1 Samuel 22:3 - Dios Iwene

³ Jemi ikenama, inawa ötölatjö Davidma abe'donöbi, ojo'donöbi öbibö, Moab niji comunidad Mispabe i̧'yinobe, Saul öpöjojodökwö tjö̧jobö. Ja̧danö, jobe ichibajo̧, Davidma Moab jojodö la'aka tjuluwo̧nö aebinobe, baikwö: —Ina Dios ötjönö pjaatakwa̧ma wajwita, jo̧kwajabetjö̧ ökwönö ateba, chöwaisachibenanö kabatö bidönö ökwökwö tjö̧jobö weköbobö, —jö̧ba̧lö aebinobe.

1 Samuel 22:3 Referans Kwoze

1 Timoteo 5:4

Jo̧kwaijayonö, bakwuju jilekwenö wobekwinujuma ji̧tji̧mubi, jö̧'dö̧döbi tjuju̧kwitjö̧ma, jobadöda jobujunö tjite'ada̧lobö jo̧be, Dios wei̧danö. Jau Timoteo, ajayinöma tjabe'do tjojo'doma jobadönö tjite'ada̧linobe, ¿jö̧tö? Ja̧danö, babema balekwa mikwa tjojo'do jilekwenö wobekwinujunö ja̧danö tja̧'do̧ jilekwenö wobekwinujunö tjite'ada̧lobö jo̧be. Ja̧danö, jejenö te'ada̧lö tjö̧jobö ösödo̧ Diosma.

1 Samuel 14:47

Saul israel jojodö la'aka tjuluwo̧ baibaja̧ ikena, okobe deinö israel jojodö tjöpöjojodönö ölakwabikwawö ö̧jinobe, bakwachobebi, jelobekwöchobebi tjitebokwena jojodönö. Moab jojodönöbi ölakwabikwawö, ja̧danö Amon jojodönöbi ölakwabikwawö, Edom jojodönöbi ölakwabikwawö, Soba niji la'aka luwedönöbi ölakwabikwawö, filisteo jojodönöbi ölakwabikwawö ö̧jinobe. Ja̧danö, okobe jwiinö ölakwabikwawö ö̧jinama, israel jojodö tjöpöjojodönö ujuluwinobe.

1 Samuel 3:18

Weökwe, Samuelma okobe jwiinö Dios yöawaja̧ yöawinobe Elinö, ja'yubebi tojö junökönö. Jadanö yöawökwe, Elima atadinobe, —Jau, jo̧bama duluwo̧ Isabenö Jo̧, iteda omukwatö ujuni̧danö ja̧obö jo̧be, —jö̧ba̧lö.

Jueces 11:29

Ja̧danö, Isabenö Jo̧ o̧'wo luwo̧ma Jeftenö pjabatö ichibinobe, ja̧danö Jeftema okobe jwiinö Galaad nijibenöbi, Manasesaso nijibenöbi öbaledinobe, israel jojodötjö ölakwabikwawadönö ko̧ko̧dö. Ja̧danö, Galaad niji comunidad Mizpatjö ko̧ko̧dajo̧, tupakwö amonitas jojodökwö tjölakwabikwawobö öibinobe.

Éxodo 20:12

Ja̧danö, ju'wibi wetaduwakwö: Kwabe'donö, kwojo'donö otiwanö omukwatö yebabinö kwö̧jaduwo. Jejenö otiwanö kwomukwataduwo lekwe kwuju̧kwaduwakobetjö̧ niji chiyakwemi ja̧nö, ötjö Isabenö Jo̧, Kwösödaduwökwe Dios kwiteboduwi baibanö chiyakwemima.

Génesis 47:11

Jemi ikenama Joséma faraón wei̧danö niji jwiinö otiwemi iyijetö abe'donö, öpöedönö, ö̧ja̧wo̧nö, jobadö tjuju̧kwemi baibanö, Gosén nijima. Jobema Ramesés comunidad yö̧ne.

1 Samuel 22:2

Ja̧danö, ju'wedöbi Davidkwö ja̧nö tji̧'yinobe. Jobadötjö ju'wedöma wene juna̧ladö, ju'wedöma musidadö, ja̧danö ju'wedöma tjo̧'wo sulawö̧ la'aka luwedönö öpöjödadö. Jobadöma David ö̧jobekwö 'ya̧nö, David ömöayedö batjibanö jobe tji̧'yinobe, jo̧bakwö ömadö cuatrocientos jenanö batjibanö.

1 Samuel 22:4

Jejenö jobadönö Moab la'aka luwo̧kwö junibö, inawa ötölabe tjeachainobe. Ja̧danö David abe'dobi, ojo'dobi jobe Moab nijinö tjö̧jinobe, Davidma ötölatjö laebenanö kabatö.

2 Samuel 8:2

Ja̧danö, Moab niji jojodönöbi ujuluwinobe Davidma. Jobadönö juluwajo̧, ölakwabikwawa jojodönö weinobe nijinö isa'ba wapö'bakwa baibanö tjö̧bamatobö. Ikenama dö'balataja ba̧jadönö kwabö loinobe, ja̧danö jele'banö ba̧jadö tjö̧jibobö weinobe. Jemi ikenama ji̧bajadöbi, ju'wedö Moab niji jojodöbi David ömöayedö batjibinobe, o̧ba bakwabakwena tjiteatjö Davidnö midadö batjibanö.