1 Reyes 8:2 - Dios Iwene

² Jejenö jwöiawö̧, jelemutjö du̧ju̧taja jawo̧, okobe deinö israel jojodötjö ömadö Etanim jö̧ba̧lö ötjabökwe jawo̧nö löwötenö ja̧kwawa ba'ali tjujunobö tjichibenama, okobe deinö la'aka luwo̧ Salomon öba a'o tjoko̧ko̧kwinobe.

1 Reyes 8:2 Referans Kwoze

Juan 7:37

Ja̧danö, pjiesta mölebiyatjö 'dö̧ibaji̧ möle, jwiinö mikwawi̧ möle Jesúsma jamatö labinö yöawinobe: —Ojwiyo o̧ti̧ tjöbö ja̧dönö jwöta, Ötjökwö ichaduwi kwowaduwo, jö̧ba̧lö.

Juan 7:2

Ja̧danö, ida̧ökö judío jojodö tjukwi̧ pjiesta lekwokobe, Judea niji Jerusaléntjö baledakwa̧ pjiestama. Ja̧ pjiesta, löwöte pjiesta, jö̧ba̧lö, mikwinobe, ja̧ pjiesta baledena judío jojodöma löwöte tjotidinobe, jötenöda ju̧kwö.

1 Reyes 8:65

Ja̧ mölema, Salomonbi, ju'wedö israel jojodöbi dötölataja semana baledibanö, jobe duluwo̧ Isabenö Jo̧ öba a'o ba'ali tjujuninobe. Israel jojodötjö isabenö ba̧jȩkwadö ja̧ ba'ali tjujuninobe, okobe jwiinö israel niji ba̧kwemeachibanö ju̧kwadö ichö tjujuninobe, u'da ji̧ comunidad Lebo Jamattjö, a̧li̧kwösödö, Egipto niji ö'öbösödö ojwebe ichibanö.

Deuteronomio 16:13

Tupakwö yöawinobe Moisesma: —Ja̧danö, batjo waji ko̧ko̧dö kabatajadö, okobe jwiinö trigo ja̧danö trigojaye sula'wo chabö lobajadö, kwu̧kwa̧duwa ko̧ko̧dö kwödaduwaja̧ ikena, ja̧danö uba waji̧ ubasobu baibanö ja̧tö kwotidaduwaja̧ ikenama, ju'wi ba'ali kwujunaduwo, löwötenö ja̧kwawa ba'alima.

1 Reyes 12:32

Ja̧danö, Juda nijitjö löwötenö ja̧kwawa ba'ali juniatji̧danö, jelemutjö wamedukwa jawo̧nö, a̧li̧samutjö bakwamu jawa mölenö ba'ali tjujunobö weinobe Jeroboanma. Ja̧danö, Betel comunidadtjö, iyawöte wame iteda otidinawö̧ o̧'wo jawa öba a'o, iyawa iyinobe Jeroboanma. Ja̧danö, ju'wibi jobe Beteltjö ju'wedönö 'da̧batö ujuninobe, möemi iyawemitenia otidadö, ö'weje pjabatadönö, iyawemi tjotidakobetjö̧.