1 Samuel 17:11 - Dios Iwene11 Jejenö yöa̧liawö̧, Saulbi, okobe deinö ju'wedö israel jojodöbi jwiinö yetjaibinobe, ite filisteo jojonö dakwö dujuluwakwajö jö̧ba̧lö. Gade chapit la |
Ja̧danö, baikwö yötawakwö Josue, Isabenö Jo̧ Diosda kwabönö i̧'yakwo̧ma, jo̧bama ökwökwö ö̧jakwo̧, ja̧danö la'akatjöda waekwökakwo̧, ja̧danö la'akatjöda ökwönö le'dedibö loökakwo̧, jo̧kwajabetjö̧ yebabinö kwö̧joko, ja̧danö –Dakwö dichibakwajö, –jö̧ba̧löma omukwatö kwö̧joko, —jö̧ba̧lö yöawinobe Moisesma Josuenö.
Chömöledö israel jojodö, tinö yekabinaduwada? O̧'wo jawa jwiinö yekabiduwobetjö ötjönö omöna yöka̧laduwaji̧? Tajawedö ötjönö kwo̧'woduwi jwikibaduwaja̧da, ja̧danö, —Dios ösödi̧ma di̧yajö, —jö̧ba̧lö tajawedö omukwatökönö kwö̧jaduwobeda? Lekwe möle ötjöma wi̧inö ja̧nö, ökwödönö lȩbebökönö chiteada̧lobetjö̧, ötjönö yebaböködö bakibaduwaji̧?
Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Sulabenö ja̧bö ju̧kwadöma yebabinö döbibajadö, ökwödönö do̧batö tjicha, jö̧ba̧lö. Jobadönö do̧tjatobö ichadö deijayonö, tjicha döbibajo, jö̧ba̧lö yebabinö döbibajadö. Jobekwö yetjabokobe Dios wei̧ a̧ja̧kwadöma. Yebaböködö. Didiba möayo̧ juluwo̧ didibadanö yebaböködö.
Ja̧danö, jobe Mizpanö tjö̧jonö, filisteo jojodöma tja̧ja̧kwinobe, —Israel jojodöma Mizpanö ko̧ko̧kwö ju̧kwadötö, —jö̧ba̧lö, ja̧danö jejenö a̧ja̧kwajadö, filisteo jojodö la'aka tjuluwedöma tjömöayedö ölakwabikwawa jojodökwö Mizpabe tji̧'yinobe, jobadönö tjujuluwobö. Jejenö tjichiawö, yetjaibinobe israel jojodöma,