1 Reyes 22:21 - Dios Iwene

²¹ ikenama bakwo̧ma Isabenö Jo̧ öba a'o ichibö jamatö, yöa̧linobe: –Ötjödasa Acabnö omöna yöta̧lakwo̧sa, omöna jawa wene ösödakobetjö̧, –jö̧ba̧lö yöa̧lobekwö chedatö. Yöa̧lökwe, –Dakwö ja̧köbakwa̧da, omöna wene ösödakobetjö̧? –jö̧ba̧lö Isabenö Jo̧ abebö a̧ja̧kwobekwö chedatö.

1 Reyes 22:21 Referans Kwoze

Diosnö ösödo̧ Job mikwo̧ usula emawina jawa 2:1

Ja̧danö, jemi ikenama, ju'wi möle Dios ömöayedö angeledö yemidanö Isabenö Jo̧ Dios öba a'o tjo̧ko̧ko̧kwinobe, tjuluwo̧ öba a'o tjo̧ko̧ko̧kwobö, ja̧danö Awetjabi yemidanö jobadökwö ichinobe, jo̧babi Isabenö Jo öba a'o ichibobö.

1 Reyes 22:23

Jau Acab, Isabenö Jo̧ma omöna yöba̧lo̧nö weajabe, bidö kwömöayedö Dios yöawi̧ yöbawadönö okobe deinö omöna yötja̧lakobetjö̧, –Isabenö kwujuluwakwo̧ja, –jö̧ba̧lö omöna yötja̧lobö. Jo̧kwaijayonö isabenö baledakwa̧ma, isabenö kwöwaekwobö omudawö ujunajabe Isabenö Jo̧ma, —jö̧ba̧lö yöawinobe Micaiasma.

Apocalipsis 16:14

Bidö sulabedö, tjaatjö labebajadöma, Awetja ömöayedö. Ja̧danö, Awetja ujulu i̧sebö ja̧badö. Ja̧danö, jobadöma, böjȩ bakwameachibanö tji̧'yobe chedijatö, okobe deinö böjȩ la'aka luwedönö, tjömöayedö guardiakwö bakobe ko̧ko̧kwibö ja̧tjobö. Ja̧danö, jobadö tjoko̧ko̧kwajawö̧ma bakobe ja̧nö tjite'ada̧lobe chedijatö, juluwo̧ Diosnö tjölakwabikwawobö latjebakwa̧ möle badekwachenanö baibanö, jwiinö yeabikwa mölema.

1 Reyes 22:20

Ja̧danö, chedemi Isabenö Jo̧ abebö a̧ja̧kwobekwö cha̧ja̧kwatö, –Tida Acabnö omöna yöa̧lakwo̧, yöa̧li̧ ösödö, Ramot Galaad comunidad mebibö ölakwabikwawobö, jobe Ramot Galaadtjö Acab ö'wö baibakobetjö̧? –jö̧ba̧lö abebö a̧ja̧kwobekwö chedatö. Abebö a̧ja̧kwawö̧, ju'wedö baikwö, ju'wedö wainö yötja̧linobe,

1 Reyes 22:22

Abebö a̧ja̧kwökwe, –Acab ömöayedö, Dios yöawi̧ yöbawadökwö ichibö, Acabnö omöna yötja̧lobö wetocha, –jö̧ba̧lö Diosnö atadobekwö chedatö. Ja̧danö, atadökwe, –Jau, yöka̧laja̧danö ja̧baji. Acabnö omöna yöka̧lakwo̧ja, ja̧danö omöna yöka̧lajökwe, ösödakwo̧, –jö̧ba̧lö Dios yöa̧lobekwö chedatö.