1 Samuel 23:25 - Dios Iwene

²⁵ Ja̧danö, Saulma ömöayedönö öbibö jobe Davidnö isakwö i̧'yinobe, jo̧kwaijayonö ichibakwa̧ abönö, juwedö Davidnö yötjawinobe. Jo̧kwajabetjö̧, Davidma inawa jojodö deobe Maon nijinö ba̧wa bo̧bekwö i̧'yinobe, ja̧danö jobe jojodö deobe Maontjö ö̧jinobe. Jejenö i̧'yiökwe, Saul a̧ja̧kwinobe, ja̧danö Davidnö lubö i̧'yinobe, jojodö deobe Maon nijitjö.

1 Samuel 23:25 Referans Kwoze

1 Samuel 23:28

Jo̧kwajabetjö̧, jejenö yöawiökwe, Davidnö lubö kabatakwawö, Saulma ömöayedö ölakwabikwawa jojodökwö ȩwa̧jinobe, filisteo jojodökwö ölakwabikwawobö. Jo̧kwajabetjö̧, jejenö baledinobetjö̧, jobe ba̧wa inawa pjeanö jejenö tjö̧jibinobetjö̧, jawa tjimidinobe, —Ji̧bakwawa inawa, —jö̧ba̧lö.

Jueces 15:8

Ja̧danö, yöba̧lajo̧, Sansonma filisteo jojodönö meibinobe, ja̧danö ba̧jȩkwadönö kwabawö loinobe. Ikenama, kwabawö lobajo̧, Sansonma Etam inaba ötjabawabe i̧'yinobe, ja̧danö jobe inawa ötölanö ö̧jinobe.

1 Samuel 23:24

Weawö̧, jobadöma abönö tji̧'yinobe, Saul i̧'yakwa̧ abönöma. Ja̧ möle Davidma ömöayedökwö jojodö deobe Maon niji ö̧jinobe, Jesimontjö a̧li̧kwö Araba ötjabobema.

1 Samuel 23:26

Ja̧danö, Saulma mösa'otjö bakwachobe kweachonö, Davidbi ömöayedöbi ja'o bakwacha'obe dötjibajinobe, ja̧danö tjö̧jibotö jö̧ba̧lö, juluwanö ö'öbakwawö dötjibajinobe. Jejenö Saulma, Davidnö do̧atotö jö̧ba̧lö yö̧ne ötjösawibobö ichibinobe, juluwanö Davidnö do̧ato jö̧a̧lenanö.

2 Samuel 22:2

Baikwö laebobe David lo̧inama: —Chösödökwe Isabenö Jo̧ma inesö inawa tjöeba̧lawadanö tjöbeba̧lo̧, jo̧bakwö janö, 'diinö tjöekwena chö̧jobedanö ichejekwa, chö̧jibinö pjabata̧lö tjöbeba̧lo̧obetjö̧.