1 Reyes 2:24 - Dios Iwene

²⁴ Jau, Isabenö Jo̧da ötjönö kabebö juninama, chabe'do Davidmine ö̧binaka la'aka luwo ö̧bakanö chö̧bobö, ja̧danö jobada 'diinö chö̧jobö iyajabe, ja̧danö jo̧bada, iteda yöbawö ujuninadanö ötjöbi, chitji̧mu tupadanö jojodöbi la'aka luwedö dö̧jobö pjaatajabe. Jo̧ba ötjönö pjabato̧ Isabenö Jo̧ öba a'otjö baikwö isabenö yöta̧la, babe möleda isabenö kwabö lotjakwo̧ Adoniasnö, —jö̧ba̧lö yöbawö ujuninobe.

1 Reyes 2:24 Referans Kwoze

1 Crónicas 22:10

Jo̧ba kwitji̧ Salomonda cheju otidakwo̧ma, ötjönö otiwanö omukwatakwaweju baibanö. Jo̧bama ötjöda chitji̧ ö̧jakwo̧, ja̧danö ötjöma jo̧ba abe'do chö̧jakwo̧sa. Ja̧danö ju'wibi jo̧ba itji̧mu tupadanö jojodönö chujunocha, ba̧kwelöjatebö israel jojodötjö la'aka luwedö tjö̧jakobetjö̧, –jö̧ba̧lö yöawinobe Isabenö Jo̧ma.

1 Crónicas 29:23

Ja̧danö, inesö la'aka luwo̧ baibanö 'da̧batö tjujuniökwe, abe'do David ö̧binemi öbamatinobe Salomonma, Isabenö Jo̧ ömöledö israel jojodötjö inesö la'aka luwo̧ ö̧bakanö. Ja̧danö, la'aka luwo̧ babibajo̧, okobe jwiinö webö ö̧ji̧ otiwanö laebi̧nö ö̧jinobe, ja̧danö okobe deinö israel jojodöma otiwanö Salomon wei̧ a̧ja̧kwö tjö̧jinobe.

1 Crónicas 17:23

Ja̧danö, babe atebakwö Chuluwo̧ Isabenö Jo̧. Isabenö otiwanö ökwödö israel jojodönö pjakatajabe, ja̧danö otiwanö ötjönöbi chi̧tji̧mu tupadanö jojodönöbi pjakatakwa̧ wene yökawajabe. Jejenö yöbawö kwujunaja̧danö ba̧kwelöjatebö badekwachinö pjakatobö atebakwö chuluwo̧, chi̧tji̧mu tupadanö jojodönö yöka̧laja̧danö pjakatobö atebakwö,

1 Crónicas 17:17

Jo̧kwaijayonö, ida̧ökö nöinö pjakatajayonö, –Ja'yubeda pjatatajabe, –jö̧ba̧lö, tupakwö nöinö pjakatakwa̧ wene yökawajabe. Jau Chuluwo̧ Dios, ötjönö pjakataja̧tjö̧ bajalekwönönö, ina tupakwö lekwe möle ötjö kwömöayo̧ chi̧tji̧mu tupadanö jojodönöbi pjakatakwa̧ wene yökawajabe Chuluwo̧. Isabenö otiwanö pjabato̧ja ötjönö chuluwo̧, bö̧jȩ jojodötjö inesö mikwawo̧ chö̧ji̧danö otiwanö pjakatajabe chuluwo̧ Isabenö Jo̧ Dios.

1 Reyes 10:9

Isabenö kwösödökwe Isabenö Jo̧ Diosnö dösödobö jo̧be, otiwanö ökwönö ösödö, israel jojodö la'aka tjuluwo̧ bakibanö kwöbamatobö ujuninobetjö̧. Jau Salomon, ba̧kwelöjatebö jwaikwöda israel jojodönö ile nibebö jo̧ Isabenö Jo̧ma, ja̧danö israel jojodönö ile niebobetjö̧, ökwönö 'da̧batö ujuninobe, israel jojodötjö inesö la'aka luwo̧ ja̧nö, jweinö otiwanö lȩekwa yökawakobetjö̧, —jö̧ba̧lö yöja̧linobe Saba niji la'aka luwujuma.

1 Reyes 1:52

Jejenö yötja̧liökwe, Salomonma atadinobe: —Isabenö yötawaduwakwö, Adoniasma isabenö chömöayo̧ otiwo̧ ö̧jitjö̧ma, isabenö ja'yubebi sulabenö ja̧tökakwo̧sa jo̧banöma. Jo̧kwaijayonö, chömöayo̧ sulabo̧ ja̧nö, sulabenö jaitjö̧ma, isabenö ö'wö baibakwo̧, —jö̧ba̧lö atadinobe.

1 Reyes 1:29

ja̧danö la'aka luwo̧ Davidma jobujunö yöbawö junö yöa̧linobe: —Chilekwo, Isabenö Jo̧ma isabenö 'yaba̧lö jo̧, jo̧bama okobe jwiinö labi̧ jawa chöbaledinatjö chö̧ji̧binö pjabato̧, jadanö baikwö yöbawö junö yötawakwö: Jo̧ba Isabenö Jo̧ öba a'otjö, isabenö yötawakwö:

2 Samuel 7:27

Jau chuluwo̧, jejenö pjakatoböma ateboko jö̧ta̧lajabe, jo̧kwaijayonö ökwö Isabenö Jo̧ Okobe Jwiinö Juluwo̧ Israel tjuluwo̧ Diosma, ida̧ökö pjakatakwa̧ wene yökawajabe. Jo̧kwajabetjö̧, yökawaja̧ a̧ja̧kwö, ötjö kwömöayo̧ma chujuluwachibajabe chuluwo̧, ja̧danö kwöba a'otjö yöka̧laja̧danö, dösölö̧jinö edö pjakato jö̧ba̧lö atebakwö.

1 Samuel 25:28

Ja̧danö kwöba a'otjö wene chujuna̧li̧ omukwatökönö söbebö loköbobö atebakwö chuluwo̧. Jau chuluwo̧, chöwaisakwö, ökwöma Isabenö Jo̧ wei̧ otidö, jo̧ba öpöjojojodönö ölakwabikwawö jo̧ja jö̧ba̧lö, ja̧danö ju'wibi chöwaisa, jejenö wei̧danö ölakwabikwawö kwö̧jiökwe, Isabenö Jo̧ma isabenö ökwönöbi, kitji̧mu tupadanö jojodönöbi ujunakobe, inesö la'aka luwedö kwö̧jaduwinö. Ja̧danö chöwaisa chuluwo̧, Dios ökwönö pjaatobetjö̧, ina kwö̧jayi bakwo̧bi ökwönö suli̧ öwaedobö jwiakobe.

2 Samuel 12:10

Jo̧kwajabetjö̧, jejenö ja̧köbi̧tjö̧, baikwö yötawakwö tupakwö baledakwa̧ma: Dios wei̧ma mikwawökö ji̧ jö̧ba̧lö, Hitita jojo Urias ilekwonö 'döbebö, kwilekwo bajibanö kweminobetjö̧, bemi tupakwö kwi̧tji̧mu tupadanö jojodötjö ba̧kwelöjatebö ölakwabikwawa ja̧kobe, —jö̧ba̧lö Dios yöawi̧ yöawinobe Natanma Davidnö.

1 Reyes 1:46

Ju'wi baledaja̧bi yötawakwö, Salomonma ida̧ökö inesö la'aka luwo̧ iteakanö öbamatajabe,

Proverbios 20:2

Ja̧danö, ju'wibi yötawa: Inesö la'aka luwo̧ma o̧'wo̧ sulachibinö ö̧jena itebonö ju̧kwadöma jo̧banö yebabidö. Wanedö yötawa: Didibama jwiinö labo̧ ¿jö̧tö̧? Jojodöma didiba labinö tuluobe tja̧ja̧kwena jwiinö yebabidö, ökwödönö ukwobö icha, jö̧ba̧lö. Ja̧ yetjabi̧danö yebabidö jojodöma, o̧'wo̧ sulachibinö inesö la'aka luwo̧nöma. Isabenö yötawa: Jo̧banö, inesö la'aka luwo̧nö o̧'wo̧ sulachibinö ja̧bajo̧nöma kwabö lotjobö weökwe inesö la'aka luwo̧ma.