1 Samuel 1:19 - Dios Iwene

¹⁹ Jemi ikena möle, Elcanabi ömöledöbi yȩayi ala̧ibö yemidanö Isabenö Jo̧ öba a'otjö bȩbachibö tjösödinobe, ja̧danö ösödajadö, tjitebo Ramabe tjȩwa̧jinobe. Ja̧danö, Elcanama ilekwo Anakwö ö̧jinobe, ja̧danö Isabenö Jo̧ma Ana ajebina omukwatö metu'wo jö̧jobö weinobe,

1 Samuel 1:19 Referans Kwoze

Génesis 21:1

Ja̧danö, Isabenö Jo̧ Diosma Saranö ösödö pjabatijetö. Jo̧ba ajayinö yöbawö ujuninadanö, Sarama jitji̧nö jemakobe, jö̧ba̧lö̧ badekwachinö pjabatijetö.

1 Samuel 1:11

Ja̧danö Diosnö abebö isabenö ja̧jakwa̧ wene yöbawö jujuninobe, baikwö: —Chuluwo̧ Isabenö Jo̧ okobe jwiinö juluwo̧ Dios, usula chemawi̧ kwedobö atebakwö, ja̧danö usula chemawi̧ omukwatö, chitji̧nö 'yatebobö atebakwö. Isabenö yöbawö chujunakwö, jejenö chitji̧nö 'yatebobö weköbitjö̧ma, kwiyajökwenö 'da̧batö chujunocha, ba̧kwȩlöjatebö ina 'ya̧alayi ökwö weköbi̧da otido̧ baibanö, ja̧danö ökwöda weköbi̧ otido̧ ö̧jakobetjö̧, öwö'ye la'akatjöda 'witjökakwo̧, —jö̧ba̧lö ajebinobe Anama Isabenö Jo̧nö .

Génesis 30:22

Jemi ikenama, Diosma Raquelnö lȩlö̧jinö edö pjabatijetö. Jobuju ajeba̧li̧ma a̧ja̧kwö pjabatijetö metu'wo jö̧jinö.

Génesis 4:1

Ikenama Adánma ilekwo Evakwö bakobe babibijetö. Ja̧danö, metu'wo ji̧jotö Evama. Metu'wo ja̧ju jitji̧nö emijotö. Jemajökwenö Caín midijotö, chitji̧nö chemajabe Isabenö Jo̧ pjaatobetjö̧, jö̧ba̧lö.

Lucas 23:42

Ikenama Jesúsnö yöa̧linobe: —Chuluwo̧ Jesús, ötjöma ökwönö ösödo̧sa, jo̧kwajabetjö̧ yöbawö weköbena ja̧nö la'aka luwo̧ ja̧nö webö yökawenama, ötjönö ökwönö ösödo̧nö kwomukwatotjö— jö̧ba̧lö aebinobe Jesúsnö.

Marcos 1:35

Ju'wi dewachöma Jesúsma yötedaayi labebijetö. Labeibö jojodö deobekwö 'yi̧jetö Diosnö aebobö. Ichibö Diosnö abebijetö.

1 Samuel 9:26

Ikenama, dewachenama, Samuelma Saulnö jwöinobe, mö abo̧nö: —Saul, a̧la̧ibi, tjo̧wi kwȩwa̧jobö wetakwö, —jö̧ba̧lö. Jwöökwe, Saulma a̧la̧libinobe, jadanö Saulbi, Samuelbi comunidad manabe latjebinobe.

Génesis 8:1

Ja̧danö, Diosma omukwatijetö Noénöbi, okobe deinö Noékwö isowi okwa ju̧kwadönöbi. Jobadönö omukwatö webijetö Diosma jwa̧lȩ'epjo böjȩnö jwa̧lȩ'ewobö. Jejenö jwa̧lȩ'ewö jwai balawama tjo̧'omanö öibajijetö.

1 Samuel 2:11

Jemi ikenama Elcanama ȩwa̧jinobe itebo Ramá comunidadbe ömöledökwö, jo̧kwaijayonö itji̧ Samuelma okobe Silo comunidadnö ö̧jibinobe, ja̧danö Eli öba a'otjö janö, Isabenö Jo̧ wei̧ otidö ö̧jinobe Samuelma.

1 Samuel 1:1

Bakwo̧ Elcana mikwo̧ ö̧jinobe, israel jojodötjö Efraínsaso jojodö tjitebonö, mösa'iju jena comunidad Ramánö. Jo̧ba Elcanama Jeroham mikwo̧ itji̧, ja̧danö Jerohamma Eliú mikwo̧ itji̧, ja̧danö Eliúma Tohu mikwo̧ itji̧, ja̧danö Tohuma Zuf mikwo̧ itji̧. Ju'wibi, efrateo jö̧ba̧lö ötjabawö̧tjö bi̧na jo̧ba Elcana mikwo̧ma.

1 Samuel 7:17

iteda ejube ȩwa̧jiainobe, Rama comunidadbe. Ja̧danö, jobe Ramatjöbi israel jojodönö jwebebö yöbawiainobe Samuelma, ja̧danö ju'wibi Ramatjö Isabenö Jo̧nö iyawöte mesasöte otidö ujuninobe Samuelma, jobe Ramatjö Diosnö kwabö juwö iyobö.

Josué 18:25

Ja̧danö ju'wi comunidadbi benjamin niji comunidad ji̧nobe, bi̧ya: Gabaon comunidadbi, Rama comunidadbi, Berot comunidadbi,

1 Samuel 8:4

Jejenö sulabenö jwebebö tjotidiawö̧, israel jojodötjö la'aka jojodöma Samuel itebo Ramabe ko̧ko̧kwö tji̧yinobe, jo̧bakwö yötja̧lakwawobö.

1 Samuel 15:34

Ikenama, Samuelma itebobe ȩwa̧jinobe, Rama comunidadbe, ja̧danö Saulbi itebobe ȩwa̧jinobe, Guibea comunidadbe, Saul itebo Guibea jö̧ba̧lö ötjabobe comunidadbe.

1 Samuel 16:13

—Weökwe, Samuelma David öpöedö tjöba a'otjö o̧tesa̧yunö o̧tesobu toebinobe David uu wamenö. Ja̧danö, jejenö o̧te toebenama, Isabenö Jo̧ O̧'wo Luwo̧ma juluwanö Davidkwö ichibinobe, ja̧danö ja̧ möletjö baikwö bajalenö Davidkwö ö̧jinobe Dios O̧'wo Luwo̧ma. Ikenama, Davidnö o̧te tobebajo̧, Samuelma a̧laibö, itebo comunidad Ramabe ȩwa̧jinobe.

1 Samuel 19:18

Ja̧danö, Saul ö̧jelö döbibajo̧, Davidma Saultjö ö̧jibinobe, ja̧danö Samuelnö edö i̧'yinobe Rama comunidadbe. Jobe ichibö, Samuelnö yöawinobe okobe jwiinö Saul jo̧banö ja̧aja̧ma. Ikenama Samuelbi, Davidbi Rama comunidadtjö Naiot ötjabobe ja̧nö tji̧'yinobe.

1 Samuel 25:1

Jemi ikenama, ja'yubenö lekwajabetjö, Samuelma ö'wö baibinobe. Ja̧danö, ö'wö baibiawö̧, israel niji ba̧kwemeachibanö jojodö ko̧ko̧kwö, Samuelnö tjubudekwinobe. Ja̧danö Samuel eju Ramatjö jo̧banö tjo̧tji̧nobe. Jemi ikenama, Davidma ömöayedökwö jelobe ja̧nö i̧'yinobe jojodö deobe Paran nijibe, Maon comunidad pjeanö.

2 Reyes 4:17

Ja̧danö, Eliseo yöawaja̧danö baledinobe, ja'yubenö lekwajabetjö metu'wo bajibinobe, ja̧danö ikenasaba, o̧ba baibena jenanö, jitji̧nö jeminobe.