1 Reyes 2:28 - Dios Iwene

²⁸ Ja̧danö, Joabma ja̧ baledaja̧ wene a̧ja̧kwinobe. Damötjö̧ Absolon la'aka luwo̧ baibobö jö̧a̧linenama, Joabma Absolonnö pjaatinokobe, jo̧kwaijayonö Adonias la'aka luwo̧ baibobö jö̧a̧lenama, jo̧banö pjaatinobe Joabma. Jo̧kwajabetjö̧, Adoniasnö kwabö lotjaja̧bi, Abiatarnö a'dewö lotjaja̧bi a̧ja̧kwö, yeabinobe Joabma, —Ötjönöbi lȩebena, —jö̧ba̧lö. Jo̧kwajabetjö̧, Isabenö Jo̧ ejube ö'öakwawinobe Joabma, ja̧danö ichibajo̧, Diosnö iwawöte ökiyanö do̧a̧linobe, jo̧banö kwabö lotjapji jö̧ba̧lö.

1 Reyes 2:28 Referans Kwoze

1 Reyes 1:50

Adoniasbi yeaibinobe, —Chöjawo̧ Salomonma ötjönö ölabena, —jö̧ba̧lö, jo̧kwajabetjö̧ a̧la̧ibö, Dios ejube i̧'yinobe, jadanö Diosnö iyawötenö ji̧ ö'yekiyanö do̧a̧linobe, —Diosnö iyawötenö chö̧jiawö̧, ötjönö kwabö lotjökena, —jö̧ba̧lö.

2 Samuel 18:2

Ja̧danö, wapösokwa batjibanö 'da̧batö ujuninobe ölakwabikwawa jojodönö, ja̧danö bakwaso la'aka luwo̧ baibanö Joabnö ujuninobe, ja̧danö jeleso Abisainö la'aka luwo̧ baibanö ujuninobe, ja̧danö jeleso Gat jojo Itaynö la'aka luwo̧ baibanö ujuninobe, jobadö webö tjö̧jonö tjölakwabikwawobö. Ju'wibi, David yöa̧linobe, —Ötjöbi ökwödökö ölakwabikwawö latebocha, —jö̧ba̧lö.

2 Samuel 17:25

Ajayinöma David ömöayo̧ Joabma israel ölakwabikwawa jojodötjö la'aka luwo̧ ö̧jinobe, ja̧danö Joab ö̧jinemi, Absalonma iteda ömöayo̧ Amasa mikwo̧nö ujuninobe, ölakwabikwawa jojodö inesö la'aka tjuluwo̧ baibanö. Jo̧ba Amasama, ismaelita jojo Itra mikwo̧ itji̧, ja̧danö ojo'doma Isai itji̧ju Abigail mikwuju. Ju'wibi, Amasa ojo'do Abigailma, Joab ojo'do Sarvia jöjawuju.

Deuteronomio 32:35

Isabenö ötjödasa sulabenö ja̧tji̧ balekwa mikwa lȩbebo̧ma, ja̧danö lȩtebobö badekwachenama, lȩtebocha. Baikwö wanedö yötawa: Ja'yubenö lekwajabetjö dusachibö metja̧kwedö, ja̧danö wene tjöbaledakwa̧ma juluwanö badekwachakobe, ja̧danö juluwanö jobadönö söbebö lotakobe, –jö̧ba̧lö yöawobe Diosma.

Éxodo 27:2

Ja̧danö, japjo 'do̧'do̧kwetenia ö'wejemu jawa i'yekiya ji̧nö tjödado, juwö iyawapjotjö dötewanö. Ikenama, okobe jwiinö juwö iyawapjoma broncesapitjö pötjebo.