1 Samuel 16:18 - Dios Iwene

¹⁸ —Weiökwe, ömöayedötjö bakwo̧ yöawinobe, —Chuluwo̧, bakwo̧nö chedijatö, Belen jojo Isai itji̧mutjö bakwo̧ arpa waiso̧nö. Jo̧bama arpabi waiso̧, ja̧danö yebabö̧kö̧. Isabenö ölakwabikwawa jawa waiso̧, ja̧danö yöa̧li̧ma, waisanö omukwatö yöba̧lo̧. Jo̧bama jwiinö otiwo̧, ja̧danö ju'wibi Isabenö Jo̧ otiwanö pjaatökwe, —jö̧ba̧lö yöawinobe.

1 Samuel 16:18 Referans Kwoze

1 Samuel 3:19

Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.

Génesis 39:23

Ja̧danö, Isabenö Jo̧ Diosma Josénö pjabatö ö̧jobetjö̧ okobe jwiinö José otidi̧ma otiwijetö. Jo̧kwaobetjö̧ jeju ba̧ja̧dadönö te'ada̧lo̧ma jeju okwa ji̧ma omukwatöbi omukwatijökötö, Joséma otiwanö otidobetjö̧.

Génesis 39:2

Ja̧danö, Isabenö Jo̧ Diosma Josénö pjabatö ö̧jobetjö̧ Joséma uluwo̧ Potifar ejunö ja̧nö okobe jwiinö otidi̧ma otiwijetö.

1 Samuel 10:7

Jejenö yötawaja̧danö baledaja̧ ikenama, otiwanö ja̧köbo jö̧ka̧li̧danö ja̧bi, ja̧danö isabenö Diosma ökwönö pjaatakobe.

Mateo 28:20

Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Mateo 1:23

Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.

2 Samuel 17:10

Ja̧danö jejenö baleditjö̧ma, okobe deinö kwömöayedöma yebabinö katjatibakobe. Jau chuluwo̧, okobe deinö israel jojodöma kwabe'donö tjöwaisökwe, juluwo̧, ölakwabikwawa jawa waiso̧ jö̧ba̧lö, ja̧danö ju'wibi jo̧ba yöne ömöayedöbi jwiinö juluwadö jö̧ba̧lö tjöwaisobe. Jo̧kwajabetjö, babe yö̧te Davidnö kwabö lotjobö tjomukwati̧ waekwitjö̧ma, okobe deinö yetjaibena, inesö juluwadö yebaböködöbi yebabidö batjibanö tjö̧jena—.

2 Samuel 17:8

Kwöwaisa kwabe'donöbi, ömöayedönöbi chuluwo̧, jobadöma jwiinö juluwadö ölakwabikwawa jawama. Ja̧danö, ju'wibi, babe baledaja̧ balediawö̧, labidö tjö̧jobe babema, baikwö wanedö yötawa, Ojwe yawi jitji̧munö 'dötjebioko labuju jö̧ji̧danö, babe labidö tjö̧jobe kwabe'dobi, ömöayedöbi. Ja̧danö ju'wibi chuluwo̧, kwabe'doma ölakwabikwawa jawa jwiinö waiso̧, ja̧danö babe yö̧te jo̧bama ju'wedö jojodökwö abökakobe.

2 Samuel 14:20

Jau chuluwo̧, kwitji̧ jawa ajayinö kwomukwatina balewö lobö wainö kwomukwatotö jö̧ba̧lö, ökwönö yöta̧lobö weatö Joabma. Ja̧danö jo̧ba weaja̧ tojata̧lö ja̧ jawa yöta̧lobö domukwatijayonö, isabenö waiso̧ja chuluwo̧, ja̧danö dotojoböma jwiatö. Jau chuluwo̧, Dios weökwe angel öwaisi̧danö okobe jwiinö ditebo jawa waiso̧ja, ja̧danö dotojo jö̧da̧laja̧ma, kwöwaisachibajabe, —jö̧ba̧lö jatadinobe.

1 Samuel 16:17

Yötja̧lökwe, —Jau, yöka̧laja̧duwadanö arpa waiso̧nö kwisakwaduwo, ja̧danö badekwajadö kwichejebaduwo, chöba a'otjö arpa pjeobö.

1 Samuel 16:19

Yöawökwe, Saulma ömöayedönö weinobe, Isainö yötja̧lobö baikwö: —Isai, kwuluwo̧ Saulma weobe, kwitji̧ obejadönö teada̧lo̧ David mikwo̧nö, weköbobö Saul ö̧jobekwö, —jö̧ba̧lö.

1 Samuel 17:12

Davidma Isai itji̧, ja̧danö Isaima Efrateo ötjabawö̧tjö bakwo̧. Ja̧danö, ju'wibi Juda niji comunidad Belen jojo. Isaima i̧tji̧mu ömadönö jelemutjö̧ wamedukwanö ujuna̧linobe, ja̧danö Saul ö̧jina möle, ida̧ökö pöe ö̧jinobe Isaima.

1 Samuel 16:12

Weökwe, itji̧ bajalia jojonö öbibö tji̧'yobö weinobe Isaima, ja̧danö Isai itji̧ bajalia jojo David mikwo̧nö tjichejebinobe. Jo̧banö edö, Samuelma ö'wöchö̧kö̧ otiwanö duwo̧nö edinobe, öbajalebi, itebiabi otiwo̧nö. Ja̧danö, Isabenö Jo̧ma Samuelnö weinobe, —Biteda omudawö chujunökwema, a̧la̧ibi, uunö o̧tesobu tobebi, omudawö chujunaja̧ wene i̧sebö.

Proverbios 12:8

Ju'wibi yötawa: Jojodöma ö'wiyawakwawönö omukwato̧nö otiwanö tjedökwe, otiwanö omukwato̧, jö̧ba̧lö. Jobekwö tjedokobe jelobekwö sulabenö omukwato̧nö. Jo̧banö jwiinö tjöpöjödobe, sulabenö omukwato̧, jö̧ba̧lö.