1 Reyes 6:7 - Dios Iwene

⁷ Ja̧danö, o̧do tjotidakwa̧ abönö, inawiya tjeminelö otiwanö jweinö löbö tjotidinobe, ja̧danö jwiinö otiwanö jelobetjö lötjinobetjö̧, ja'yubebi Dios ejutjö lötjobö jwiinobe. Jo̧kwajabetjö̧, jobe tjotidenama, martiyubi, picobi, ju'wi 'dii jawatjö otikwakabi ja'yubebi ökwöinokobe.

1 Reyes 6:7 Referans Kwoze

Proverbios 24:27

Ju'wibi yötawakwö chitji̧: Ajayinöma, kweju ina kwotidapjii batjo juwö, jubö, sobö, junö kwotido. Ja̧ otidö kakatajena kweju kwotido.

Éxodo 20:25

Ina, yöawobö webijetö: —Yökawodönö: Juwö iyawemi inawiyatjö kwotidaduwitjö̧ma 'dalöma kwotidaduwoko . Jejenö inawiya 'dalö kwotidaduwitjö̧ma ötjönö juwö iyawemima sulemi baibena, ötjönö kwösödaduwobö jwiemi baibanö.

Colosenses 1:12

ja̧danö kwo̧'wo̧ ösöwanö ja̧nö Dabe'do Diosnö kwösödaduwakobetjö̧, otiwanö pjabato̧ja jö̧ba̧lö. Jau chömöledö, Dios ömöledöma, mölejȩbe ja̧nö Dios iyi̧tjö tjemakwedö, ¿jö̧tö? Ja̧danö, Dabe'do Diosma ökwödönö ja̧inobe, ja̧ jawa demo jö̧ba̧ladö badibanö.

2 Corintios 5:5

Diosda diteba'o otiwa'o ökwödönö iyobö omukwatö ujuninobe chömöledö, ja̧danö jejenö iyakwa̧ wenema ökwödönö yöbawö ujuninobe. Baikwö yötawa Dios ökwödönö yöbawö ujunina wenema chömöledö: Diosma iteda O̧'wo̧ Luwo̧nö ökwödönö iyinobe, isabenö tupakwö kwiteba'o 'yaya'obi chiyakobe jö̧ba̧lö. Ja̧danö chömöledö, Dios O̧'wo̧ Luwo̧nö ida̧ökö dujuna̧lobetjö̧, ju'wibi döwaisobö jo̧be, tupakwöma diteba'o 'yaya'obi dujuna̧lakwedösa jö̧ba̧lö. Jau chömöledö, ja̧ wene yöbawö junö Diosma iteda O̧'wo̧ Luwo̧nö ökwödönö iyinobe.

Hechos 9:31

Ja̧ mölema okobe deinö Jesúsnö ösödadöma Judeanö ju̧kwadöbi Galileanö ju̧kwadöbi Samarianö ju̧kwadöbi otiwanö ju̧kwijadötö, usula emawökönö. Ja̧danö, Dios O̧'wo̧ Luwo̧ pjaatobetjö̧ Diosnö omukwatö tjo̧'wo̧ luwo̧nö ösödö juluwijadötö, tjo̧'wo̧ luwo̧ jawama. Ja̧danö, Diosnö otiwanö yebabinö omukwata̧lö ju̧kwijadötö. Ja̧danö, Dios O̧'wo̧ Luwo̧ pjaatobetjö̧ ba̧jekwachijadötö Jesúsnö ösödadöma.

Isaías 42:2

Jo̧bama labinö yöawökakwo̧, ja̧danö jwöeba̧lökakwo̧, ja̧danö comunidad manatjö, iwene ökwöi̧ tja̧ja̧kwökakwedö.

Santiago 1:20

Chö̧ja̧wo̧dö kwölabiduwena ¿jweinö omukwatö kwö̧jaduwobeji̧, Dios omukwatö kwö̧jaduwobö ösödi̧danö? Kwö̧jaduwokobe. Chö̧ja̧wo̧dö, Diosma weobe jweinö omukwatö kwö̧jaduwobö. Jo̧kwaijayonö kwölabiduwena jweinö omukwatö kwö̧jaduwobö jwiobe, Dios kwö̧jaduwobö ösödi̧danö.

1 Reyes 6:6

Ja̧danö, jeju ö'öböseju tjotidenama, tjöekwemi isaju po̧tjebapji jö̧ba̧lö, nijakwöchobe tjöekwemima böinö tjotidinobe, 'dibatö otikwemi baibanö tjödenama, tjöekweminö wame ötöla jena tjöwanakobetjö. Ja̧danö, jejenö otidinobetjö, nijakwösȩko̧ma, dos metros ja'ö jalȩko̧ ji̧nobe, ja̧danö ikenasȩko̧ma, tres metros ja̧lȩko̧ ji̧nobe, ja̧danö mösȩko̧ma, tres metros ja'ö ja̧lȩko̧ ji̧nobe, tjöekwemi isaju jwiinö.

1 Reyes 6:8

Ö'öböseju apjudema, a̧li̧kwöchobe bajale ji̧nobe, jadanö nijibesȩko̧ okwa, wi̧so̧winö nöchawaka ji̧nobe, ikenasȩkobe tjönöchobö, ja̧danö ikenasȩkotjö, mösȩkobe nöchawakabi ji̧nobe.