1 Samuel 14:39 - Dios Iwene

³⁹ Jau chömöledö, baikwö isabenö yötawaduwakwö, Ökwödö israel jojodönö dö̧jibinö pjabato̧ Isabenö Jo̧ Dios yaba̧lo̧ ö̧ji̧ wenedanö, ju'wibi isabenö yötawaduwakwö, isabenö Dios öba a'otjö wene dujuna̧lobö suli̧ waedajo̧ma, ö'wö baibobö jo̧be, chitji̧ Jonatanda wene dujuna̧lobö suli̧ öwaedatjö̧ma, isabenö ö'wö baibobö jo̧be, —jö̧ba̧lö yöa̧linobe Saulma. Ja̧danö, jojodöma wene tjujuna̧lobö baibaja̧ tjöwaisinobe, Jonatan wayo̧ neaja̧ tjedajobetjö̧, jo̧kwaijayonö bakwo̧bi Saulnö yöawinokobe.

1 Samuel 14:39 Referans Kwoze

2 Samuel 12:5

Jejenö yöawajökwe, jwiinö ödameakwinobe Davidma, luwo̧danö jo̧ Natan yöa̧lajökwenö. Ja̧danö dameakwö yöa̧linobe, —Isabenö Jo̧ ö̧ji̧ wene isabenö ji̧danö isabenö yötawakwö, jejenö ja̧bo̧ma ö'wö baibo jö̧a̧lobe, jwiinö sulabenö ja̧inobetjö̧.

1 Samuel 14:44

Yöawökwe, Saul yöa̧linobe, —Jau Jonatan, isabenö debö kwi̧'yobö jo̧be, jo̧kwajabetjö̧ isabenö ökwönö kwabö lotocha. Isabenö ökwönö kwabö lotökötjö̧ma, Dios ötjönö lȩebobö jȩna, —jö̧ba̧lö.

1 Samuel 14:24

Ja̧ möle filisteo jojodönö ölakwabikwawö latjebakwa̧ abönö, Saulma jojodönö weinobe, —Okobe deinö döpöjojodönö kwabö lodenanö kabatö, bakwo̧bi kwakwawa ukwobö jwiobe, döpöjojodökwö ina dölakwabikwawonö ökwödötjö bakwo̧ kwakwawa ukwitjö̧ma, Dios lȩebakwo̧ kwo̧nöma, —jö̧ba̧lö weinobe. Ja̧danö, jejenö weajawö̧, israel jojodöma ja'yubebi kwakwawa tjukwinokobe ja̧ möle, ja̧danö jwiinö tjime'dawachibinobe, filisteo jojodönö lutjibonö.

1 Samuel 28:10

Ajebökwe, Saulma yöbawö junö atadinobe: —Isabenö yötawakwö, atebaja̧danö wobinanö jwököbitjö̧ma, la'akatjöda lȩtjebökakwujuja. Jobekwö isabenö yötawakwö, ja̧danö omöna yöta̧litjö̧ma Isabenö Jo̧ ötjönö lȩebobö ja̧kobe —jö̧ba̧lö.

1 Samuel 22:16

Atadökwe, Saulma ödameakwinobe, ja̧danö Ahimelecnö yöa̧linobe, —Isabenö kwabö lotakwawö̧ja, ökwönöbi, okobe deinö yö̧ne kwömöledönöbi, —jö̧ba̧lö.

1 Samuel 20:31

Wajwiköbiji̧, ina jo̧ba Isai itji̧ yaba̧lo̧ ö̧jayi, la'akatjöda inesö la'aka luwo̧ bakibökakwo̧ja, ja̧danö kwi̧tji̧mu tupadanö jojodöma la'akatjöda luwedö batjibökakwedö. Jo̧kwajabetjö̧, Davidnö jwöbö, chö̧jobekwö ichejebinö, isabenö jo̧banö kwabö lotakobetjö̧, —jö̧ba̧lö weinobe Saulma.

1 Samuel 19:6

Jonatan yöa̧liökwe, Saulma otiwanö a̧ja̧kwinobe, ja̧danö Jonatannö yöbawö ujuninobe, —Duluwo̧ Isabenö Jo̧ yabalo̧ ö̧ji̧ wenedanö, ju'wibi isabenö yötawakwö, Davidnö kwabö lotökakobe, —jö̧ba̧lö.

1 Samuel 14:40

Jemi ikenama Saulma okobe deinö israel jojodönö yöa̧linobe, —Okobe deinö ökwödöma bakwachobe kwö̧jaduwo, ja̧da ötjöma chitji̧ Jonatankwö jelobekwöchobe dö̧jakobe, ökwödötjö tijö wene ichejebajo̧ma jö̧ba̧lö Dios i̧sebakobetjö̧, —jö̧ba̧lö. Yöa̧lawö̧, jojodöma tjatadinobe, —Otiwa, kwomukwati̧danö ja̧bi, —jö̧ba̧lö.

2 Samuel 14:21

Ikenama la'aka luwo̧ Davidma Joabnö yöa̧linobe, —Akebaja̧danö ja̧tocha, Absalon ȩwa̧jobö wetocha. Jo̧kwajabetjö̧ Guesurbe 'ya̧nö, öbibö ichejebinö chitji̧ Absalonnö, —jö̧ba̧lö.