1 Reyes 2:12 - Dios Iwene

¹² Ja̧danö, David webö ö̧jinemi, itji̧ Salomonda webö ö̧jinobe, isabenö okobe jwiinö abe'do David webö ö̧jinemi 'dii̧nö janö webö ö̧jinobe Salomonma.

1 Reyes 2:12 Referans Kwoze

1 Reyes 1:46

Ju'wi baledaja̧bi yötawakwö, Salomonma ida̧ökö inesö la'aka luwo̧ iteakanö öbamatajabe,

2 Samuel 7:29

jo̧kwajabetjö̧ atebakwö, jö̧ka̧laja̧danö pjakatobö kwösöditjö̧ma, isabenö jejenö ötjönöbi chömöledönöbi pjakatobö, ba̧kwelöjatebö kwöba a'o israel jojodö tjuluwedö dö̧jakobetjö̧. Jau Chuluwo̧ Isabenö Jo̧ Dios, ökwöma pjakatakwa̧ wene yökawajabe, ja̧danö pjakati̧tjö̧, ötjöbi chi̧tji̧mu tupadanö jojodöbi ba̧kwelöjatebö otiwanö pjakatawö̧ dö̧jakwedösa, —jö̧ba̧lö yöa̧linobe Davidma, Diosnö ösödö.

1 Reyes 2:46

Ikenama, jö̧ba̧lajo̧, Salomonma Benaiasnö weinobe, ja̧danö weökwe, Siminö kwabö loinobe. Jobekwö laebobe Salomon öpöjojodönö ujuluwina jawama. Ja̧danö, Salomonma israel jojodö la'aka tjuluwo̧ ja̧nö, otiwanö 'diinö ö̧jinobe, isabenö Salomonda la'aka luwo̧ ja̧nö weinobe.

1 Crónicas 23:1

La'aka luwo̧ David ida̧ökö jwiinö pöe baibenama, iteda itji̧ Salomonnö ujuninobe, israel jojodötjö inesö la'aka luwo̧ baibanö.

1 Reyes 1:13

Babeda juluwanö kwilekwe La'aka Luwo David ö̧jobekwö kwi̧'yo, jadanö jo̧banö yöka̧lo baikwö: –Chuluwo chilekwe David, damötjö̧ ötjö kwömöayujunö yöbawö kwujuninobe, -Ö'wö batibaja̧ ikenama, kwitji̧ Salomonda chö̧jinemi inesö la'aka luwo̧ baibakwo̧, jo̧bada inesö la'aka luwo̧ iteakanö öbakwo̧, -jö̧ba̧lö yöbawö kwujunijatö, jö̧tö? Jo̧kwaijayonö jelo̧ Adoniasda inesö la'aka luwo̧ baibajabe, tajawedö jejenö baledobö weköbaja̧da? –jö̧ba̧lö yöka̧lo.

1 Reyes 1:30

Damötjö israel jojodö tjuluwo̧ Isabenö Jo̧ Dios öba a'otjö ökwönö yöbawö chujunijatö, –Isabenö kwitji̧ Salomonda chö̧baja̧ ikena inesö la'aka luwo ö̧bakwo̧ma, chiteaka la'aka luwo̧ ö̧binakanö, jo̧bada öbamatakwo̧, –jö̧balö yöbawö chujunijatö. Ja̧danö, babe möleda, ja̧ yöbawö chujunina badekwachinö wetakwo̧sa, —jö̧ba̧lö yöbawö ujuninobe.

1 Reyes 1:35

Ikenama, tjebachajö jo̧bakwö kwichaduwo baikwö, chiteaka la'aka luwo̧ ö̧binakanö öbamatakobetjö̧. Jau, jo̧bada chö̧binemi balekwo̧ baibanö, inesö la'aka luwo̧ baibanö öbamatakwo̧ma, –Salomonda israel niji jojodöbi, juda niji jojodöbi inesö la'aka tjuluwo̧ baibanö ö̧bakwo̧, –jö̧ba̧lö webö yötawinobetjö̧, —jö̧ba̧lö weinobe Davidma.