1 Samuel 13:6 - Dios Iwene

⁶ Jejenö tjichiawö̧, israel jojodöma jwiinö yetjaibinobe, —Ökwödöwe, isabenö ökwödötjö bajalekwönönö juluwadö, —jö̧ba̧lö. Ja̧danö, israel jojodötjö ba̧jȩkwadö tju̧ju̧kwawinobe, ju'wedö inawa ötöla okwa, ju'wedö tebo towibiya 'da̧de, ju'wedö ojwe se'do okwa, ju'wedö o̧do okwa soawemi okwa, ju'wedö laju okwa tju̧ju̧kwawinobe.

1 Samuel 13:6 Referans Kwoze

Jueces 6:2

Jwiinö usula tjemawinö ja̧tjinobe madianitas jojodöma israel jojodönö, döbibajö tju̧ju̧kwawenanö kabatö. Sulabenö ja̧tjiawö̧, israel jojodöma mösa'ijubebi, inawa ötölabebi, jelobe tjöeba̧lakwawabebi döbibajö tju̧ju̧kwawinobe, jobadötjö tjö̧jibobö.

Hebreos 11:38

Ja̧danö, jobadöma tjeju jwibadöda, mejenö mö'ösa'ijunö kwebachö i̧lȩdo̧nöbi, lajunöbi ji̧atjinobe, jwiinö usula emawö. Chömöledö yötawaduwakwö. Jejenö usulasedöda tjuju̧kwijayonö Diosma jobadönö edö, Jwiinö mikwawadö, jö̧ba̧lö, omukwatinobe. Isabenö chömöledö, jobadöma jwiinö mikwawadötjobetjö̧ böjȩ mikwawököjȩ jobadö tjitebo baibanö tjö̧joböma jwiobe. Tjiteboma mölejȩbeda.

Filipenses 1:23

Dötölataja jawa chomukwatobetjö̧, chomukwati̧ biya̧ chömöledö, baikwö yötawa: Inesö chösödi̧ma ö'wö babibö, mölejȩbe Cristokwö chö̧jobö chömöledö, ja̧da inesö otiwi̧ma.

Isaías 42:22

Ja̧danö, weina wene laebi̧danö, wei̧ a̧ja̧kwökönö tjö̧jiökwe, tjöpöjojodö tjujuluwobö weinobe, ja̧danö babe israel jojodöma, tjöpöjojodö tjujuluwajawö̧, titea 'dötebajawö̧ tjö̧jobe. Ja̧danö israel jojodönö juluwajadö, ka̧lena tjö̧bobö tjödajabe, laju okwa tjö̧bajoböbi, ka̧lena ba̧kwaweju okwabi tjö̧bajobö tjödajabe. Jobekwö baledonö, bakwo̧bi israel jojodönö tjö̧jibinö pjabato̧ma deinobe, pjabato̧ deinö, tjöpöjojodö bakobe tjö̧naukwajawö̧ tjö̧jobe. Ja̧danö tjönaukwaja tjetjatobö webo̧bi deobe, —Israel jojodötjö kwönaukwaduwaja̧ma tjebataduwi, —jö̧ba̧lö webo̧ma.

2 Samuel 24:14

Yöawökwe, Davidma Gadnö atadinobe, —Jwiinö cho̧'wo tjo̧acha, isabenö waiya omudawö chujunobö. Jo̧kwaijayonö, Isabenö Jo̧nö chöwaisa, jo̧bama inesö lȩlöjinö edo̧, jö̧ba̧lö. Jo̧kwajabetjö̧ bö̧jȩ jojodö ötjönö lȩtjebobö omudawö chujunökö, Isabenö Jo̧ Diosda wapötakwa möle baledibanö dö'wöchinö ökwödönö lȩebobö omudawö chujuna, jo̧bama inesö lȩlöjinö edo̧ jö̧ba̧lö chöwaisobetjö̧, —jö̧ba̧lö atadinobe Davidma, Gadnö.

1 Samuel 24:3

Ja̧danö, jobe kwebachö, obejadönö teada̧lakwawa tjöekwemi jȩmi öbaledinobe, inawa ötöla nööla jȩmi. Ja̧danö, jöla ötöla teachinobe Saulma, jobetjö yo'oobö, jo̧kwaijayonö wajwiinobe, Davidbi ömöayedöbi ötöla okwa ju̧kwawö ba̧jadö jö̧ba̧lö.

1 Samuel 23:19

Jemi ikenama, Zif niji ju̧kwadötjö, ju'wedöma Saul ö̧jobekwö Guibeabe 'ya̧nö yötjawinobe, —Duluwo̧, Davidma ditebotjö dömöledö tjö̧'da̧de ö̧jobe. Jo̧bama Horestjö uju̧kwawobe, mösa'o Haquila ötjaba'otjö, Jesimontjö a̧likwösa'o.

1 Samuel 14:11

Ikenama, Jonatanbi ömöayo̧bi filisteo ölakwabikwawa jojodö tjedobö tjöwawachinobe, ja̧danö filisteo jojodöma jobadönö tjedinobe, ja̧danö edö obö yötja̧lakwawinobe, —Edi, idö hebreo jojodöma laju okwa ju̧kwawajadö latjebobe, —jö̧ba̧lö.

Jueces 20:41

Ja̧danö ju'wedö israel jojodöma jalachibö metji̧benama, Benjaminsaso jojodöma waisachibö yetjaibinobe, —¡Ökwödöwe! Isabenö söbebö lotjakwawö̧sa, —jö̧ba̧lö.

Jueces 10:9

Ja̧danö, ju'wibi amonitas jojodöma Jordan ojwe pebibö, Judasaso jojodökwöbi, Benjaminsaso jojodökwöbi, Efrainsaso jojodökwöbi tjölakwabikwawinobe, israel jojodö jwiinö usula tjemawinö.

Josué 8:20

Ja̧danö, Hai comunidad ölakwabikwawadöma tjökömakwö jalachibö tjedinobe, tjiteboajama imiu'wo mölejebekwö kaamobe. Jejenö edö, 'daliwanö dö̧libajabe jö̧ba̧lö dötjibajobö jö̧tja̧linobe, jo̧kwaijayonö, waekwinobe. Dötjibajobö jwiinobe, ajayinö tjöba a'otjö döbibajadöma jalachibö lubadönö tjölakwabikwawobetjö̧.

1 Samuel 7:7

Ja̧danö, jobe Mizpanö tjö̧jonö, filisteo jojodöma tja̧ja̧kwinobe, —Israel jojodöma Mizpanö ko̧ko̧kwö ju̧kwadötö, —jö̧ba̧lö, ja̧danö jejenö a̧ja̧kwajadö, filisteo jojodö la'aka tjuluwedöma tjömöayedö ölakwabikwawa jojodökwö Mizpabe tji̧'yinobe, jobadönö tjujuluwobö. Jejenö tjichiawö, yetjaibinobe israel jojodöma,

1 Samuel 13:15

Ikenama, jejenö yöbawajo̧, Samuelma a̧la̧ibö, Gilgaltjö laebinobe. Ja̧danö, ju'wedö jojodöma Saulkwö tji̧'yinobe, ölakwabikwawa jojodö tjö̧jobekwö, Benjamin niji̧ comunidad Guibeabe. Ja̧danö, Saulma ömöayedö ölakwabikwawa jojodönö ö̧ba̧jadinobe, ja̧danö jo̧bakwö sule seiscientos jenanö ömadö döbibajöködö tjö̧jinobe.

1 Samuel 14:22

Ja̧danö, ju'wibi, ajayinö israel jojodötjö döbibajö Efrain niji mösa'ijutjö ju̧kwawinadöma, filisteo jojodö dötjibaji̧ wene tja̧ja̧kwinobe, ja̧danö a̧ja̧kwö, jobadöbi filisteo jojodönö ölakwabikwawö lutjinobe.

1 Samuel 31:7

Ja̧danö, wabeko tupakwöchobe ju̧kwadö israel jojodöbi, Jordad mikwödö tupakwö ju̧kwadöbi ja̧ wene tja̧ja̧kwinobe, —Guilboatjö dötjibajabe israel jojodöma, ja̧danö Saulbi, i̧tji̧mubi debö tji̧'yajabe, —jö̧ba̧lö. Ja̧danö, jejenö a̧ja̧kwö, tjitebokwena comunidadtjö döbibajö latjebinobe. Ja̧danö latjebaja̧ okobe, filisteo jojodöma ichibö, tjö̧jinemi comunidadnö tjö̧jinobe.