1 Samuel 17:32 - Dios Iwene

³² Ja̧danö Saul öba a'o ja̧nö, Davidma Saulnö yöa̧linobe, —Bakwo̧bi jo̧ba filisteo jojonö yeabobö jwiobe, ötjö kwömöayo̧ma jo̧banö ölakwabikwawö chi̧'yocha, —jö̧ba̧lö.

1 Samuel 17:32 Referans Kwoze

1 Samuel 16:18

—Weiökwe, ömöayedötjö bakwo̧ yöawinobe, —Chuluwo̧, bakwo̧nö chedijatö, Belen jojo Isai itji̧mutjö bakwo̧ arpa waiso̧nö. Jo̧bama arpabi waiso̧, ja̧danö yebabö̧kö̧. Isabenö ölakwabikwawa jawa waiso̧, ja̧danö yöa̧li̧ma, waisanö omukwatö yöba̧lo̧. Jo̧bama jwiinö otiwo̧, ja̧danö ju'wibi Isabenö Jo̧ otiwanö pjaatökwe, —jö̧ba̧lö yöawinobe.

Isaías 35:4

Tjomajadenö yebabinö ju̧kwadönö yökawaduwo, —Kwujuluwaduwachibanö, yebabökönö kwö̧jaduwo, chömöledö. Jau chömöledö, kwösödaduwökwe Diosma isabenö pjabatö ichakwo̧, öpöjojodö sulabenö ja̧tjiökwe, balekwa mikwa dameakwö ichakwo̧, lȩebobö. Jau chömöledö, kwöpöjojodöduwitjö kwö̧jibaduwanö, otiwanö ichakwo̧ Diosma, kwujuluwachibaduwo, —jö̧ba̧lö ökwödötjö tjomajadenö yebabinö ju̧kwadönö tjujuluwachibanö yökawaduwo.

Hebreos 12:12

Jo̧kwaobetjö̧ chömöledö, Dios yöbawö kwabö lȩebi̧ma ökwödö kwöda̧peachaduwinö pjaatobetjö̧, kakatibaduwoko, ¡Ayö! Chime'dawachiba, katatiba, jö̧ba̧lö. Chömöledö ja̧ kwime'dawachibaduwitjö̧ juluwachibö kabatibökönö kwi̧'yaduwo kwo̧'wo̧ luwo̧duwinö.

1 Samuel 14:6

Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.

Josué 14:12

Jo̧kwajabetjö̧, babe Isabenö Jo̧ jö̧a̧lina badekwachinö chitebo baibanö kwiyobö atebakwö, –Kwekachina niji chiyocha, –jö̧a̧lina nijima. Jau Josue, ja̧ damötjö mö'sa'iju jȩmi niji kwetachinemi kwiyobö atebakwö, Isabenö Jo̧ jö̧a̧lina badekwachinö. Ja̧ niji yötjawina kwa̧ja̧kwijatö Josue, –Inesö ödöbaedö anaquita jojodöma, inesö 'diinö tjöbebö tjotidina comunidadnö tju̧ju̧kwobe, –jö̧ba̧lö. Ja̧danö, isabenö jejenö 'diinö tjöbebö tjö̧jobe, jo̧kwaijayonö chedemi Isabenö Jo̧ma ötjökwö pjabatö ö̧jakobe, ja̧danö damötjö̧ jö̧a̧linadanö, jobadönö jobetjö a'dewö lotocha, chitebo baibanö, —jö̧ba̧lö niji abebö yöa̧linobe Calebma.

1 Samuel 17:31

Ja̧danö, David yöa̧li̧ a̧ja̧kwö, ju'wedö Saulnö yötjawinobe, ja̧danö a̧ja̧kwö, David ichobö weinobe Saulma.

Isaías 7:4

Acaznö badekwajo̧, yökawonö: –Teada̧lönö ja̧nö, yebabökönui. Kwomajadenö tjö̧bawökönö, idö juluwöködö la'aka luwedönö yebabökönö kwö̧jo. Jau Acaz, jobadö siria niji la'aka luwo̧ Rezinbi, israel la'aka luwo̧ Pekabi jwiinö tjö̧dameakwijayonö, juluwöködö, sule ökwöla ubö̧'a, juluwanö tiibö̧'adanö ichejekwadö. Isabenö jobadöma ökwönö suli̧ tjöwaedotö jö̧ba̧lö omukwatö tjujunajabe,