1 Reyes 22:34 - Dios Iwene

³⁴ Ja̧danö, tjölakwabikwawonö, 'böawa jojodötjö bakwo̧ a̧dekwanö 'böinobe, sule a̧dekwanö 'böböda. Ja̧danö, jejenö 'böenama, israel la'aka luwo̧ Acabnö öjamatekwinobe, tjöekwa̧do 'dieba jawa 'da̧de söibinö. Jejenö 'böökwe, iteda iteaka koluka jwebeba̧lo̧nö weinobe, —Inia tötinö 'diinö 'bötjajökwesa, jo̧kwajabetjö̧ jalachibö, dölakwabikwawelö labebitjö, —jö̧ba̧lö.

1 Reyes 22:34 Referans Kwoze

Apocalipsis 9:9

Ja̧danö, jobadö ma̧la̧ka̧yö̧ma tjomukonö 'diöse tjöeba̧lawö̧, 'bötjabikwawakwedö tjomuko tjöeba̧linö 'dutjawi̧danö. Ja̧danö, jobadöma kötja̧lenama labinö ökwöinö köba̧ladö, tjo̧wa̧ja̧pi̧yatjö ökwöi̧ma. Yelösöda, ka̧ba̧yu̧dö ba̧jekwadö 'bötjabikwawakwedö kolukiyanö a̧jadönö töbö, juluwanö ö'ötjakwawi̧ ökwöi̧danö labinö ökwöinö köba̧ladö, tjo̧wa̧ja̧pi̧yatjö ökwöi̧ma.

1 Samuel 17:49

ja̧danö kweata'wotjö inawa bakwawa emö, Davidma wökwebö ikwinobe, ja̧danö ikwaja̧wama Goliat öba ö'wejenö töinobe, okwa söibinö. Ja̧danö, söibökwe, Goliatma öba nijakwö meinobe.

2 Reyes 9:24

Ja̧danö, öba a'o döibajiökwe, Jehuma okobe jwiinö ujulunö 'böpö sedatö Joramnö 'böinobe, ja̧danö nayunu 'böajanuma, Joram öböbe'o ö'wejenö söibinobe, omajade okwa söibinö. Jobekwö söibiökwe, iteaka koluka okwa mebö ö'wö baibinobe Joramma.

1 Reyes 22:17

Weökwe, Micaiasma atadö yöawinobe, —Chi̧'wididanö chedajabe israel jojodönö, israel jojodö mösa'ijunö tjipjelekwachobema. Jau, obejadö teada̧lo̧ debadö a̧dekwanö kwebachö tjö̧jidanö, jelobekwena kwetjachobekwö chedatö. Ikenama Isabenö Jo̧ yöa̧li̧ cha̧ja̧kwatö, –Bidö jojodöma la'aka tjuluwo̧ debadö, wene jwiinö tjejukwena tjȩwajo, –jö̧ba̧lö yöa̧lobe chi̧'wididanö cha̧ja̧kwatö, —jö̧ba̧lö yöawinobe Micaiasma.

1 Reyes 22:33

ja̧danö jwöeba̧liawö̧, tjöwaisachibinobe, —Israel la'aka luwo̧bö̧kö̧, jelo̧da, —jö̧ba̧lö, ja̧danö jo̧banö mebibö katjatibinobe.

1 Reyes 22:35

Ja̧ möle baledibanö, 'diinö tjölakwabikwawinobe israel jojodöbi, siria jojodöbi, ja̧danö siria jojodö tjö̧jemi badeibö, la'aka luwo̧ Acabma iteaka kolukanö öwinobe. Acab ömöayedöma tjuluwo̧nö tjöbeba̧lö tjöwaninobe, meapji jö̧ba̧lö, ja̧danö jobe wanö, 'bötjökwe ökwösobu ku̧kwobetjö, ökwösobu okwinobe koluka okwa, ja̧danö yi̧ibena jenanö, ö'wö baibinobe Acabma.