1 Samuel 16:11 - Dios Iwene

¹¹ Ikenama Samuelma Isainö abebö a̧ja̧kwinobe, —Jelo̧bi deobeji̧? okobe deinö kwitji̧mu ömadöma bai tjö̧jobeji̧? —jö̧ba̧lö. Aebökwe, —Ina bajaliya jojo deobe, jo̧bama obejadönö teada̧lö ö̧jobe, —jö̧ba̧lö atadinobe Isaima. Yöa̧lökwe, —Jo̧banö tjichejebobö webi, bamatö dukwökakobe, jo̧babi bai ichibenanö kabatö, —jö̧ba̧lö weinobe Samuelma.

1 Samuel 16:11 Referans Kwoze

2 Samuel 7:8

Tupakwö yöawinobe Diosma, Natan Davidnö yöawakwa̧ma: —Jo̧kwajabetjö̧, baikwö yökawo chömöayo̧ Davidnö: –David, baikwö yöawobe Isabenö Jo̧ Okobe Jwiinö Juluwo̧ Diosma ökwönö, Ayayinöma mejenö ja̧nö, obejadönö teada̧lö kwö̧jijatö, jö̧tö? Jo̧kwaijayonö jobe mejetjö ökwönö omudawö chemijatö, ja̧danö emajo̧, ökwönö chujunijatö, chömöledö israel jojodötjö inesö la'aka tjuluwo̧ bakibanö.

1 Crónicas 17:7

Tupakwö yöawinobe Diosma, Natan Davidnö yöawakwa̧ma: —Jo̧kwajabetjö̧, baikwö yökawo chömöayo̧ Davidnö: –David, baikwö yöawobe Isabenö Jo̧ Okobe Jwiinö Juluwo̧ Diosma ökwönö, Ayayinöma mejenö ja̧nö, obejadönö teada̧lö kwö̧jijatö, jö̧tö? Jo̧kwaijayonö jobe mejetjö ökwönö omudawö chemijatö, ja̧danö emajo̧, ökwönö chujunijatö, chömöledö israel jojodötjö inesö la'aka tjuluwo̧ bakibanö.

2 Samuel 13:3

Ja̧danö, Amnon ömöledötjö bakwo̧ ö̧jinobe, Jonadab mikwo̧. Jo̧ba Jonadabma, David öpöe Sima mikwo̧ itji̧, ja̧danö jwiinö waisina Jonadabma, iteda ösödi̧ jawa badekwachinö ja̧i̧ma.

1 Samuel 17:28

David jojodönö yöa̧lemi, David öpöe Eliabma a̧ja̧kwinobe, ja̧danö a̧ja̧kwö, Davidnö ölabinobe, ja̧danö Davidnö yöa̧linobe: —Tajawedö baikwö kwichaja̧da? Obejadö ja'yubeda kwajwimunö kwiteada̧lo̧ jö̧ka̧lijayonö, jobadönö le'dedibö kwichaji̧? Ökwönö chöwaisökweja, chöjawo̧, otiwo̧sa jö̧ba̧lö kwomukwati̧ma, ja̧danö kwomajadenö sulabenö kwomukwati̧ma. Ökwöma sule ölakwabikwawö kwakwatjakwawi̧ kwedotö jö̧ba̧lö baikwö sulabenö ichajo̧ja, —jö̧ba̧lö yöa̧linobe Eliabma, öjawo̧ Davidnö.

1 Samuel 16:10

Jejenö okobe deinö jelemutjö du̧ju̧taja baibanö Samuel öba a'o tjöbaledobö weinobe Isaima, jo̧kwaijayonö Samuel yöawinobe, —Dios omudawö ujuninökwema bidötjö deobe, —jö̧ba̧lö.

Éxodo 3:1

Ja̧danö, Moisésma Madiánnö ja̧nö o̧bȩja̧dönö te'ada̧liabijetö, öjaba Jetro, jobe jojodötjö Diostjö tjö'da̧denö pjabato̧ a̧jwi̧mu o̧bȩja̧dönö. Ju'wi möle Moisésma o̧bȩja̧dönö öbibö 'yi̧jetö jojodö deobekwö mejebe, ja̧wo̧ meajobekwö. Jobekwö 'ya̧nö mö'ösa'o jena ichibijetö, Horeb mikwa'o, Diosnö ösödö midö junijadötö, Dios ö̧ja'o, jö̧ba̧lö.