1 Samuel 14:24 - Dios Iwene

²⁴ Ja̧ möle filisteo jojodönö ölakwabikwawö latjebakwa̧ abönö, Saulma jojodönö weinobe, —Okobe deinö döpöjojodönö kwabö lodenanö kabatö, bakwo̧bi kwakwawa ukwobö jwiobe, döpöjojodökwö ina dölakwabikwawonö ökwödötjö bakwo̧ kwakwawa ukwitjö̧ma, Dios lȩebakwo̧ kwo̧nöma, —jö̧ba̧lö weinobe. Ja̧danö, jejenö weajawö̧, israel jojodöma ja'yubebi kwakwawa tjukwinokobe ja̧ möle, ja̧danö jwiinö tjime'dawachibinobe, filisteo jojodönö lutjibonö.

1 Samuel 14:24 Referans Kwoze

Josué 6:26

Ja̧danö ja̧ möle Josuema jojodönö yöawinobe: —Isabenö bemi comunidad yemidanö tjotidobö jwiobe. Isabenö lȩebakwo̧ Isabenö Jo̧ma, bemi comunidad otidakwo̧nö. Baikwö lȩebakwa̧ wene yötawa, bemi comunidad otidakwo̧ jamatö comunidad la'aka otidenama, itji̧ abönö pöema ö'wö baibakobe, ja̧danö otidö kabatö comunidad apjude ujunenama, itji̧ bajaleapo jojo ö'wö baibakobe. Isabenö bemi comunidad otidakwo̧nö lȩebakobe Isabenö Jo̧ma, —jö̧ba̧lö yöawinobe Josuema.

Romanos 10:2

Jweinö yötawaduwakwö chömöledö, isabenö isakwadö Israel jojodöma Dios ösödinö ja̧tjo jö̧ba̧lö. Jo̧kwaijayonö, Dios ösödi̧danö ja̧tjotö jö̧ba̧lö tjisakwijayonö, wajwibö isakwadö chömöledö.

1 Corintios 16:22

Duluwo̧nö ösödö̧kö̧ma, Dios lȩebakwo̧ jo̧bama. Duluwo̧ Jesúsnö ateba, Chuluwo̧ juluwanö ökwödönö emö kwicho jö̧ba̧lö.

Proverbios 11:9

Ja̧danö ju'wibi yötawa: Diosnö öpöjödo̧ma ömöledöso̧nö sulabenö omukwatö yöawobetjö̧, ömöledöso̧nöna suli̧ öwaedobe. Jo̧bekwö baledokobe Dios wei̧ a̧ja̧kwo̧nö. Dios wei̧ a̧ja̧kwo̧ma Diosnö öpöjödo̧ yöawi̧ a̧ja̧kwena öwaisobe, omöna yöba̧lo̧, suli̧ öwaedobö yöbalo̧, jö̧ba̧lö. Jobekwö öwaisachibobetjö̧ Dios wei̧ a̧ja̧kwo̧ma Diosnö öpöjödo̧tjö̧, suli̧ waedo̧tjö̧ ö̧jibakwo̧.

Jueces 5:2

Israel jojodötjö luwedöma otiwanö tjömöledönö ötjibinobe, tjöpöjojodönö tjujuluwobö, ja̧danö ju'wedö israel jojodöma tjuluwedö ötjibi̧danö tjölakwabikwawobö tjösödinobe, jo̧kwajabetjö̧ Isabenö Jo̧nö dösödo.

Jueces 1:28

Ja'yubenö lekwajabetjö̧ israel jojodöma ajayitjö bajalekwönönö juluwadö batjibenama, jobadönö tjujuluwinobe, tjö̧möayedö batjibanö, ja̧danö 'diinö tjotidobö wetjinobe. Jo̧kwaijayonö, a'dewö lotjo jö̧tja̧lijayonö, a'dewö lotjinokobe deinöma.

1 Samuel 14:25

Ja̧danö, filisteo jojodönö lubö, tebo okwa tetjachinobe, ja̧danö jobetjö wa̧yo̧ma nijinö bi̧nobe.

1 Samuel 14:39

Jau chömöledö, baikwö isabenö yötawaduwakwö, Ökwödö israel jojodönö dö̧jibinö pjabato̧ Isabenö Jo̧ Dios yaba̧lo̧ ö̧ji̧ wenedanö, ju'wibi isabenö yötawaduwakwö, isabenö Dios öba a'otjö wene dujuna̧lobö suli̧ waedajo̧ma, ö'wö baibobö jo̧be, chitji̧ Jonatanda wene dujuna̧lobö suli̧ öwaedatjö̧ma, isabenö ö'wö baibobö jo̧be, —jö̧ba̧lö yöa̧linobe Saulma. Ja̧danö, jojodöma wene tjujuna̧lobö baibaja̧ tjöwaisinobe, Jonatan wayo̧ neaja̧ tjedajobetjö̧, jo̧kwaijayonö bakwo̧bi Saulnö yöawinokobe.

1 Samuel 18:25

Saul weinobe: —Baikwö yökawaduwo Davidnö: Ba̧kwelatebö tjilekwamunö tjemakwedö midajitjadanö kwimidoböma öpöjöda Saulma, bi̧yada ösöda. Filisteo jojodö sulabenö ja̧tjina balekwa mikwa jobadönö kwabö loköboböda ösödobe. Ja̧danö Saul badedö omukwataja̧ möle baibakwa̧ abönö jobadö öpöjojodötjö cienbedönö kwabö lobö tjötade bajalesa̧do̧ 'wibebö kwichejebitjö̧ma, tjilekwamunö tjemakwedö midajitjadanö midawa ja̧kobe, jö̧ba̧lö yökawaduwo Davidnö, —jö̧ba̧lö weinobe Saulma. Jejenö webö, isabenö omukwati̧ma, —Filisteo jojodöma Davidnö kwabö lotjena, —jö̧ba̧lö omukwatö weinobe Saulma.