1 Reyes 7:36 - Dios Iwene

³⁶ Ja̧danö, wametenia Hiramma angeledö tjo̧'wo jawabi, didiba o̧'wo jawabi, ö̧sö̧yö̧ o̧'wo jawabi ji̧nö otidinobe, ja̧danö ju'wibi wametenia ösö̧pö̧ ji̧nö otidinobe.

1 Reyes 7:36 Referans Kwoze

1 Reyes 7:29

Ja̧danö, ja̧ ösötenö, didibadö tjo̧'wo jawabi, pakayadö tjo̧'wo jawabi, angeledö tjo̧'wo jawabi tjotidinobe. Ja̧danö didibadö, jadanö pakayadö tjöwamebi, tjiteebebi ösö̧pö̧ broncetjö tjotidinobe.

1 Reyes 6:35

Ja̧danö, apjude wamenö, 'dȩbö otidinobe querubines o̧'wo jawabi, ö̧sö̧yö̧ o̧'wo jawabi, o̧bubiya o̧'wo jawabi ji̧nö, jadanö ja̧ wamenö, oro pöebinobe, oro 'da̧jö̧ki̧nö.

1 Reyes 6:32

Okwasȩko̧ apjudema, dödelataja otidinobe, jadanö wamenö 'dȩbö otidinobe querubines o̧'wo jawabi, ö̧sö̧yö̧ o̧'wo jawabi, o̧bubiya o̧'wo jawabi ji̧nö otidinobe, jadanö ja̧ wamenö, oro pöebinobe.

1 Reyes 6:29

Ja̧danö, okwasȩko̧ tjöekwemibi, jelȩko̧ nöȩko̧ tjöekwemibi, ba̧kwemeachibanö 'dȩbö otidinobe angeledö querubines ötjabawö̧ o̧'wo jawabi, ö̧sö̧yö o̧'wo jawabi, o̧bubiya o̧'wo jawabi otidinobe.

1 Reyes 7:35

Ja̧danö isaka wame, ösö̧pö ji̧nö tjotidinobe, möakwö veintidos centimetro jenanö möpö̧ma. Ja̧danö, isakabi, ö'öbökwenasötebi, okobe jwiinö bakobe tubinö tobebö tjotidinobe.

1 Reyes 7:37

Okobe jwiinö ja̧ domulataja jawa wanawaökiya jobekwö bakwainö otidinobe Hiramma. Okobe jwiinö bakwainö tubinö tobebö otidinobe, ja̧danö okobe jwiinö bakwainö öwawinobe.