1 Reyes 2:45 - Dios Iwene

⁴⁵ Jo̧kwaijayonö, ökwönö lȩebonö, ötjö la'aka luwo̧ Salomonnö chujuluwachibanö pjaatakwo̧, ja̧danö chabe'do David itji̧mu tupadanö jojodö israel jojodö la'aka luwedö dö̧ji̧ma, ba̧kwelöjatebö Isabenö Jo̧ öba a'otjö israel jojodö tjuluwedö dö̧jakwedösa, —jö̧ba̧lö yöa̧linobe Salomonma, Siminö.

1 Reyes 2:45 Referans Kwoze

Proverbios 25:5

Ja̧ ji̧danö, inesö la'aka luwo̧ma iteda yö̧ne ömöayedötjö sulabenö ja̧badönö a'dewö loitjö̧ma otiwanö yöbawö webo̧ ö̧jena. Jao, sulabenö ja̧badö deobetjö̧ inesö la'aka luwo̧ma otiwanö yöbawö webo̧.

1 Reyes 2:24

Jau, Isabenö Jo̧da ötjönö kabebö juninama, chabe'do Davidmine ö̧binaka la'aka luwo ö̧bakanö chö̧bobö, ja̧danö jobada 'diinö chö̧jobö iyajabe, ja̧danö jo̧bada, iteda yöbawö ujuninadanö ötjöbi, chitji̧mu tupadanö jojodöbi la'aka luwedö dö̧jobö pjaatajabe. Jo̧ba ötjönö pjabato̧ Isabenö Jo̧ öba a'otjö baikwö isabenö yöta̧la, babe möleda isabenö kwabö lotjakwo̧ Adoniasnö, —jö̧ba̧lö yöbawö ujuninobe.

2 Samuel 7:13

Jo̧bada cheju otidakwo̧ma, ötjö Isabenö Jo̧ cheju baibanöma. Ja̧danö jo̧ba itji̧mu tupadanö jojodötjö chujunocha, ba̧kwelöjatebö israel jojodö la'aka tjuluwedö tjö̧jobö.

1 Crónicas 17:27

Jau chuluwo̧, isabenö jejenö ötjönöbi chömöledönöbi pjakatobö kwösödajabeta, ba̧kwelöjatebö kwöba a'o israel jojodö tjuluwedö dö̧jakobetjö̧. Jau Chuluwo̧ Isabenö Jo̧, ökwöda ökwödönö pjakatajabe, ja̧danö pjakati̧tjö̧, ötjöbi chi̧tji̧mu tupadanö jojodöbi ba̧kwelöjatebö otiwanö pjakatawö̧ dö̧jakwedösa, —jö̧ba̧lö yöa̧linobe Davidma, Diosnö ösödö.