1 Samuel 2:24 - Dios Iwene

²⁴ Ja̧köbaduwi̧ma sula chi̧tji̧mu, ja̧köbaduwa. Isabenö Jo̧ ömöledö Israel jojodö ökwödönö yötjawi̧ma, isabenö sulabenö ja̧köbaduwi̧ wene yötjawobe.

1 Samuel 2:24 Referans Kwoze

Apocalipsis 2:20

Jejenö otiwanö kwö̧jaduwijayonö, ja'yube kwomukwataduwi̧ma chöpöjöda. Sulabuju, Jezebel mikwuju, yöjawobö weköbaduwobe. Jobujuma, Dios iwene yöbawujusa, jö̧ba̧lö, jö̧ja̧lijayonö jelobekwö omukwatuju. Jobujunöma yötawaduwakwö. Jobujuma ötjö chömöayedönö jelobekwö öbibuju, sulabenö ja̧tjobö. Ja̧danö, tji̧lȩkwa̧muböködökwö tjö̧jobö, tjo̧'wo̧ jawa tjiyaja̧ kwakwawa sulabenö tjukwobö öbibuju, chömöayedönö sulabenö ja̧tjobö. Jobujuma yelösöda sulabuju. ¿Tajawedö yöjawobö weköbaduwobeda?

3 Juan 1:12

Ja̧danö, jelo̧ dömöledöso̧ Demetrionö yötawa. Jojodöma ba̧jekwadö jo̧banö otiwanö yötja̧lobe, Demetrioma otiwi̧ jawa ja̧bö jo̧, Dios isabenö ji̧ yöawi̧ a̧ja̧kwo̧, jö̧ba̧lö. Ötjöbi jejenö yöta̧la jo̧banöma, Otiwi̧ jawa ja̧bö jo̧ Demetrioma, jö̧ba̧lö. Ja̧danö, kwöwaisa ötjö yöta̧li̧ma jweinöda yöta̧lobe.

2 Pedro 2:18

Ja̧danö ju'wibi yötawa jobadö tjo̧'wo̧ jwibadö sulabenö yöbawadönö chömöledö. Jobadöma labinö waisadösa yöba̧lö, iya̧nö Dios iwene a̧ja̧kwö sulabenö ja̧bö ja̧kwawatjö ji̧bajadönö yötjawobe, böjȩ jojodö sulabenö tjösödi̧ma otiwa jö̧ba̧lö, ja̧danö jobadönö ötjibobedanö ichejekwa, 'daliwanö tjö̧libobö. Jejenö sulabenö ötjibobe jojodönö chömöledö, jo̧kwajabetjö̧ Diosma isabenö jobadönö lȩebakobe.

1 Timoteo 3:7

Ja̧danö, te'ada̧lakwawa luwo̧ baibanö otidakwo̧ma, ju'wedö Dios ömöledöböködöbi otiwanö tjomukwatökweda, jojodö sulabenö yötja̧liökwe Awetja ja̧ina 'daliwanö ö̧libapji jö̧ba̧lö.

2 Corintios 6:8

Ju'wedö otiwanö ökwödönö tjomukwatonö, ju'wedö sulabenö tjomukwatobe ökwödönö. Ju'wedö ökwödönö sulabedö jö̧ba̧lö yötja̧lonö, ju'wedöma otiwanö ja̧badö jö̧ba̧lö yötja̧lobe ökwödönö. Ju'wedö ökwödönö omöna yöba̧ladö jö̧ba̧lö yötja̧lijayonö, jweinö isabenö weneda yöba̧ladösa.

Hechos 6:3

Jo̧kwaobetjö̧, chömöledö, ökwödötjö emö junaduwi jelemutjö du̧ju̧tajanö ömadönö, pjaatakwawa jojodönö, ja̧ iyawa webadö batjibinö. Jobadö emö kwujunaduwakwawö̧ma, Otiwanö omukwatö ju̧kwadö, jö̧ba̧lö, jojodö yötja̧lawö̧nöda emö kwujunaduwo. Ja̧danö, jobadö emö kwujunaduwakwawö̧ma waisanö omukwatadönöda kwujunaduwo. Ja̧danö, Dios O̧'wo̧ Luwo̧ öba̧ja̧dawö̧nöda emö kwujunaduwo. Emö kwujunaduwawö̧nö wedakobe jobadöda iyawa wetjobö.

Mateo 18:7

Jau chömöledö, böjȩ jojodöma isabenö Dios lȩebakwa̧ tjemakwedö, jojodö sulabenö ja̧tjobö wetjobetjö̧. Isabenö yötawaduwakwö chömöledö, jojodö sulabenö ja̧tjobö wetji̧ma isabenö baledakobe, jo̧kwaijayonö ju'wedö sulabenö ja̧tjobö webo̧ma, isabenö nöinö usula emawakwo̧— jö̧ba̧lö.

2 Reyes 10:31

Ja̧danö, teada̧lönö ö̧jo jö̧a̧linobe Jehuma, okobe jwiinö ju'wi Dios wei̧bi a̧ja̧kwö ö̧joböma. Jo̧kwaijayonö ju'wi Dios weinama, otiwanö a̧ja̧kwinokobe. Okobe jwiinö omajadenö, Israel jojodö tjösödökwe Isabenö Jo̧ Dios wei̧ a̧ja̧kwö ö̧jo jö̧a̧lijayonö, otiwanö a̧ja̧kwökönö, Jeroboan sulabenö ja̧ina, israel jojodö sulabenö ja̧tjobö weina jawama kaatibinokobe Jehuma.

1 Samuel 2:22

Elima jwiinö pöe baibinobe. Ja̧danö, pöe ja̧nö, Eli̧ma iteda i̧tji̧mu sulabenö ja̧bö tjö̧ji̧ wene a̧ja̧kwiainobe, baikwö: —Eli i̧tji̧mu Diostjö jojodötjö tjö'da̧de pjabatadöma isabenö sulabenö ja̧badö israel jojodönö, ja̧danö ju'wibi Dios eju apjude pjeanö otidadö ya̧dönö sulabenö 'da̧'da̧bö ju̧kwadötö, —jö̧ba̧lö a̧ja̧kwinobe Elima.

1 Samuel 2:17

Jejenö ja̧tjiökwe, Isabenö Jo̧ma jwiinö öpöjödinobe, —Isabenö bidöma sulabedö, jojodö ötjönö tjiyi̧ma mikwawökö ji̧ jö̧ba̧lö sulabenö omukwatadö jö̧ba̧lö.

Éxodo 32:21

Ikenama Moisés abebijetö Aarónnö: —Chöpöe, ¿tajawedö yökawinököda jojodönöma, sulabenö ja̧köbaduwoko, jö̧ba̧lö? ¿Taji ja̧tjaja̧da ökwönöma ja̧ jwiinö suli̧ jawa ja̧tjobö weköbobö? —abebö a̧ja̧kwökwe:

1 Samuel 2:23

Jejenö a̧ja̧kwö, Elima i̧tji̧munö yöali̧nobe baikwö: —Chi̧tji̧mu, tajawedö sulabenö ja̧köbaduwa jejenöma? Sulabenö ja̧köbaduwi̧ma, okobe deinö jojodötjö cha̧ja̧kwobe.

1 Reyes 15:26

Jo̧ba Nadabma sulabenö ja̧bö ö̧jinobe, Isabenö Jo̧ öba a'otjöma, iteda abe'do sulabenö ja̧bö ö̧jinadanö, jobabi sulabenö ja̧inobe, ja̧danö ju'wibi abe'do sulabenö jainadanö, ömöayedö israel jojodönö sulabenö ja̧tjobö weinobe.