1 Samuel 2:7 - Dios Iwene

⁷ Ja̧danö ju'wedönö jwibadö usula jojodö batjibobö weonö, ju'wedönö nöinö juna̧ladö batjibobö webo̧ Isabenö Jo̧ma, nijakwönö jwibato̧bi, möakwö kabebo̧bi jo̧bada.

1 Samuel 2:7 Referans Kwoze

Diosnö ösödo̧ Job mikwo̧ usula emawina jawa 5:11

Ja̧danö, ju'wibi, –Mikwawöködösa, –jö̧ba̧lö omukwatadönö kabebö juno̧ Diosma, mikwawadö batjibanö. Ja̧danö budekwadönö kabebö juno̧, tjo̧'wo ösöwachibanö wene jwiena tjö̧jobö.

Diosnö ösödo̧ Job mikwo̧ usula emawina jawa 1:21

—Chojo'do ötjönö jemenama, chitea jwibo̧nö jemijatö, ja̧danö ö'wö batibenama, chitea jwibö chȩwa̧jakwo̧sa. Chujuna̧linama, Isabenö Jo̧ chujuna̧lobö iyinobe, ja̧danö babe Isabenö Jo̧ma chujuna̧lina 'döebajabe. Isabenö Jo̧nö dösödobö jobe, –Otiwo̧ja, –jö̧ba̧lö, —Diosnö ösödö yöa̧linobe Jobma.

Santiago 4:10

Ja̧danö, isabenö omukwataduwi, Ökwödöma luwedöböködösa, sulabedösa, mikwawöködösa, juluwöködösa, jö̧ba̧lö. Ja̧danö, Dios pjaati̧kwöda dujulu juna̧ladösa, jö̧ba̧lö, omukwataduwi. Jejenö jweinö kwomukwataduwiökwe Duluwo̧ Diosma ökwödönö kwo̧'wo̧ luwo̧duwi okwanö möakwö kaebi̧danö kabebö öwanakwo̧, Bidöma isabenö jwiinö mikwawadö, jö̧ba̧lö.

Isaías 2:12

Jau, Isabenö Jo̧ okobe jwiinö juluwo Diosma iteda lȩebakwa̧ möle omudawö ujunajabe, okobe deinö otiwadösa, juluwadösa jö̧ba̧lö omukwatadönö lȩebakwa̧ mölema. Ja̧danö ja̧ möle okobe deinö jobadöjayedönö meatö loakwo̧, tabakwö tjö̧jakobetjö̧.

2 Reyes 9:6

Atadökwe, Jehuma a̧la̧ibinobe, ja̧danö o̧do okwa teachinobe. Ja̧danö, teachiökwe, Dios yöawi̧ yöbawo̧ma Jehu uunö o̧te tobebö yöawinobe: —Baikwö yöawobe Isabenö Jo̧, Israel jojodö tjösödökwe Diosma: Ökwö Jehunö o̧te totebakwö, Isabenö Jo̧ ömöledö Israel jojodötjö inesö la'aka luwo̧ bakibanö.

Diosnö ösödo̧ Job mikwo̧ usula emawina jawa 40:12

Jau, okobe deinö otiwadösa jö̧ba̧ladönö, jobadönö edöda mikwawöködö batjibanö jwibatö loköbo, jenada sulabedönö söbebö loköbo.

1 Crónicas 29:12

—Chuluwo̧ Dios, ökwöda inesö la'aka luwo̧ma, jo̧kwajabetjö nöinö tea dujuna̧li̧bi, ju'wedö ökwödönö otiwanö tjomukwati̧bi, ökwötjöda ichobe chuluwo̧. Jau chuluwo̧, ökwöda inesö kwujulunö juluwo̧ja, ja̧danö ökwöda luwedö batjibanö jojodönö juno̧ja, ja̧danö ökwöda jojodö tjujuluwachibanö pjabato̧ja.

Proverbios 22:2

Ja̧danö, ju'wibi yötawa: Okobe deinö jojodöma Isabenö Jo̧ otidinawö̧. Balada juna̧la̧dönöbi, balada jwibadönöbi Isabenö Jo̧ otidinawö̧. Jobekwö ökwödö jojodöma bakwaibedösa, Isabenö Jo̧ otidinawö̧sa.