1 Reyes 8:56 - Dios Iwene

⁵⁶ —Chömöledö, isabenö mikwawo̧ Isabenö Jo̧ma, otiwo̧ja jö̧ba̧lö jo̧banö dösödobö. Jau chömöledö, yöbawö ujuninadanö, iteda ömöledö israel jojodö 'diinö ja̧nö, wene jwiinö dö̧jobö pjaatajabe. Damötjö̧ Moisesnötjö̧ da'dödönö yöbawö ujunina jawama, bakwöta jawabi waekwökönö, okobe jwiinö badekwachinö pjaatajabe chömöledö, isabenö jo̧banö dösödobö jo̧be.

1 Reyes 8:56 Referans Kwoze

Lucas 21:33

Jau chömöledö, isabenö yötawi̧danö baledakobe. Baikwö yötawa: Böjȩbi, mölejȩbi isabenö 'dö̧ibajakobe, jo̧kwaijayonö ötjö yötawi̧ma ba̧kwȩlö̧jatebö ja̧kobe— jö̧ba̧lö yöawinobe Jesúsma.

1 Samuel 3:19

Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.

Deuteronomio 12:10

Jau chömöledö, baikwö labebö lobö yötawa: Ökwödöma Jordan ojwe pebibö, kwiteboduwi baibanö kwuluwo̧duwi Isabenö Jo̧ Dios iyakwemi nijinö kwö̧jaduwakwedöja. Ja̧danö, kwiteboduwi ö'öbötenia, kwöpöjojodöduwi tjösawö̧ tjö̧jijayonö, kwuluwo̧duwi Isabenö Jo̧ Diosma ökwödönö tjöbeba̧lö̧ pjaatakwo̧, ja̧danö jejenö pjaatobetjö̧, wene jwiinö kwiteboduwinö kwö̧jaduwakwedöja.

Deuteronomio 3:20

Ja̧danö, kwuluwo̧duwi Isabenö Jo̧ Dios ökwödönö iyinadanö, Jordan bakwachödö ju'wedö bakwasokwena kwömöledö israel jojodönö tjitebokwena niji iyö, lekwe möle kwebachö tjö̧jinatjö̧ tjö'wachobö iyenama, jenada kwiteboduwibe kwȩwa̧jaduwobö ja̧kobe, ökwödönö chiyina nijibema, –jö̧ba̧lö wetijatö.

2 Reyes 10:10

Isabenö baikwö yötawaduwakwö, bi̧ya baledaja̧ edö, kwöwaisaduwobö jo̧be, okobe jwiinö Isabenö Jo̧ yöawina, Acab ömöledönö baledakwa̧ jawa Isabenö Jo̧ yöawinama, isabenö okobe jwiinö badekwachakobe. Jau, yöawina jawa, iteda ömöayo̧ Eliasnötjö yöawina jawatjö, bakwöta jawabi waekwökönö, okobe jwiinö badekwachakobe, —jö̧ba̧lö yöa̧linobe Jehuma.

Deuteronomio 12:12

Ja̧danö jobe Dios ejutjöda kwuluwo̧duwi Isabenö Jo̧ Diosnö kwo̧'wo ösöwachibaduwanö ösödö, ba'ali kwukwaduwobö ja̧kobe, ökwödöbi, kwi̧tji̧muduwibi, kwömöayedöduwibi, kwitebo comunidadnö ju̧kwadö Levisaso jojodöbi. Jau chömöledö, jobadö Levisaso jojodöma idöda tjitebo niji juna̧löködö, Diosma idöda tjitebo baibanö niji iyokobetjö̧, jo̧kwajabetjö̧ ökwödö jelesokwena kwiteboduwi niji juna̧ladö Dios öba a'o kwo̧'woduwi ösöwachibanö ba'ali kwukwaduwenama, kwitebo comunidadtjö Levisaso jojodöbi ökwödökwö ba'ali tjukwobö ja̧kobe.

Éxodo 18:10

Ötjöma Isabenö Jo̧nö chösöda, jo̧bama jwiinö otiwo̧. Jo̧bada ökwödönö Faraóntjö, iteda ömöayedö Egipto jojodötjö kwö̧jibaduwinö otiwanö pjaatinobe.

1 Crónicas 16:36

Isabenö Jo̧ ökwödö israel jojodö dösödökwe Diosma ba̧kwelöjatebö jo̧, ajayitjödabi, 'dö̧bibajökönöbi ba̧kwelöjatebö jo̧. Jo̧banö dösödaduwo chömöledö, —Otiwo̧ja duluwo̧, —jö̧ba̧lö, Levisaso jojodö lo̧tjobö weinobe Davidma. Ja̧danö lo̧tjaja̧ a̧ja̧kwajadö, okobe deinö jobe ju̧kwadö israel jojodöma ösödö yötja̧linobe, —Otiwa, Amen, —jö̧ba̧lö, ja̧danö Isabenö Jo̧nö tjösödinobe.

1 Crónicas 22:9

Jo̧kwaijayonö, ökwöma kwitji̧nö kwujunala̧kwo̧ja, ö'wö bakibaja̧ ikena la'aka luwo̧ baibakwo̧ma. Ja̧danö, ökwö ölakwabikwawö kwö̧jinadanöma ö̧jökakwo̧ kwitji̧ma. Jo̧banö pjabatö wetocha, israel niji ö'öbötenia ju̧kwadö tjöpöjojodöma, jo̧bakwö ölakwabikwawökönö dösölö̧jinö tjö̧jobö. Jau, kwitji̧ma Salomon imikwakwo̧, wene jwiobe jö̧ba̧lö, ja̧danö jo̧ba webö ö̧jena baledibanö, israel jojodö wene jwiinö ölakwabikwawökönö tjö̧jobö wetocha.