1 Reyes 21:19 - Dios Iwene

¹⁹ Ichibajo̧, baikwö yökawonö: –Isabenö Jo̧ ökwönö yöa̧li̧ma, baikwö laebobe: Biyu batjo luwo̧nö kwabö lobajo̧, kwöbatjo baibanö 'dökebaji̧? –jö̧ba̧lö yöka̧lonö. Ja̧danö tupakwö yökawonö: –Isabenö Jo̧ma baikwö yöawobe: -Acab, Nabotnö kwabö loköbaduwenama, a̧wi̧lidöma Nabot ökwösobu 'dȩtjinobe, jö̧tö? Ja̧danö, jobe Nabot ökwösobu 'dȩtjinemima, ökwöda kwökwösobubi 'dȩtjakwedö awi̧li̧döma, –jö̧ba̧lö yökawo Acabnö, —Eliasnö weinobe Diosma.

1 Reyes 21:19 Referans Kwoze

1 Reyes 22:38

Ja̧danö, Samaria o̧pesobube, tjilekwamuböködökwö 'da̧'da̧bakwawö ju̧kwadö ojwe tjibemi o̧pesobube tje'ewinobe, Acab itea kolukama, jobetjö tjidichobö. Ja̧danö jobe tjidichonö, a̧wi̧li̧dö ichibö, Acab ökwösobö 'detjinobe. Ja̧ a̧wi̧lidö Acab ökwösobö 'dȩtjakwa̧ yöawinobe Isabenö Jo̧ma, ja̧danö yöawinadanö baledinobe.

2 Samuel 12:9

Jo̧kwajabetjö̧, tajawedö ötjö Isabenö Jo̧ weti̧ kwöpöjödinada? Tajawedö sulabenö chöpöjödi̧ jawa ja̧köbinada? Isabenö chöpöjödinö ja̧köböbajabetija David, ilekwonö kwemotö jö̧ba̧lö, hitita jojo Uriasnö kwabö loköbijatö. Jau David, amonitas ölakwabikwawa jojodönötjö̧, ökwöda Uriasnö kwabö loköbijatö, ja̧danö kwabö lobajo̧, jo̧ba ilekwonö kwemijatö, kwilekwo bajibanö.

Mateo 7:2

Jau chömöledö, ökwödö jojodönö lȩkebaduwi̧danö, ökwödönöbi lȩebakwo̧ Diosma, ja̧danö ökwödö jojojodönö, Aaa, biya̧ ja̧tjobetjö̧ sulabedö, jö̧ba̧lö badedö kwomukwataduwi̧danö, Diosma ökwödönö omukwatö edakobe, sulabedö kwö̧jaduwojobö jö̧ba̧lö.

2 Samuel 12:11

Tupakwö yöawinobe Natanma, Davidnö: —Jau David, isabenö wene ja̧kobe bemi tupakwöma, baikwö laebobe Isabenö Jo̧ ökwönö yöawi̧ma: –Isabenö yö̧ne kwömöledötjö wene baibobö wetocha David, ja̧danö kwilekwamunö 'döbebö, jelo̧ kwömöledöso̧nö chiyocha, ja̧danö jo̧bama waapji ö̧jakobe kwilekwamukwö, kwömöayedöbi, ökwöbi baledi̧ kwöwaisaduwinö.

Jueces 1:7

Jejenö ötö'iya bulatö lotjökwe, Bezec la'aka luwo̧ma yöa̧linobe, —Jelobetenia tjuluwedö la'aka luwedö setentabedönö, chujuluwajawö̧ jejenö tjötö'iya bulabinö lotijatö, ja̧danö jejenö chujuluwajawö̧, chu̧kwa mesasötetjö tjoduwaja̧ kwawawa tjukwotö jö̧ba̧lö tjisakwinobe. Ja̧danö, babema ötjö jobadönö usula tjemawinö wetinadanö, Diosma bakwainö usula chemawinö weajabe, —jö̧ba̧lö. Ja̧danö Judasaso jojodöma Bezec la'aka luwo̧nö tje'ewinobe Jerusalenbe, ja̧danö jobetjö ö'wö baibinobe.

Génesis 3:11

—¿Ti öba̧jadaja̧da ökwönöma kwa̧do̧ jwibö kwö̧ja jö̧ba̧löma? Kwukwoko jö̧ta̧linowitjö ¿kukwaji̧?— Isabenö Jo̧ Diosma abebö a̧ja̧kwökwe:

2 Reyes 10:10

Isabenö baikwö yötawaduwakwö, bi̧ya baledaja̧ edö, kwöwaisaduwobö jo̧be, okobe jwiinö Isabenö Jo̧ yöawina, Acab ömöledönö baledakwa̧ jawa Isabenö Jo̧ yöawinama, isabenö okobe jwiinö badekwachakobe. Jau, yöawina jawa, iteda ömöayo̧ Eliasnötjö yöawina jawatjö, bakwöta jawabi waekwökönö, okobe jwiinö badekwachakobe, —jö̧ba̧lö yöa̧linobe Jehuma.

Diosnö ösödo̧ Job mikwo̧ usula emawina jawa 31:39

Jau, ju'wedö tjitea nijitjö pokwi̧ midökönö, ja̧ niji ajayi luwedö a̧wi̧chi tjötjonö, ötjöda midökönö chukwinatjö̧ma, isabenö Dios lȩebobö jȩna.

2 Reyes 6:32

Ja̧danö yöba̧lajo̧, ömöayo̧ bakwo̧nö weinobe, Eliseonö do̧atobö. Ja̧ baledonö, Eliseoma comunidad luwedökwö ba̧nö ö̧jinobe, Eliseo ejunö. Ja̧danö, la'aka luwo̧ ömöayo̧ ichibakwa̧ abönö, jobadönö yöawinobe Eliseoma: —Jojodönö kwabawö lobo̧ israel la'aka luwo̧ma, iteda ömöayo̧nö weajabe, chuu bulatö loobö. Cheju apjudebe ichibenama, apjude tumatö, 'diinö tjökeba̧laduwo, teachapji jö̧ba̧lö. Ja̧danö, jo̧ba ichiba̧ja̧ ikena, uluwo̧ ömasapiya ökwöi̧bi juluwanö kwa̧ja̧kwaduwakobe, uluwo̧ Israel la'aka luwo̧bi juluwanö ichibakobetjö̧, —jö̧ba̧lö.

2 Reyes 10:7

Ja̧danö, Jehu iwȩyudaja̧ tjedenama, juluwanö okobe deinö tjuluwo̧mine itji̧mu ömadönö do̧batö, tjuubiya tjubulatinobe, ja̧danö tjuubiya wi̧lȩyubiyanö anö, Jezreel comunidadbe wetjinobe, Jehunö.