1 Samuel 14:51 - Dios Iwene

⁵¹ Ja̧danö Saul abe'do Cis mikwo̧bi, Abner abe'do Ner mikwo̧bi, Abiel mikwo̧ itji̧mutjinobe.

1 Samuel 14:51 Referans Kwoze

1 Samuel 9:1

Benjaminsaso jojodötjö bakwo̧ nöinö juna̧lo̧, ju'wibi jojodö otiwanö a̧ja̧kwö tjösödökwe ö̧jinobe, Cis mikwo̧. Jo̧ba Cisma, Abiel mikwo̧ itji̧, ja̧danö Abielma Zeror mikwo̧ itji̧, ja̧danö Zerorma Becorat mikwo̧ itji̧, ja̧danö Becoratma, Benjaminsaso jojo Afia mikwo̧ itji̧.

1 Samuel 9:21

Jejenö, —Ökwöda kwujuna̧lakwo̧ja, —jö̧ba̧lö yöawiökwe, —Ötjöma Benjaminsaso jojosa, ja̧danö Benjaminsasoma, okobe deinö israel jojodötjö baikwönönösasobedösa. Ja̧danö Benjamin jojodötjö, Chabe'do ömöledödöma ju'wedötjö baikwönönöbedösa. Jo̧kwajabetjö̧ tajawedö jejenö yöka̧laja̧da ökwödönö? —jö̧ba̧lö abebö a̧ja̧kwinobe Saulma.

1 Samuel 14:50

Ja̧danö Saul ilekwoma Ahinoam mikwuju, Ahimaas mikwo̧ itjiju. Ja̧danö Saul ömöayedö ölakwabikwawa jojodö la'aka tjuluwo̧ma Abner mikwo̧, Saul abe'do öjawo̧ Ner miwko̧ itji̧.

1 Samuel 26:5

Yötjawökwe, ja̧ yö̧te Davidma a̧la̧ibö i̧'yinobe Saul abemi yöneawinö, ja̧danö ödökwönönö ja̧nö, Saulnöbi, ömöayo̧ ölakwabikwawa luwo̧ Abnernöbi nijinö tjabobe edinobe. Ju'wedö ölakwabikwawa jojodö tjö̧'da̧de tjabekwobe edinobe.