1 Reyes 21:11 - Dios Iwene

¹¹ Jobekwö wȩyudö wejiawö̧, Jezabel weji̧danö ja̧tjinobe ja̧ comunidad luwedöbi, ju'wedö jojodöbi.

1 Reyes 21:11 Referans Kwoze

Hechos 5:29

Jejenö jö̧a̧liawö̧ Pedroma ju'wedö Jesús webawedöbi jö̧ba̧lijadötö: —Ökwödöma Dios wei̧da a̧ja̧kwadösa. Böjȩnö jojodö wainö wetji̧ma, Dios weidanömaökö wetji̧ ja̧doböma jwiobe yelösöda.

Hechos 4:19

Jejenö lȩtjebijayonö Pedro, Juan jö̧ba̧lijadötö: —Dios öba a'otjö, jweinö ja̧dakwa̧ma ¿diya̧da? ¿Dakwö kwomukwataduwa? Ökwödöma, Jesús jawama yökawaduwoko, jö̧ba̧lö, weköbaduwobe, jo̧kwaijayonö Diosma wainö webo̧, yödawobö. Kwomukwataduwena ¿diya̧tjö ja̧dakwa̧da?

Mateo 2:16

Waisadö Belenbe tji̧'yakwa̧ abönö, yemidanö ichö tjemunö yödawakobe ökwönö, jö̧ba̧lö Herodesnö yötjawinajayonö, yöbawöma tjetjachajinokobe, ja̧danö tjichiökökwe, Herodesma jwiinö ölabinobe, ja̧danö Jesúsnö kwabö lootö jö̧ba̧lö iteda ömöayedö guardia jojodönö weinobe, okobe deinö Belennö ju̧kwadö tji̧tji̧mu ömadö döbalataja o̧biya baikwönönöbedönö kwabawö lotjobö. Waisadöma jo̧banö yötjawinobe o̧biya dötölataja baledajena, sili'ima ajayinö öwawachinobe jö̧ba̧lö, jo̧kwajabetjö̧ Jesúsnöbi kwabö lootö jö̧ba̧lö, okobe deinö tji̧tji̧mu ömadö döbalataja o̧biya baikwönönöbedönö kwabawö loinobe.

Mateo 2:12

Jemi ikenama, tjitebobe tjȩwa̧jinobe, jo̧kwaijayonö tjichinamabenö tjȩwa̧jinokobe. Diosma tji̧'wi̧dinö yemidanö Herodes ö̧jobekwöma kwi̧'yaduwoko jö̧ba̧lö yöawiawö̧, jelobenö tjȩwa̧jinobe.

Proverbios 29:26

Ja̧danö, ju'wibi yötawa: Ba̧jȩkwadö jojodöma la'aka luwo̧nö abeba̧ladö, pjabatitjö, jö̧ba̧lö. Jo̧kwaijayonö, bö̧jȩnö la'aka luwo̧maö̧kö̧, Isabenö Jo̧da jweinö omukwatö webo̧, inesö pjabato̧ma.

Proverbios 29:12

Ja̧danö, ju'wibi yötawa, wanedö: Bakwo̧, inesö la'aka luwo̧ma, omöna yöba̧ladö jo̧banö yötjawi̧ a̧ja̧kwö ösödobe, otiwa jö̧ba̧lö. Jobekwö ösödobetjö̧ sulabenö webö ö̧jobe. Ja̧danö, sulabenö webö ö̧jobetjö̧ iteda yö̧ne ömöayedöbi sulabenö omukwatadö tjö̧jobe.

1 Samuel 23:20

Jo̧kwajabetjö̧ baikwö yöda̧lakwö duluwo̧, ökwöda kwösödenada jo̧banö do̧batö kwicho, ja̧danö kwichenama, ökwödöma pjabatö, jo̧banö do̧batö diyakobe ökwönö, —jö̧ba̧lö.

1 Samuel 22:17

Ja̧danö, jejenö yöba̧lajo̧, la'aka luwo̧ Saulma iteda ömöayedö ölakwabikwawa jojodö, ipjeanö ju̧kwadönö weinobe, —Bidö Isabenö Jo̧ ömöayedö tjö'da̧de pjabatadönö kwabö lobaduwinö, jobadöma bakobe David ömöledö ja̧dö. Jobadöma David döibajina tjöwaisinobe, jo̧kwaijayonö tjöwaisijayonö yötjawo jö̧tja̧lidanöma yötjawinokobe. Jo̧kwajabetjö̧ ö'wö batjibobö jo̧be, kwabö lobaduwidönö, —jö̧ba̧lö weinobe ömöayedö ölakwabikwawa jojodönö. Jo̧kwaijayonö, jejenö weijayonö, tjöpöjödinobe, —Bidöma Isabenö Jo̧ ömöayedö, jobadönö kwabö loböködösa, —jö̧ba̧lö.

Éxodo 1:17

Jejenö weajayonö jobadö tjemunö tjemobe te'ada̧lakwawa ya̧döma Diosnö yetjabobetjö̧ inesö la'aka luwo̧ weaja̧ma a̧ja̧kwijöködötö. Hebreo ya̧dö tjemawö̧nö ömadönöma kwabö lobijöködötö.

1 Reyes 21:10

Ikenama, jo̧ba a'o duju̧taja sulabedönö weköbaduwo, jo̧banö omöna yötja̧lakobetjö̧, –Bite sulabenö yöa̧laja̧ da̧ja̧kwijatö, Diosnöbi jwiinö sulabenö yöa̧linobe, ja̧danö inesö la'aka duluwo̧nöbi jwiinö sulabenö yöa̧linobe, –jö̧ba̧lö omöna yötja̧lobö weköbaduwo. Ikenama, jo̧ba sulabenö ja̧ina jobekwö yötjawobetjö̧, jo̧banö lȩbebö, inawiya ikwawö kwabö loköbaduwonö, —jö̧ba̧lö laebobe Jezabel ji̧wȩyudinama.

1 Reyes 21:12

Ju'wi möle ö̧töchö tjö̧jinobe, ja̧danö jojodö tjöba a'o Nabotnö tjujuninobe.

Isaías 59:14

Ja̧danö ditebotjö lȩekwa luwedö yötjawenama, lȩekwama jweinö yöbawöködö, Dios wei̧ a̧ja̧kwö ja̧kwawama, ditebotjö ödöobe ichejekwa. Jau, jojodö tjo̧ko̧kokwelö ja'yubebi jwei̧ wene yöba̧lökönö, omönada yöba̧ladösa, ja̧danö dö̧'dadetjö, otiwanö ja̧bö ja̧kwawama jwiobe.