1 Reyes 8:31 - Dios Iwene

³¹ —Ja̧danö ju'wibi bejutjö jweinö lȩekwa yökawobö atebakwö chuluwo̧, baikwö yöta̧la: Bakwo̧nö, –Bitema ömöledöso̧nö sulabenö ja̧ajabe, –jö̧ba̧lö wanedö yötja̧lenama, jobanö öbibö tjichena, ökwönö iyawöte, bejunö jö̧te badeibö ja̧nö, –Isabenö chömöledöso̧nö sulabenö ja̧binö̧kö̧sa, –jö̧ba̧lö yöbawö ujunobö.

1 Reyes 8:31 Referans Kwoze

Proverbios 30:9

Jobekwö pjakatotjö Chuluwo̧, nöinö chujuna̧lokoböbi, ja̧danö jwibö chö̧jokoböbi. Isabenö, nöinö chujuna̧litjö̧ma ökwönö chomukwatökena, Tida Isabenö Jo̧ma, wajwitökwe, ötjönö pjaatobö jwiyobe, jö̧ba̧lö. Ja̧danö, jwibö chö̧jitjö̧ma chönaukwena, ökwönö sulabenö omukwatö— jö̧ba̧lö Diosnö atebobe.

1 Reyes 8:32

Jobekwö baledenama, otiwanö kwa̧ja̧kwobö atebakwö chuluwo̧, ja̧danö jweinö lȩekwa kwi̧sȩbobö atebakwö. Jau chuluwo̧, bakwo̧nökwena ja̧tja̧ja̧ mikwa tjemo jö̧tja̧lidanö weköbobö atebakwö, sulabenö ja̧bajo̧nö, sulabenö ja̧aja̧ mikwa baibanö, jo̧banö lȩkebobö atebakwö, ja̧danö sulabenö ja̧bö̧kö̧ wene jwibo̧nö, –Bitema otiwanö weti̧ a̧ja̧kwo̧, –jö̧ba̧lö, otiwanö pjakatobö atebakwö.

1 Samuel 2:25

Baikwö yötawaduwakwö chi̧tji̧mu, ökwödö sulabenö ja̧köbaduwi̧ma, jojodönödama sulabenö ja̧böködöja, Diosnöda sulabenö ja̧badöja, jwiinö labi̧. Kwöwaisaduwa, jojodö ju'wedö jojodökwö wene tjujuna̧lenama, Dios pjaatena, wene jwiamachibobö, ¿jö̧tö? Jau chitji̧mu, Diosda wene juna̧ladö tjö̧'da̧de ja̧nö pjaatobö jo̧be, jojodö jojodökwö wene tjujuna̧lenama. Jo̧kwaijayonö, jojodö Diosnö sulabenö ja̧tjenama, pjabato̧ deobe wene tjujuna̧li̧ jwiamachibanö pjaatoböma chitji̧mu, Diosnöda sulabenö ja̧tjobetjö̧. Jo̧kwajabetjö̧, ökwödö sulabenö ja̧köbaduwi̧ma inesö labi̧, Diosnöda sulabenö ja̧köbaduwobetjö̧ chitji̧mu, kabatakwawaduwi, Diosma ökwödönö lȩebapji jö̧ba̧lö, —yöa̧linobe Elima i̧tji̧munö. Jo̧kwaijayonö, jejenö yöa̧lijayonö, tjabe'do yöa̧li tja̧ja̧kwinokobe Eli i̧tji̧muma, Diosma ida̧ökö jobadönö lȩbebö kwabö loakwa̧ omukwatö ujuninobema, tja̧ja̧kwinokobe.