1 Reyes 2:2 - Dios Iwene

² —Chitji̧, okobe deinö bö̧jenö ju̧kwadö ö'wö batjibi̧danö, ötjöbi juluwanö ö'wö batibakwo̧sa. Jo̧kwajabetjö̧ baikwö wetakwö, Kwujuluwachibanö jojo juluwo̧ ö̧ji̧danö kwö̧jo.

1 Reyes 2:2 Referans Kwoze

Josué 23:14

—Okobe deinö bö̧je jojodö debö tji̧'yidanö, ötjöbi juluwanö ö'wö batibakwo̧sa chömöledö, ja̧danö ö'wö batibakwa̧ abönö yötawaduwakwö chömöledö. Ökwödöma okobe deinö waisadöja chömöledö, kwomajadeduwinöbi, kwo̧'woduwinöbi isabenö waisadöja chömöledö, baikwö: Okobe jwiinö kwuluwo̧duwi Isabenö Jo̧ Dios ökwödönö yöbawö ujuninama, badekwachinö baibanö pjaatajabe, jö̧ba̧lö waisadöja, jö̧tö? Jau chömöledö, okobe jwiinö yöbawö ujunina jawatjö, bakwöta jawabi waekwinokobe, okobe jwiinö kwö̧'da̧deduwitjö badekwachinö otidajabe.

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

1 Corintios 16:13

Chömöledö, te'ada̧lönö kwö̧jaduwo, ja̧danö 'diinö kwö̧jaduwo Jesúsnö ösödö dö̧ji̧ma, ja̧danö yebabökönö kwö̧jaduwo, ja̧danö kwujuluwachibaduwo chömöledö.

Hebreos 9:27

Ja̧danö chömöledö, ökwödö jojodöma okobe deinö bakwötanöda wodakwedösa. Jemi ikenama, wobajadöma Dios öba a'o ja̧nö Dios ökwödö dö̧jina yöawi̧ da̧ja̧kwakwedösa, otiwanö ja̧bö dö̧jinabi, sulabenö ja̧bö dö̧jinabi.

Deuteronomio 31:23

Jemi ikenama Diosma Josuenö 'da̧batö ujuninobe, israel jojodö la'aka tjuluwo̧ baibanö, ja̧danö jo̧banö 'da̧batö junö yöawinobe: —Josue, kwujuluwachibanö yebabökönö kwöjobö jo̧be, ökwöda yöbawö chujunina nijibe tjichibanö israel jojodönö ökibakobetjö̧. Jau Josue, damötjö̧ israel jojodönö chiyakwa̧ jawa yöbawö chujunijatö, –Isabenö chiyakwo̧sa, –jö̧ba̧lö, ja̧danö ja̧ yötawina badekwachinö jobadönö ökibakwo̧ja, ja̧danö ötjöma ökwökwö chö̧jakwo̧sa, —jö̧ba̧lö yöawinobe Diosma, Josuenö.

2 Timoteo 2:1

Chitji̧danö chösödökwe Timoteo, Cristo Jesúsnö dötewanö kwö̧jiökwe, Diosma isabenö otiwanö lȩlö̧jinö iyökweja, jo̧kwajabetjö̧ baikwö wetakwö: Ja̧ Dios iyi̧tjö kwujuluwachibanö ja̧wi.

1 Timoteo 4:12

Ina möayo̧danöbo̧ja Timoteo, jo̧kwaijayonö Dios ösödi̧danö ja̧bö ja̧kwawa i̧sebö kwö̧jo, ju'wedö edö tjöwaisachibobö. Ja̧danö, yöba̧lö kwö̧ji̧bi, ja̧danö ja̧bö kwö̧ji̧bi, ja̧danö jojodönö ösödö kwö̧ji̧bi, ja̧danö Jesúsnö ösödö kwö̧ji̧ma, bakwainö Dios ösödi̧danö ja̧bö ja̧kwawada i̧sebö kwö̧jo. Jejenö ja̧bö kwö̧jo Timoteo, jojodö, Aaa, bite möayo̧danöbo̧ Timoteo yöawi̧ma da̧ja̧kwoko, jö̧ba̧lö yötja̧lökakobetjö̧.

Diosnö ösödo̧ Job mikwo̧ usula emawina jawa 30:23

Chöwaisa chuluwo̧, juluwanö ö'wö batibobö weköbakwo̧ja chuluwo̧, okobe deinö 'yaba̧ladö bajalianö ö'wö batjibi̧danö, juluwanö ö'wö batibobö weköbakwo̧ja.

Diosnö ösödo̧ Job mikwo̧ usula emawina jawa 16:22

—Jobekwö ateba Diosnö, isabenö ja'yubenö lekwajabetjö ö'wö batibakobetjö̧, ja'yubeda o̧biya baledaja̧ ikenama, debö chi̧'yakwa̧ mananö kwetachakwo̧sa, ja̧danö jobetjö tjetachajökakwo̧sa, jo̧kwajabetjö̧ chö̧ji̧ waiso̧ Dios öba a'o yöbawö pjaatobö chösöda, —jö̧ba̧lö yöa̧linobe Jobma.

1 Crónicas 28:20

Ja̧danö wȩyukwa'ye Salomonnö iyajo̧, tupakwö yöawinobe Davidma: —Chitji̧, kwujuluwachibanö yebabökönö ja̧nö kwotido. Yebabökönö ja̧nö, dakwö ja̧takwajö jö̧ba̧lö omukwatökönö kwö̧jo, ötjö chösödökwe Dios, Isabenö Jo̧ Dios ökwökwö ö̧jobetjö̧. Kwö̧jelö 'da̧bachibökönö, ökwönö le'dedö loökakwo̧ chitji̧, isabenö ökwökwö pjabatö ö̧jakwo̧, okobe jwiinö iteda eju, Isabenö Jo̧ eju, kwotido jö̧ka̧lidanö otidö kakatakwawenanö baibanö.

1 Reyes 3:7

Jau chuluwo Isabenö Jo̧ Dios, ötjö kwömöayo̧nö kabebö kwujunajabe, Chabe'do David ö̧jinemi, ötjöbi la'aka luwo̧ chö̧bobö, jo̧kwaijayonö ina wajwibo̧sa, otiwanö chömöledö israel jojodönö öbibö chö̧jakwa̧ma. La'aka luwo̧ chö̧jijayonö, ina tjemudanö wajwibo̧sa chuluwo̧.

2 Samuel 10:12

Yebabökönö ja̧nö, dujuluwachibanö ja̧nö dölakwabikwawo, ditebo jojodönöbi, duluwo̧ Dios itebo israel comunidadteniabi, tjöbeba̧lö dö̧jakobetjö̧. Ja̧danö, Isabenö Jo̧nö ateba, iteda ösödö omukwati̧danö baledobö weakobetjö̧.

2 Samuel 12:23

Jo̧kwaijayonö, babema tjemuma ö'wö baibajabe ida̧ökö, tajawedö bemi tupakwö ö̧töchö ja̧nö jo̧banö atebobö? Sule ina 'ya̧alayida jo̧banö ö̧töchö atebobö ji̧nobe. Isabenö ötjö ö'wö batibenama, jo̧ba ö̧jobe chi̧'yakwo̧sa, jo̧kwaijayonö la'akatjöda bö̧jekwö tjeachökakwo̧ chitji̧ma, —jö̧ba̧lö atadinobe Davidma.

1 Crónicas 22:13

Ja̧danö chitji̧, jobekwö otiwanö teada̧lönö Isabenö Jo̧ wei̧, Moises i̧wȩyudobö weina, ja̧bö dö̧jobö wei̧bi, ju'wi wei̧bi a̧ja̧kwö kwö̧jitjö̧ma, kwö̧ji̧ma isabenö waekwökönö otiwanö kwö̧jakwo̧ja. Isabenö kwujuluwachibanö, yebabökönö kwö̧jo chitji̧. –Dakwö ja̧takwajö, –jö̧ba̧lö omukwatökönö, yebabökönö kwö̧jo chitji̧.

1 Crónicas 22:16

Ja̧danö ju'wibi kwömöayedötjö tjuju̧kwobe, orotjöbi, platatjöbi, broncetjöbi, 'dii jawatjöbi otikwa waisadöma. Jo̧kwajabetjö̧, baikwö wetakwö chitji̧: La'aka luwo̧ bakibenama, juluwanö a̧la̧ibö kwotido, ja̧danö Isabenö Jo̧nö ateba, ökwökwö ja̧nö pjaatobö, —jö̧ba̧lö yöa̧linobe Davidma, itji̧ Salomonnö.

1 Crónicas 28:10

Jo̧kwajabetjö̧ obökönö, otiwanö bi̧ya jawa omukwatö kwö̧jo chitji̧. Jau chitji̧, Isabenö Jo̧ma ökwönöda omudawö ujunajabe, iteda ö̧jakweju baibanö o̧do kwotidakobetjö̧. Jo̧kwajabetjö̧, kwujuluwachibanö ja̧nö, o̧do kwotido chitji̧, —jö̧ba̧lö weinobe Davidma.