1 Reyes 20:16 - Dios Iwene

¹⁶ Ko̧ko̧kwajadö, doscientros treinta y dos luwedö ju'wedö siete milbedönö ötjibonö, möle ja'ö jawo̧ jweinö ö̧jena latjebinobe, Ben-adad ömöayedö inesö ba̧jekwadökwö tjölakwabikwawobö. Ja̧danö, latjebenama, Ben-adadbi ju'wedö iteda ömöayedö treinta y dosbedö la'aka luwedöbi, sabana'wotjö otikwejunö ja̧nö 'dukwachawö̧ batjibanö tjowa̧linobe.

1 Reyes 20:16 Referans Kwoze

Isaías 54:15

Ja̧danö ju'wedö ökwönö metjibitjö̧ma, ötjö wetajawö metjibökakwedö, ja̧danö okobe deinö ökwökwö tjölakwabikwawakwedöma, kwöba a'otjö metjakwedö.

1 Reyes 16:9

Jemi ikenama, ömöayo̧ Zimri mikwo̧ma uluwo̧ Elanö kwabö loobö omukwatö ujuninobe. Ela ömöayedö kolukiyanö ölakwabikwawajadö tjuluwedö la'aka luwedöma duju̧taja tjö̧jinobe, Zimri mikwo̧ma jobadötjö ja'ö la'aka luwo̧ ö̧jinobe, ja̧danö jelo̧ ju'wedönö webö ö̧jinobe. Ja̧danö, baikwö laebobe Zimri Elanö kwabö loina wenema. Ju'wi möle Elama iteda ömöayo̧, eju teada̧lakwawa luwo̧ Arsa mikwo̧ ejunö ö̧jinobe, ja̧danö Arsa ejunö ja̧nö, nöinö o̧walinobe Elama, jwiinö 'dukwachökwe baibanö.

1 Reyes 16:7

Jwiinö sulabenö ja̧bö ö̧jinobe Basama, Isabenö Jo̧ jwiinö jo̧banö ödameakwawenanö baibanö. Isabenö Jo̧ öba a'otjö Basa sulabenö jaina wenema, baikwö laebobe: Jwaikwöda Jeroboanbi, Jeroboan ömöledöbi sulabenö ja̧bö tjö̧jinadanö, bakwainö sulabenö ja̧inobe Basama, ja̧danö ju'wibi, lȩlöinö edökönö, okobe deinö Jeroboan ömöledönö kwabawö loinobe Basama. Jejenö sulabenö jaiökwe, jwiinö jo̧banö ödameakwinobe Isabenö Jo̧ma, ja̧danö iteda yöawi̧ yöawinobe iteda yöawi̧ yöbawo̧ Jehu mikwo̧nö, —Basa sulabenö jabö ö̧jinobetjö̧, Basanöbi, ömöledönöbi lȩebakwo̧ Isabenö Jo̧ma, —jö̧ba̧lö.

1 Reyes 20:15

Yöawökwe, Acabma okobe deinö bakwasokwena la'aka luwedö tjömöayedönö o̧ko̧kodinobe, doscientos treinta y dosbedönö. Ja̧danö Acabma okobe deinö ju'wedö israel jojodötjö iteda ömöayedö ölakwabikwawa jojodönöbi o̧ko̧kodinobe, ja̧danö okobe deinö jobadöma, sule siete milbedöda tjö̧ba̧jekwinobe.

1 Reyes 20:17

Acab ömöayedö ölakwabikwawadö tjölakwabikwawobö latjebenama, bakwasokwena la'aka luwedö tjömöayedöma ju'wedötjö abönö latjebinobe, ja̧danö latjebobe tjedinobe Ben-adad ömöayedötjö eda̧ladöma. Edajadö, tjuluwo̧nö yötjawinobe, —Ju'wedö ömadöma, Samaria comunidadtjö latjebobe, —jö̧ba̧lö.

1 Reyes 22:31

Ja̧danö tjölakwabikwawakwa̧ abönö, Siria la'aka luwo̧ma iteda ömöayedö kolukiyanö ölakwabikwawadö tjuluwedö treinta y dosbedönö weinobe baikwö: —Bakwainö israel la'aka luwo̧nöda kwujuluwaduwobö kwisakwaduwo, ju'wedö jo̧kwadabedönöbi, la'aka luwedönöbi kwölakwabikwawaduwoböma kwisakwaduwoko, sule israel la'aka luwo̧nöda kwujuluwaduwobö kwisakwaduwo, —jö̧ba̧lö.

Proverbios 20:1

Baikwö laebobe ju'wi Salomón jwebebö yöawakwawa jawanö wanekwachi̧ jawa: Isabenö yötawa: 'Dukwachawö̧ma jweinö omukwatöködö. Jobadöma ubasobu o̧'do̧bu, ja̧danö ju'wi nio ojwiyo owajadö 'dukwachawö̧ma jojodönö tjo̧'wo sulachibanö edö obadö. Ja̧danö, jojodönö ölakwabikwawö jwöbeba̧ladö 'dukwachawö̧ma. Isabenö jweinö omukwatöködö.

Isaías 5:22

Isabenö usula tjemawakwedö, nöinö nio ojwiyo owa̧ladöma. Jobadöma sulabenö omukwatadö, —Ju'wedötjö bajalekwönö nöinö ubasobu o̧'do̧bu dowa̧lobö dujuluwobetjö̧, otiwadösa, ja̧danö ju'wi nio ojwiyokwö, ju'wi nio ojwiyokwö pjabatö wiwodakwawa döwaisobetjö̧, otiwadösa, —jö̧ba̧lö omukwatadö.