1 Samuel 14:35 - Dios Iwene

³⁵ Ja̧danö, jobetjö Saulma Isabenö Jo̧nö iyawöte mesasöte ujuninobe, Diosnö ösödö. Ja̧danö, jötema, ajayinö Saul otidö ujuninöte.

1 Samuel 14:35 Referans Kwoze

1 Samuel 7:17

iteda ejube ȩwa̧jiainobe, Rama comunidadbe. Ja̧danö, jobe Ramatjöbi israel jojodönö jwebebö yöbawiainobe Samuelma, ja̧danö ju'wibi Ramatjö Isabenö Jo̧nö iyawöte mesasöte otidö ujuninobe Samuelma, jobe Ramatjö Diosnö kwabö juwö iyobö.

2 Timoteo 3:5

Jobadöma wamenö Diosnö ösödadödanö tjichejekwakobe Timoteo, jo̧kwaijayonö jejenö tjichejekwijayonö, okwanö tjöpöjödakobe, Dios ujulu jwia jö̧ba̧lö. Jobadötjö 'da̧bachibö ja̧wi Timoteo,

1 Samuel 7:12

Ikenama Samuelma inawa nöawa emö, Mizpa comunidadbi Sen comunidadbi 'da̧de ödinobe, ja̧danö lödajo̧ jawa Ebenezer jö̧ba̧lö imidinobe, —Ba̧kwelöjatebö pjabataiadanö babebi pjaatajabe Isabenö Jo̧ma, —jö̧ba̧lö.

1 Samuel 7:9

Atjebökwe, Samuelma obeja ja'yuwo̧ ina o̧do'mi owayo̧nö do̧batö, kwabö juwö okobe jwiinö ubinö iyinobe Isabenö Jo̧nö, ja̧danö juwö iyö, Isabenö Jo̧nö aebinobe, pjaatobö. Ja̧danö, jejenö aebökwe, Isabenö Jo̧ma israel jojodönö pjaatinobe, baikwö laeba pjaatina wenema:

Jueces 21:4

Jemi ikena möle, israel jojodöma yȩayi a̧la̧ibö, jobe Diosnö iyawemi tjotidinobe, ja̧danö otidajadö, jwiinö ubinö iyawabi, Dioskwö ösökwö ja̧kwawa iyawabi jobetjö kwabö juwö tjiyinobe.

Santiago 4:8

Ja̧danö chö̧ja̧wo̧dö, kwomukwataduwi̧ balewachö, böjȩ jawatjö 'da̧bachibö Diosnö tjekachajaduwo, kwo̧'wo̧ luwo̧duwi okwanö jo̧bakwö 'dötewinö ja̧nö. Ja̧danö, jo̧banö tjekachajaduwiökwe Diosma ökwödökwö 'dötewinö ö̧jobe. Chö̧ja̧wo̧dö, ökwödöma sulabenö ja̧bö ju̧kwadöja. Ja̧ sulabenö ja̧köbaduwi̧ kabatibö otiwanö ja̧bö kwö̧jaduwo. Yelösöda ökwödöma dötölatajanö omukwatadöja, Diosnö ösödöbi, böjȩ jawa ösödöbi. Ja̧ kwomajadeduwinö sulabenö kwomukwataduwi̧ma kabatibö otiwanöda kwomukwataduwo.

1 Samuel 14:34

Jemi ikenama, inawa tjichejebaja̧ ikena, weinobe ömöayedönö: —Jojodö tjöba a'o 'ya̧nö, jojodönö yökawaduwo, bakwo̧nökwena tjajwikwena baikwö inawabe tjichejebobö. Ja̧danö, ichejebajadö, otiwanö kwabö tjukwo jö̧tja̧li̧danö, biwatjö kwabö, tjökwösobö to̧bö kaatajena otiwanö tjukwobö, —jö̧ba̧lö weinobe Saulma. Weawö̧, okobe deinö tjajwimunö ichejebö, tjukwo jö̧tja̧lidanö jawa inawatjö kwabö tjukwinobe.

2 Samuel 24:25

Ja̧danö, emajo̧, Davidma jobetjö iyawöte otidinobe, ja̧danö Isabenö Jo̧nö jwiinö ubinö iyawabi, jojodö bakobe Dioskwö ösökwö ja̧kwawa jawa iyawabi jobetjö juwö iyinobe. Jejenö iyö, Isabenö Jo̧nö aebinobe, israel jojodönö lȩlöjinö edobö, ja̧danö a̧ebökwe, a̧ja̧kwinobe Isabenö Jo̧ma, ja̧da̧nö lȩlöjinö edö, israel jojodö tjö'wöchi̧ kaatakwawobö weinobe.

Jueces 6:24

Jemi ikenama, Gedeonma jobetjö Isabenö Jo̧nö iyawemi jobetjö otidinobe, ja̧danö otidajo̧, iyawemi imi imidinobe, —Isabenö Jo̧ma dösölö̧jinö edo̧, —jö̧ba̧lö. Ja̧ iyawemi Gedeon otidinemima, ina jobe Abiezersaso jojodö tjitebo Ofra comunidadnö bo̧be.