukwatö jo̧ma. Bisu Tamarma jweinö jomukwatonö sulabenö omukwatö wetijökötö chitji̧ Selanö jobuju jilekwe baibobö— jö̧ba̧lijetö. Jemi ikenama Judáma jobujukwö ji̧jökötö yemidanöma.

Mateo 27:4

ja̧danö jobadönö yöa̧linobe: —Sulabenö ja̧tajabe, sulabenö ja̧bö̧kö̧nö iyö lotjajabe, jo̧banö kwabö lotjobö— jö̧ba̧lö. Jejenö yöa̧liawö̧ tjatadinobe: —Jo̧kwada, do̧'wo̧ tjo̧achökö. Ja̧ sulabenö ja̧köbaja̧ma ökwöda jawa— jö̧ba̧lö tjatadinobe.

Éxodo 9:27

Ikenama faraónma jwöbijetö Moisésnö Aarónnö tjichobö. Ichajadönö jö̧ba̧lijetö: —Babema yöta̧lakwö: Jweinö chomukwatokobe. Isabenö Jo̧ma jweinö omukwatö lȩebonö ötjö, chömöledö jelobekwö domukwatobe, Israel jojodönö latjebobö wedökö, jö̧ba̧lö.

1 Samuel 26:17

Yöa̧liökwe, Saulma David iwene öwaisachibinobe, ja̧danö abebö a̧ja̧kwinobe, —Chitji̧ David, ökwöda kwiwene ökwöobeji̧? —Aebökwe, —Jau chuluwo̧, ötjöda chiwene ökwöobe, —jö̧ba̧lö atadinobe Davidma.