Ja̧danö, ju'wibi yötawa: Bakwo̧ itedada omukwatena, ötjödasa ju'wedötjö o̧penönö waiso̧ma, jö̧ba̧lö. Isabenö yötawa: Ötjödasa waiso̧ma, jö̧ba̧lö, omukwato̧nöma Dios lȩebakwo̧, labi̧ jawa baledinö jo̧banöma. Ja̧danö, jelo̧nö yötawa: Bakwo̧ itedada baikwökönö jo̧sa jö̧ba̧lö omukwato̧nöma, jojodö otiwanö tjedakwo̧, otiwanö omukwatö jo̧ jö̧ba̧lö.
1 Samuel 17:44 - Dios Iwene44 Ja̧danö Goliatma Davidnö jwöinobe, —Baikwö chö̧jobekwö ichi, ja̧danö ökwönö kwabö lobö, kwiteba'o pji̧yu̧ tjukwobö chiyocha, ja̧danö tebonö ju̧kwadö kwiteba'o tjukwobö kwabö lobö chiyocha, —jö̧ba̧lö. Gade chapit la |
1 Samuel 17:44
12 Referans Kwoze
Ja̧danö babema Isabenö Jo̧ma ökwönö kwabö lotobö iyakobe, ja̧danö ökwönö kwakibanö kwatocha, ja̧danö kwuu bulatö lotocha. Ja̧danö kwömöledö filisteo jojodö tjiteba'o pji̧yu̧ tjukwobö chiyocha, ja̧danö tebonö ju̧kwadö tjukwobö chiyocha, okobe deinö bö̧je jojodö Diosnö tjöwaisachibakobetjö̧, isabenö Diosma Israelnö ö̧jobe, jö̧ba̧lö.
Ja̧danö, jobe ölakwabikwawa jojodö tjö̧jemitjö ju'wedö filisteo jojodöma Jonatannöbi, ömöayo̧nöbi jwötjinobe, —Baikwö nöchö ichaduwi, dujulu di̧sebakobetjö̧, —jö̧ba̧lö. Yötja̧lökwe, Jonatanma ömöayo̧nö yöa̧linobe, —Chökömanö ichi, tjö̧jobekwö dönöcho, Isabenö Jo̧ma isabenö ökwödö israel jojodö jobadönö dujuluwobö iyajabe, —jö̧ba̧lö.
Jejenö ji̧tji̧munö mö nönö lotjioko, Aya itjiju Rizpama tuda'wo jawa sabana'wo emö, jobe yöne inawa nöawanö pjabebö jödinobe, jobe ji̧tji̧mu tjiteba'iju jiteada̧lobö. Ja̧danö ajayinö batjo̧ wa̧ji̧ emajitena möle jenanö jamatö, bajalianö ojwiyo o̧benanö baibanö tjöbeba̧löjönö jiteada̧linobe, möle pji̧yu̧ tjiteba'iju tjukwapji jö̧ba̧lö, ja̧danö yöte tebonö ju̧kwadö tjukwapji jö̧ba̧lö.
Piblisite