1 Samuel 2:26 - Dios Iwene

²⁶ Ja̧danö, Samuelma otiwanö öda̧peachinobe, ja̧danö Isabenö Jo̧ öba a'otjöbi, jojodö tjöba a'otjöbi otiwanö ja̧bö ö̧jiawö, Diosbi jojodöbi Samuelnö tjösödinobe, otiwanö ja̧bö jo̧ jö̧ba̧lö.

1 Samuel 2:26 Referans Kwoze

Lucas 2:52

Ja̧danö Jesúsma otiwanö da̧peachöbi öda̧peachinobe, waisakwawa waisachöbi otiwanö öwaisachibinobe. Jo̧kwajabetjö̧ Diosbi, jojodöbi otiwanö omukwatö Jesúsnö tjösödinobe.

Lucas 2:40

Ja̧danö tjemuma öda̧peachinobe, ja̧danö ujuluwachibinobe, ja̧danö waisakwawa öwaisachibinobe, ja̧danö Diosma jo̧banö ösödö otiwanö pjaatinobe.

Romanos 14:18

Jau chömöledö, dö̧ja̧wo̧dö töbö metjapji jö̧ba̧lö te'ada̧lakwawö duju̧kwaduwo. Jejenö te'ada̧lakwawö ja̧nö Cristo wei̧ ja̧bö dö̧jitjö̧ma, Diosma ösödena, ja̧danö ju'wedöbi ökwödönö tjösödena, Otiwanö ja̧bö ju̧kwadö, jö̧ba̧lö.

Hechos 2:47

Kabatökönö, Diosma otiwanö jo̧, jö̧ba̧lö, ju̧kwiabijadötö. Ju'wedö jobe ju̧kwadöma tjo̧'wo̧ ösödinö edijadötö jobadönöma. Ju'wi möle jwiinö Duluwo̧ma ju'wedönöbi, ju'wedönö tjö̧jibinö pjaatawö̧ batjibanö pjabatijetö.

1 Samuel 2:21

Ja̧danö, Eli aebi̧danö pjaatinobe Isabenö Jo̧ma, Ananö lȩlöinö edö, ji̧tji̧mu ömadönö wamedukwanöbi, ji̧tji̧mu ya̧dönö du̧ju̧tajanöbi 'yajebinobe. Ja̧danö, jitji̧ Samuelma Isabenö Jo̧ öba a'o ja̧nö ö̧da̧peachinobe.

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Proverbios 3:3

Ja̧danö, ju'wibi jwebebö yötawakwö: Chitji̧ ba̧kwȩlö̧jatebö jojodökwö otiwanö ösödö kwö̧jo, ba̧kwȩlö̧jatebö pjabatö. Ja̧danö, ba̧kwȩlö̧jatebö jojodönö ajayinö yöbawö kwujuninadanö badekwachinö i̧sebö kwö̧jo. Wanedö yötawakwö: La̧wo̧sopja jwiinö otiwopja kwölawobe otiwanö öwawi̧danö ökwö jojodökwö otiwanö kwö̧ji̧ma otiwanö öwawakobe. Chitji̧, jobekwö kwö̧ji̧ma ba̧kwȩlö̧jatebö omukwatö kwö̧jo. Wanedö yötawakwö: Ösöjanö wȩyudö lödawadanö kwomajadenö wȩyudö kwödawo kwo̧'wo̧ jwikibökakobetjö̧, jojodökwö otiwanö chö̧jobö jo̧be jö̧ba̧lö.

Proverbios 3:4

Jobekwö kwö̧jitjö̧ma, Diosbi, jojodöbi ökwö kwö̧jobe edinö tjösödakobe kwö̧ji̧ma, otiwanö omukwatö jo̧ jö̧ba̧lö.

Génesis 39:4

Jejenöobetjö̧ uluwo̧ Potifarma jwiinö ösödijetö Josénöma, iteda inesö ömöayo̧ baibanö junö. Ju'wedö ömöayedö tjuluwo̧ baibanö junijetö Potifarma Josénöma. Ja̧danö, iteda iteabi, la'aka te'ada̧lakwawa jojo baibanö junijetö Josénöma.

Jueces 13:24

Ja̧danö, Dios yöawaja̧danö, Manoa ilekwoma jitji̧nö jeminobe, ja̧danö jitji̧nö tjimidinobe Sanson jö̧ba̧lö. Ja̧danö, Sansonma otiwanö ö̧da̧peachinobe, ja̧danö Isabenö Jo̧ma otiwanö pjaatinobe Sansonnö.

1 Samuel 3:19

Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.