1 Samuel 12:23 - Dios Iwene

²³ Tupakwö yöawinobe Samuelma, —Ja̧danö ötjöbi chömöledö, isabenö ökwödönö abebö katatoböma jwiobe, ökwödönö Diosnö abebö katatitjöma, isabenö sulabenö Isabenö Jo̧ öpöjödi̧nö katatena. Jo̧kwajabetjö̧ isabenö jwaikwöda Diosnö atebocha ökwödönö, ja̧danö ju'wibi kabatökönö ökwödönö ba̧ja̧dö chö̧jakwo̧sa, otiwanö jweinö ja̧kwawama.

1 Samuel 12:23 Referans Kwoze

Colosenses 1:9

Jo̧kwajabetjö̧ ökwödönö da̧ja̧kwina möle baikwö bajalenö, kabatökönö ökwödönö omukwatö Diosnö adebobe chömöledö. Jau chömöledö, Diosnö adebobe, okobe jwiinö jo̧ba ösödi̧ma ökwödönö öba̧ja̧do jö̧ba̧lö. Dios O̧'wo̧ Luwo̧ ökwödönö pjaatobö adebobe chömöledö, waisanö omukwatö kwöwaisaduwobö Dios ösödi̧ma,

Romanos 1:9

Jau chömöledö, ba̧kwȩlö̧jatebö ökwödönö omukwatö Diosnö atebobe. Isabenö abebo̧sa ökwödönöma, omöna yöta̧lökö. Diosda atebobe waiso̧, jo̧bada a̧ja̧kwobetjö̧. Jau chömöledö, ötjö chuluwo̧ma Diosda, jwaikwöda otiwa jawa wene, Dios itji̧ jawa wene yöbawö kwebacho̧sa jo̧ba wei̧danö. Jo̧ba chuluwo̧ Diosma ökwödönö atebobe a̧ja̧kwo̧.

2 Timoteo 1:3

Timoteo, kabatökönö ökwönö omukwatö Diosnö ösödö yöta̧lobe, otiwa jö̧ba̧lö. Jau Timoteo, cha'dödömine otiwanö Dios wei̧ ja̧bö tjö̧jinadanö, ötjöbi chomajadenö otiwanö chöwaisi̧danö, jwaikwöda Dios wei̧ ja̧bö jo̧sa. Ja̧danö jo̧ba wei̧ ja̧bö chö̧jonö, mölebi, yö̧tebi kabatökönö ökwönö omukwatö atebobe chuluwo̧ Diosnö.

1 Tesalonicenses 3:10

Ja̧danö, mölebi, yö̧tebi nöinö Diosnö adebobe, döbabiyakwena yemidanö ökwödönö dedobö weo jö̧ba̧lö. Ja̧danö Jesúsnö ösödö kwö̧jaduwo jö̧ka̧laduwi̧danö isabenö kwö̧jaduwinö pjadatobö weo jö̧ba̧lö adebanö Diosnöma.

1 Reyes 8:36

mölejebetjö kwa̧ja̧kwobö atebakwö chuluwo̧. Jau chuluwo̧, kwömöayedö sulabenö ja̧tjina omukwatökönö kwömöledö israel jojodönö kwösödobö atebakwö, jadanö jobadönö ösödö, otiwanö ja̧bö tjö̧jakwa̧ kwö̧ba̧ja̧dobö atebakwö, jadanö ojwiyo weköbobö atebakwö. Bemi nijima, ökwöda kwitebo niji chuluwo̧, jadanö ökwöda kwömöledönö kwiyinemi, bemi israel nijinö otiwanö tjö̧jobö, jadanö yemidanö ökwönö ösödö, beju jo̧bekwö ökwönö atjebenama, jejenö tjitebo otiwachibanö pjakatobö atebakwö.

Hechos 12:5

Jo̧kwaobetjö̧ Pedroma ka̧lena ba̧kwaweju okwa bi̧jetö. Jobe ö̧bonö Jesúsnö ösödadöma kabatökönö abebijadötö Diosnö, Pedronö pjaatobö.

Colosenses 1:28

Jo̧kwajabetjö̧, Cristonö yödawobe okobe deinö jojodönö chömöledö. Jau chömöledö waisanö omukwatö okobe deinö jojodönö lȩbebö yödawobe, ja̧danö jobadönö döba̧ja̧dobe, jobadö bakwo̧nökwena Cristokwö dötewanö ja̧nö tjo̧'wo̧ luwo̧nö tjöda̧peacho jö̧ba̧lö, ja̧danö wanedö yötawa jejenö da̧peachajadönö Dios öba a'o öbibö dujuno jö̧ba̧lö.

Hechos 20:20

Jejenö baledijayonö ötjöma yayonö yebabökönö yöbawiachijatö ökwödönö. Bakwöta jawabi jwiinö yöbawiachijatö kwöwaisachibaduwobö do̧'wo̧ luwo̧ jawama. Judío jojodö yötjaweju okwabi, ökwödö kwejuduwikwenabi tebachö yöbawiachijatö ökwödönöma.

Proverbios 4:11

Chitji̧, ökwönö jweinö kwomukwatobö öbibö yöbawo̧sa, bö̧jenö ja̧nö otiwanö omukwatö jweamanö kwi̧'yobö.

1 Corintios 9:16

Yöbawö chö̧ji̧ omukwatö, Aaa, otiwanö yöbawö chö̧jobe jö̧ba̧lö yöta̧loböma jwia chömöledö. Baikwö yötawa: Yöbawö chö̧ji̧ma, Chuluwo̧ ötjönö weitjö̧, yöbawö chö̧jobe, ötjö chomukwati̧maökö. Ja̧danö, chuluwo̧ yöbawi jö̧ba̧lö weinobetjö̧, yötawökötjö̧ma jwiinö sulena ötjönöma chömöledö.

Éxodo 32:30

Ju'wi dewachö Moisés yöba̧lijetö Israel jojodönö: —Chömöledö, ökwödöma jwiinö sulabenö ja̧köbajabe, kwo̧'wo̧ jawa ösödö. Jo̧kwaobetjö̧ babema yemidanö mö'ösa'o chönöchaja Isabenö Jo̧nö abebö, ökwödönöma. Jo̧banö atebitjö̧ma sulabenö ja̧köbaduwaja̧ söbebö loena.

1 Samuel 12:19

Ja̧danö, yebabinö israel jojodöma Samuelnö atjebinobe, —Ökwödö kwömöayedönö akebo kwuluwo̧ Isabenö Jo̧ Diosnö, debö di̧'yapji jö̧ba̧lö. Isabenö sulabenö ja̧dajabetija, okobe jwiinö ju'wi sulabenö ja̧daja̧ ikena, jemi tupakwö ju'wibi inesö la'aka luwo̧ jojonö sulabenö abebinadösa. Diosnö akebo Samuel, ökwödönö lȩbebö söbebö loapji jö̧ba̧lö, —atjebinobe.

1 Samuel 8:6

Atjebökwe, Samuel öpöjödinobe, —Inesö la'aka duluwo̧nö kwujuno, jo̧bada jwebebö yöawobö, —jö̧ba̧lö atjebaja̧ma. Jo̧kwajabetjö̧, Samuelma Isabenö Jo̧nö abebö a̧ja̧kwinobe, dakwö weojobö jö̧ba̧lö.

Isaías 30:21

Isabenö otiwanö ökwödönö jweebakwo̧ chömöledö, baikwö yöta̧la: Kwölakwiyuduwinö ökömakwötjö kwa̧ja̧kwaduwakwedöja, —'Ya̧kwawa manama, bimada, bimanö kwekachaduwo, —jö̧ba̧lö. Jau, kwöwaisaduwakwöchobe jalachö kwi̧'yaduwobö jȩnabi, wajwiköbaduwakwöchobe jalachö kwi̧'yaduwobö jȩnabi, otiwanö jweebakwo̧.