1 Samuel 18:17 - Dios Iwene

¹⁷ Ikenama Saulma Davidnö yöa̧linobe, —Bisuju chitjiju abönö pöonö, ökwö kwilekwo bajibanö wetobö chösöda. Ökwönö atebi̧ma bi̧yada, chömöayo̧ ja̧nö, yebabökönö Isabenö Jo̧ öpöjojodönö ölakwabikwawö kwö̧jobö. Isabenö jejenö yebabökönö ölakwabikwawö kwö̧jitjö̧ma, chitjiju Merab mikwujunö wetocha, —jö̧ba̧lö yöa̧linobe Saulma. Jo̧kwaijayonö, jejenö wamenö yöa̧lijayonö, isabenö omukwati̧ma baikwö omukwatinobe, —Ötjöda Davidnö kwabö lotobö jwiena, filisteo jojodökwö ölakwabikwawö ö̧jobö wetitjö̧ma, jobadöda Davidnö kwabö lotjena, —jö̧ba̧lö.

1 Samuel 18:17 Referans Kwoze

1 Samuel 25:28

Ja̧danö kwöba a'otjö wene chujuna̧li̧ omukwatökönö söbebö loköbobö atebakwö chuluwo̧. Jau chuluwo̧, chöwaisakwö, ökwöma Isabenö Jo̧ wei̧ otidö, jo̧ba öpöjojojodönö ölakwabikwawö jo̧ja jö̧ba̧lö, ja̧danö ju'wibi chöwaisa, jejenö wei̧danö ölakwabikwawö kwö̧jiökwe, Isabenö Jo̧ma isabenö ökwönöbi, kitji̧mu tupadanö jojodönöbi ujunakobe, inesö la'aka luwedö kwö̧jaduwinö. Ja̧danö chöwaisa chuluwo̧, Dios ökwönö pjaatobetjö̧, ina kwö̧jayi bakwo̧bi ökwönö suli̧ öwaedobö jwiakobe.

1 Samuel 18:25

Saul weinobe: —Baikwö yökawaduwo Davidnö: Ba̧kwelatebö tjilekwamunö tjemakwedö midajitjadanö kwimidoböma öpöjöda Saulma, bi̧yada ösöda. Filisteo jojodö sulabenö ja̧tjina balekwa mikwa jobadönö kwabö loköboböda ösödobe. Ja̧danö Saul badedö omukwataja̧ möle baibakwa̧ abönö jobadö öpöjojodötjö cienbedönö kwabö lobö tjötade bajalesa̧do̧ 'wibebö kwichejebitjö̧ma, tjilekwamunö tjemakwedö midajitjadanö midawa ja̧kobe, jö̧ba̧lö yökawaduwo Davidnö, —jö̧ba̧lö weinobe Saulma. Jejenö webö, isabenö omukwati̧ma, —Filisteo jojodöma Davidnö kwabö lotjena, —jö̧ba̧lö omukwatö weinobe Saulma.

1 Samuel 17:25

Ja̧danö yötja̧lakwawinobe, —Ite dö̧jobekwö icho̧nö edaduwi, jo̧bama ökwödö israel jojodönö yebabidö dö̧jojobö jö̧ba̧lö edö ichobe: Yebaböködö kwö̧jaduwitjö̧ma, ötjökwö ölakwabikwawö jo̧nöma webaduwi, jö̧ba̧lö. Isabenö bakwo̧ Goliatnö kwabö loitjö̧ma, la'aka duluwo̧ Saulma otiwanö kwabö lobajo̧nö iyakobe, itea nöinö mikwawi̧ jawa iyakobe, ja̧danö ju'wibi itjijunö emobö weakobe. Ja̧danö ju'wibi Goliatnö kwabö lobo̧ ömöledöma, luwo̧nö midawa midöködö batjibanö tjö̧jakwedö, tjömöledöso̧da otiwanö Goliatnö kwabö loobetjö̧, —jö̧ba̧lö yötja̧lakwawinobe.

1 Samuel 18:21

baikwö omukwatö: —Micalnö David ilekwo bajibobö wetakwa̧ yötawitjö̧ma, ja̧ 'daliwadanö jȩna, filisteo jojodö jo̧banö kwabö lotjobö, —jö̧ba̧lö. Ja̧danö, jejenö omukwatö yemidanö Davidnö yöa̧linobe, —Isabenö cho̧jo̧li babibö, chitjiju Micalnö kwemobö jo̧be, —jö̧ba̧lö.

1 Samuel 17:47

Ja̧danö ju'wibi okobe deinö bai ko̧ko̧kwajadöma edö tjöwaisachibobö, Isabenö Jo̧ma iteda ujulunöda ömöledönö tjö̧jibanö pjabato̧ jö̧ba̧lö tjöwaisachibobö. Isabenö kwölöte'obi, tokwötebi jwitjitjö̧bi bakwainö iteda ujulunö tjö̧jibanö pjabato̧ jö̧ba̧lö tjöwaisachibobö. Jau Goliat, baikwö yötawakwö, ölakwabikwawa luwo̧ma, Isabenö Jo̧da, ja̧danö jo̧bada pjaatakobe, ökwödö filisteo jojodönö dujuluwobö, —jö̧ba̧lö atadinobe Davidma, Goliatnö.

2 Samuel 12:9

Jo̧kwajabetjö̧, tajawedö ötjö Isabenö Jo̧ weti̧ kwöpöjödinada? Tajawedö sulabenö chöpöjödi̧ jawa ja̧köbinada? Isabenö chöpöjödinö ja̧köböbajabetija David, ilekwonö kwemotö jö̧ba̧lö, hitita jojo Uriasnö kwabö loköbijatö. Jau David, amonitas ölakwabikwawa jojodönötjö̧, ökwöda Uriasnö kwabö loköbijatö, ja̧danö kwabö lobajo̧, jo̧ba ilekwonö kwemijatö, kwilekwo bajibanö.

2 Samuel 11:15

Ja̧danö, baikwö wȩyudö weinobe Joabnö: —Uriasnö weköbo, abönö ölakwabikwawadökwö ölakwabikwawobö, inesö labobema. Ja̧danö, jwiinö labinö tjölakwabikwawena, jo̧banö le'dedibö ökömakwö tjekachajaduwo, jobe jo̧dawa'ye ölakwabikwawö, Uriasnö kwabö lotjakobetjö̧, —jö̧ba̧lö weinobe Davidma, Joabnö.

Deuteronomio 17:7

Ja̧danö, lȩbebö kwabö loköbaduwenama, tjedaja̧ yöbawadöda abönö inawiya tjikwawobö ja̧kobe, ja̧danö tjikwaja ikena okobe deinö ju'wedö jojodöbi tjikwawobö ja̧kobe, sulabenö ja̧bajo̧ ö'wö baibenanö kabatö. Jejenö ja̧bö inesö suli̧ ju'wedö tjösödawö̧nö ösödakwawa kwiteboduwi israel nijitjö söbebö loköbaduwobö ja̧kobe chömöledö, —jö̧ba̧lö yöawinobe Moisesma.

1 Samuel 14:49

Saul i̧tji̧muma bidö: I̧tji̧mu ömadöma Jonatan mikwo̧bi, Isui mikwo̧bi, Malquisua mikwo̧bi. Ja̧danö itji̧mu ya̧döma bidö: Abönö pöoma Merab mikwuju, ja̧danö jöjawujuma, Mical mikwuju.

1 Samuel 17:36

Isabenö yötawakwö chuluwo̧, jejenö didibadönöbi, ojwe yawi ödöbaedönöbi kwabö lotijatö. Ja̧danö, ju'wibi isabenö yötawakwö, filisteo jojo Goliatma, 'Yaba̧lo̧ Dios ömöayedö ölakwabikwawa jojodönö sulabenö yöa̧lajabe, Dios ömöayedöma juluwöködö, yebabidö jö̧ba̧lö. Jo̧kwajabetjö̧ Diosda ömöayedönö jejenö yöa̧lobetjö̧, kwabö lotinawö̧ tebonö ju̧kwadönö baledinadanö baledakobe, jo̧banöbi kwabö lotakobe.

1 Samuel 18:27

ömöayedö ölakwabikwawa jojodökwö 'ya̧nö, filisteo jojodötjö ömadö doscientosbedönö kwabawö loinobe, ja̧danö kwabawö lobajo̧, tjötade bajale o̧diju 'wibebö ichejebinobe Saulnö. Ja̧danö Saul öba a'otjö ba̧ja̧dö i̧sebinobe, —Isabenö ja'yubebi ji̧bökönö okobe jwiinö akebaja̧ chiyobe, —jö̧ba̧lö. Jejenö iyinobe Davidma, inesö la'aka luwo̧ Saul o̧jo̧li baibakobetjö̧. Iyiökwe, Saulma itjiju Micalnö weinobe, David ilekwo bajibanö.

1 Samuel 30:26

Ja̧danö, ȩwa̧jö, Siclagbe tjichibinobe. Ikenama, ichibajo̧, amalecita jojodötjö eminatjö, Davidma ja'ö 'da̧batö ömöledö Juda niji luwedönö webö iyinobe. Webö, jobadönö yöawinobe, —Bi̧ya ökwödönö iyawa baibanö diyakwö, Isabenö Jo̧ öpöjojodötjö demina jawama, —jö̧ba̧lö.

2 Samuel 6:16

Ja̧danö, Isabenö Jo̧ iteapjo e'ewö Jerusalen comunidad tetjachenama, Saul itjiju Mical mikwujuma, ventanasa'dotjö edö, jilekwe la'aka luwo̧ Davidnö jedinobe, Isabenö Jo̧ Diosnö ösödö, döbö kwebacho̧nö. Ja̧danö ja̧ edö, jöpöjödinobe jomajadenö, bite chilekwema mikwawö̧kö̧, la'aka luwo̧ kweacho jö̧a̧li̧danöma kwebachö̧kö̧ jö̧ba̧lö.

Proverbios 26:24

Ja̧danö, ju'wibi yötawa, wanedö: Bakwo̧ jelo̧nö jwiinö öpöjödijayonö öwawinö i̧sebökönö, wamenö, omöna ösödö yöba̧lo̧ jo̧banöma. Isabenö, o̧'wo̧ sulinö edö omöna yöba̧lo̧ öpöjödökwenö, jo̧banö sulabenö ja̧akwa̧ o̧'wo̧nö omukwatö junö.

Proverbios 26:25

Isabenö yötawa: Jobekwö omukwato̧ ökwönö ösödö yöa̧litjö̧ma kwösödoko, omajade okwanö sulabenö omukwatö jo̧obetjö̧. Ja̧danö, omajade okwa jwiinö suli̧ jawa, Isabenö Jo̧ jwiinö öpöjödi̧ jawa a̧jobe nöinö.

Proverbios 26:26

Jo̧bama jojodö tjedonö jwiinö öpöjödökwenö ösödö yöba̧lo̧, jojodöma edö tjo̧mukwatobö, öpöjödökökwe, jö̧ba̧lö. Jobekwö omajade okwa sulabenö omukwati̧ i̧sebököjayonö jojodöma jo̧banö tjöwaisachibakwedö. Ko̧ko̧kwö yötja̧lakwawena jo̧ba sulabenö ja̧ina yöba̧lakwawadö.