1 Samuel 15:19 - Dios Iwene

¹⁹ Jo̧kwajabetjö̧, tajawedö Isabenö Jo̧ wei̧ a̧ja̧kwökönö, weökö jawa ja̧köbaja̧da? Tajawedö mebibö, tjujuna̧li̧ do̧kataja̧da, tajawedö Dios weökö jawa sulabenö ja̧köbaja̧da? —jö̧ba̧lö Samuel yöawinobe Dios Saulnö yöa̧li̧ma.

1 Samuel 15:19 Referans Kwoze

1 Samuel 14:32

Ja̧danö, tjöpöjojodönö kwabawö lobö katjatenama, jwiinö a̧wi̧chi̧ lö̧jawö̧, jojodöma juluwanö metjibinobe filisteo jojodötjö tjeminawö̧ ajwikwawedönöma, ja̧danö obejadönöbi, pakayadönöbi, pakayadö tji̧tji̧munöbi nijinö kwabö tjukwinobe, ja̧danö tjukwösobukwöda itebia sulabenö tjukwinobe.

Proverbios 15:27

Ja̧danö, ju'wibi yötawa, wanedö: Bakwo̧ma balada emotö jö̧ba̧lö sulabenö ja̧obe. Ja̧danö, sulabenö ja̧i̧tjö̧ balada emobe. Isabenö, jo̧bama sulabenö ja̧i̧tjö̧ balada emobetjö̧ wene nöinö jwöebakwo̧, itenöbi iteda yöne ömöledönöbi. Jobekwö baledokobe balada emotö jö̧ba̧lö sulabenö omukwatö̧kö̧nöma. Wanedö yötawa: Ju'wedöma jo̧banöma sulabenö omukwatö atjeba̧lena, omöna yöka̧litjö̧ma dimidakwedösa ökwönöma, jö̧ba̧lö. Jobekwö atjeba̧lijayonö öpöjödo̧ jweinöda yöbawo̧sa, jö̧ba̧lö. Isabenö yötawa: Jobekwö atjeba̧li̧ma öpöjödobetjö̧ lekwe mölȩ ö̧jakwo̧.

2 Timoteo 4:10

Jau Timoteo, ajayinö ötjökwö otidina Demas mikwo̧ma, böjȩ jawa ösödobetjö̧ ötjönö le'dedibö i̧'yajabe, ja̧danö böjȩ jawa ösödobetjö̧ Tesalónicabe i̧'yajabe. Ja̧danö, ju'wibi Crescentema Galacia nijibe i̧'yajabe, ja̧danö Titoma Dalmacia nijibe i̧'yajabe,

1 Samuel 15:20

Yöa̧lökwe, Saul atadinobe, —Isabenö otiwanö Isabenö Jo̧ wei̧ cha̧ja̧kwajabe. Jo̧ba weaja̧danö isabenö amalecita jojodönö söbebö lobö chȩwa̧jabe. Amalecita jojodö la'aka tjuluwo̧ Agag mikwo̧nö do̧batajo̧ baikwö öbibö chichejebajabe, ja̧danö okobe deinö jojodönö kwabawö lotajabe, Isabenö Jo̧ weaja̧danö.

2 Samuel 12:9

Jo̧kwajabetjö̧, tajawedö ötjö Isabenö Jo̧ weti̧ kwöpöjödinada? Tajawedö sulabenö chöpöjödi̧ jawa ja̧köbinada? Isabenö chöpöjödinö ja̧köböbajabetija David, ilekwonö kwemotö jö̧ba̧lö, hitita jojo Uriasnö kwabö loköbijatö. Jau David, amonitas ölakwabikwawa jojodönötjö̧, ökwöda Uriasnö kwabö loköbijatö, ja̧danö kwabö lobajo̧, jo̧ba ilekwonö kwemijatö, kwilekwo bajibanö.