1 Reyes 22:49 - Dios Iwene

⁴⁹ Ja̧danö Acab itji̧ Ocoziasma Josafatnö aebinobe, —Ötjö chömöayedö isowinö kwebachadö, ökwö kwömöayedö isowinö kwebachadökwö tji̧'yobö weköbo, bakobe tea emö kwetjachakobetjö̧, —jö̧ba̧lö. Jo̧kwaijayonö öpöjödinobe Josafatma, ja̧danö weinokobe.

1 Reyes 22:49 Referans Kwoze

1 Reyes 22:48

Ja̧danö Josafatma isowibiya, tea emawa isowi owiyawi̧ otidinobe, Ofir nijibe kwebachö, oro tjemobö, jo̧kwaijayonö la'akatjöda Ofirbe tji̧'yinokobe, Ezion Guebertjö isowibiya 'dainobetjö̧.

1 Reyes 22:50

Ja̧danö, Josafatma ö'wö baibinobe, ja̧danö ö'wö babibajo̧nö tjo̧tjinobe, a'dö David itebo comunidad ötjabena. Ja̧danö, Josafat la'aka luwo̧ öjinemi, itji̧ Yoramma la'aka luwo̧ baibinobe.

1 Reyes 9:26

Ju'wibi otidinobe la'aka luwo̧ Salomonma. Jwaibalawa Duwobutjö, Edom niji comunidad Elat yöneawemi Ezion Gueber tjolatjö isowibiya owiyawi̧ otidinobe, tea emö kwetjachobö.

1 Reyes 9:27

Ja̧danö, Tiro comunidad la'aka luwo̧ Hiramma, Salomonnö pjabatö iteda ömöayedötjö jwaibalawanö kweachakwawa waisadönö weinobe, bakobe Salomon ömöayedökwö kwebachö pjatjatobö.

1 Reyes 9:28

Ja̧danö, Salomon weawö̧, jwaibalawanö 'ya̧nö ödö kwetjachinobe, inesö otiwi̧ oro jȩmi Ofir nijibe, ja̧danö jobetjö nöinö oro tjeminobe. Jobe Ofirtjö catorce mil kilo oro tjeminobe, ja̧danö emajadö, tjebachajö tjuluwo̧ Salomon ö̧jobekwö tjichejebinobe.

1 Reyes 10:22

Isabenö jwiinö tea luwo̧ ö̧jinobe Salomonma. Ömöledöso̧ Hiram isowibiya nöinö itea ichejebinobe, ja̧danö ju'wibi iteda itea isowibiya owiyawi̧ ujuna̧linobe Salomonma, jwaibalawanö kweachowibiyama. Ja̧danö, tea emö, ja̧ isowibiyanö ödö kwetjachinobe Salomon ömöayedöma, ja̧danö emö kwebachajadö, o̧ba wapöbakwakwena tjitebokwö tjebachajö tjichibinobe, ja̧danö tjichibenama, nöinö orobi, platabi, marfilbi, wa̧wa̧lidönöbi, pavos real ötjabawö̧nöbi tjichejebinobe, isabenö nöinö ujuna̧linobe Salomonma.