1 Reyes 22:15 - Dios Iwene

¹⁵ Ja̧danö, Micaias la'aka luwo̧ öba a'o ichibenama, la'aka luwo̧ Acabma jo̧banö abebö a̧ja̧kwinobe: —Micaias, Ramot Galaad comunidad mebibö dölakwabikwawobö jo̧beji̧? Dölakwabikwawoböma jwiobeji̧? —jö̧ba̧lö. Abebö a̧ja̧kwökwe, —Jau, mebibaji, Isabenö Joma ökwö la'aka luwo̧nö iyakobe, kwujuluwobö, —jö̧ba̧lö obö atadinobe Micaiasma.

1 Reyes 22:15 Referans Kwoze

Mateo 26:45

Abebajo̧, iteda öba̧ja̧di̧ waisachadö tjö̧jobekwö ȩwa̧bijinobe, ja̧danö jobadönö yöawinobe: —¿Ina kwabaduwiji̧? ¿Ina kwö'wachaduwiji̧? Edaduwi, tjo̧wi̧ ötjö jojo baibanö jeminökwenö iyö loawa hora baibajabe, ja̧danö ötjönö sulabedönö iyö loakobe.

2 Reyes 3:13

Jobekwö tjichibiökwe, Eliseoma Israel la'aka luwo̧ Joramnö yöa̧linobe: —Ökwödöma bakwaiböködösa, ötjöma Diosnö ösödo̧ chö̧jonö, ökwöma ju'wedönö ösödo̧ja. Jo̧kwajabetjö ötjönö abebö a̧ja̧kwökönö, kwabe'do ja̧danö kwojo'do abebö tja̧ja̧kwinawö̧, tjösödawö̧ yötjawi̧ yöbawadönö abebö kwa̧ja̧kwo, —jö̧ba̧lö. Yöa̧liökwe, —Ja̧maökö Eliseo, Isabenö Jo̧ Diosda ökwödönö ko̧ko̧dö jwöbina, baikwö dichibanö iyö loobö, Moab la'aka luwo̧ ökwödönö ujuluwakobetjö̧. Ja̧danö jo̧bada ökwödönö iyö loobetjö̧, jo̧ba yöawi̧ abebö da̧ja̧kwakwö, —jö̧ba̧lö atadinobe Israel luwo̧ Joramma.

1 Reyes 18:27

Ja̧danö, möle ja'ö baibenama, Eliasma jobadönö obö yöa̧linobe, —Kwösödaduwökwe Baalnö labinö jwököbaduwo. Kwösödaduwökwema isabenö diosbo̧, jö̧tö? Jo̧kwajabetjö̧ labinö jwökeba̧laduwo, ökwödönö a̧ja̧kwakobetjö̧. Babema omukwatö ö̧jenaö̧kö̧, 'yo'obö ö̧benaö̧kö̧, jelobe kwebachö ö̧jenaö̧kö̧, a̧ba̧lenaö̧kö̧, labinö jwökeba̧laduwo, jo̧banö kwiwiludaduwakobetjö̧, —jö̧ba̧lö Baal yöawi̧ yöbawadönö obö jwöinobe Eliasma.

Jueces 10:14

Ökwödöma ju'wedönöda omudawö kwujunaduwajabe, kwuluwedö diosbedö tjö̧jobö, jo̧kwajabetjö̧ babe usula kwemawaduwenama, jobadö omudawö kwujunaduwajawö̧nöda akebaduwo, kwö̧jibaduwinö pjatjatobö. Jau, jobadö omudawö kwujunaduwajawö̧da pjatatobö jo̧be, ötjö kakatibinaduwökwema pjatatobö jwiobe, —jö̧ba̧lö atadinobe Diosma.

1 Reyes 4:13

Ben Gueber mikwo̧ma, Ramot de Galaad la'aka luwo̧ ö̧jinobe. Ju'wibi Galaad nijitjö Manasesmine itji̧ Yair itebo comunidadbiya, jö̧ba̧lö ötjabobe niji la'aka luwo̧ ö̧jinobe, ja̧danö Basan nijitjö, Argob ötjabobe niji̧bi la'aka luwo̧ ö̧jinobe. Jobe Argob nijitjö, comunidadbiya 'diinö tjöbebö tjotidina comunidadbiya, broncetjö otikwa ö̧sö̧a'nö pje'datakwawa comunidadbiya ji̧nobe sesenta comunidadbiyama, jadano okobe jwiinö ja̧ niji la'aka luwo ö̧jinobe Ben Gueberma.

1 Reyes 22:12

Ja̧danö ju'wedö yöbawadöbi bakwainö yötjawinobe, —Isabenö Ramot Galaadbe 'ya̧nö mekibobö jo̧be, jadanö Isabenö Jo̧ma pjabatö iyakobe ökwö la'aka duluwo̧nö, Ramot Galaad comunidad juluwajo̧, siria jojodötjö 'dökebobö, —jö̧ba̧lö yöbawö tjö̧jinobe.

1 Reyes 22:16

Yöa̧lökwe, Acabma yöa̧linobe, —Omöna yöka̧loko Micaias, ba̧kwelöjatebö ökwönö webo̧sa, –Isabenö Jo̧ yöawi̧ yökawenama, jwaikwöda isabenö yöawaja̧ jawada yökawobö jo̧be, –jö̧ba̧lö, ja̧danö wetakwö, isabenö yöawaja̧ jawada yöbawitjö, —jö̧ba̧lö.