1 Samuel 10:18 - Dios Iwene

¹⁸ Ja̧danö, ko̧ko̧kwö a̧ja̧kwadönö yöawinobe baikwö: —Baikwö yöawobe Isabenö Jo̧, ökwödö israel jojodö Duluwo̧ Diosma: –Ötjöma ökwödö israel jojodönö egipto nijitjö lakebaduwinö chichejebijatö, ja̧danö egipto jojodö tjujulutjöbi, okobe deinö ju'wedö usula kwemaduwinö tjitebokwena jojodö tjujulutjöbi kwö̧jibaduwinö pjatatijatö.

1 Samuel 10:18 Referans Kwoze

Jueces 2:1

Ja̧danö, ju'wi möle Isabenö Jo̧ma angeldanö ichejekwo̧ Guilgaltjö i̧'yinobe Boquin comunidadbe, ja̧danö jobetjö israel jojodönö yöawinobe, baikwö: —Damötjö̧ ökwödö kwa'dödönö yöbawö chujunijatö, bemi canaan niji ökwödönö chiyobö, ja̧danö yötawinadanö ökwödönö Egiptotjö baikwö chichejebijatö, kwiteboduwi baibanö. Ja̧danö, niji ökwödönö iyö yöbawö chujunijatö, –Weti̧danö ja̧bö kwö̧jaduwitjö̧ma, ba̧kwelöjatebö yöbawö chujuninadanö pjatatakwo̧sa, –jö̧ba̧lö.

1 Samuel 12:8

Da'dömine Jacob egipto nijibe ja̧nö i̧'yaja̧ ikena, egipto jojodöma usula tjemawinö ja̧tjinobe da'dödönö, ¿jö̧tö? Ja̧danö, jejenö usula emawö, da'dödöma Isabenö Jo̧nö tjubudekwinobe, ja̧danö tjubudekwiökwe, Moisesnöbi Aaronnöbi da'dödönö pjatjatobö weinobe, ¿jö̧tö? Jau, isabenö da'dödönö pjabatö Moisesnöbi Aaronnöbi weinobe Isabenö Jo̧ma, ja̧danö jobadöma egipto nijitjö da'dödönö öbibö tjichejebinobe baikwö, bai ditebonö otiwanö tjö̧jobö.

Éxodo 29:46

Ja̧danö kwöwaisaduwakobe, Isabenö Jo̧, dösödökwe Diosma ökwödönö Egiptotjö laebinobe ökwödökwö ö̧jobö, jö̧ba̧lö. Ja̧danö, jo̧bama Isabenö Jo̧, ökwödö dösödökwe Dios, jö̧ba̧lö, kwöwaisakobe.