1 Samuel 15:7 - Dios Iwene

⁷ Ikenama Saulma amalecita jojodönö ujuluwinobe, Havila nijitjö, egipto nijitjö jawo̧ ichobekwö niji Shur mikwobe ichibenanö kabatö.

1 Samuel 15:7 Referans Kwoze

1 Samuel 14:48

Ja̧danö, ju'wibi, isabenö juluwo̧ ja̧nö, amalecitas jojodönö ölakwabikwawö ujuluwinobe. Jejenö ölakwabikwawö ja̧nö, israel jojodö tjö̧jibanö pjaatinobe Saulma, israel jojodönö usula tjemawinö ja̧badötjö tjö̧jibanö.

Génesis 25:18

Ismaeltjö tupadanö jojodöma Havila niji, Shur niji 'da̧denö ju̧kwijadötö. Jobema Egiptotjö ja̧wo̧ laebemi ji̧jetö, Asiriabe 'ya̧kwawama ja'ö. Ja̧danö, Ismaeltjö tupadanö jojodöma idödada ölakwabikwawö ju̧kwijadötö.

Génesis 16:7

Döbibajaju jojodö deena, ojwese'do jobekwö 'yi̧jotö, Shur comunidadbe 'ya̧kwawa mana ö'öbö je'donö. Ja̧danö, jobe jö̧jobe, Isabenö Jo̧ Dios ángeldanö ichejekwö öwawachajo̧ma ichö badekwajijetö jobujunö.

1 Samuel 27:8

Baikwö laebobe David jobe filisteo jojodö tjitebonö ö̧jina wene. Jobe tjö̧jonö, Davidma ömöayedönö öbibö, ju'wedö israel jojodö tjöpöjojodönö ölakwabikwawö, tjitea emö 'yi̧a̧inobe, gesurita jojodönöbi, gezritas jojodönöbi, amalecitas jojodönöbi, israel jojodö tjichibakwa̧ abönö ja̧ nijinö jinadönöma. Jobe David ölakwabikwawö yi̧nemima, Telam comunidadtjö a̧likwö Shur niji baibanö, ja̧danö egipto niji badeibö baibanö.

Éxodo 15:22

Ikenama Moisésma Israel jojodönö öbibö 'yi̧jetö o̧pesobu duwobu mikwobutjö tupakwö mejebe, Sur meje mikwobekwö. Ja̧danö, wa̧pötakwa möle kwebachö 'yi̧jadötö ojwese'do jwiena, ojwiyo owökönö.

Génesis 2:11

Ajayinö 'da̧achödöma Pisón mikwijetö. Jödöma Havilá nijinö li̧jetö wi̧so̧inö. Havilá nijinöma oro bi̧jetö.

Diosnö ösödo̧ Job mikwo̧ usula emawina jawa 21:30

Tjedaja̧ baikwö yöbawadö, –Nöinö wene baledenama, sulabedöma wenetjö ji̧badö, Dios dameakwö lȩebenama, wene jwiinö Dios lȩebi̧tjö döbibajadö, –jö̧ba̧lö yötjawobe.

1 Samuel 30:1

Ja̧danö, Aquis ö̧jelö ȩwa̧jö, wapötakwa möle baledibanö kwebachajadö, tjö̧jemi comunidad Siclagbe tjichibinobe. Ja̧danö, ichibö tjedemi, tjömöledö deobe, tjejubiya ubajobeda tjöbadekwajinobe. Detjonö, amalecita jojodöma Juda nijitjö a̧li̧kwöchobe naukwabinö ölakwabikwawö kwetjachinobe, ja̧danö Siclagbebi ichibö, juluwö mebibö tjönaukwinobe, ja̧danö okobe deinö jobe ju̧kwadö ya̧dönöbi, ju'wedö jobe ju̧kwadönöbi do̧tjatinobe. Bakwo̧nöbi kwabö lotjinokobe, do̧batöda do̧tjatinobe, ja̧danö do̧batajadö, tjejubiya tjujuwinobe. Ikenama, do̧tjatajawö̧nö öbibö, labebö tji̧'yinobe.

1 Crónicas 4:43

jobe ju̧kwadö Amalecitas jojodötjö ina 'yaba̧ladönö kwabawö lotjinobe. Jobekwö ja̧ niji tjujuluwinobe, ja̧danö ja̧ möletjö baikwö bajalenö tjitebo baibanö jobe tju̧ju̧kwobe.

1 Crónicas 1:23

Ofir jojodöbi, Havila jojodöbi, Jabad jojodöbi.