1 Reyes 19:7 - Dios Iwene

⁷ Jemi ikenama, Isabenö Jo̧ weökwe angelma yemidanö tjebachajö ichibinobe, ja̧danö yemidanö Eliasnö mabö iwiludinobe, —Elias, a̧la̧ibö kwukwo, kwukwökötjö̧ma, ödö kwekachakwa̧ dakwö kwekachobö? Jo̧kwajabetjö̧ a̧la̧ibö kwukwo, —jö̧ba̧lö wiludö weinobe.

1 Reyes 19:7 Referans Kwoze

Deuteronomio 33:25

Tjitebo comunidadkwena 'dii jawanöbi, broncenöbi, tjöbekwö tjotidakobe, ja̧danö ina 'yatja̧layi wene jwiinö tjö̧jakwedö.

1 Reyes 19:6

Weökwe, wilubajo̧ edinobe Eliasma, ja̧danö uu pjeanö, ökwöla ubi̧ ö̧'iya wame pan balawobe edinobe, ja̧danö ojwiyosa̧pja̧ edinobe. Edajo̧, kwanöbi ukwinobe, jadanö owöbi owinobe. Ikenama, kwajo̧, yemidanö abibinobe.

1 Reyes 19:8

Weökwe, a̧la̧ibö ukwinobe, ja̧danö owinobe. Kwajo̧, ujuluwachibinobe, ja̧danö ja̧ ukwaja̧ jwiinö ujuluwachibanö pjaatobetjö̧, ja̧da kwajo̧ cuarenta mölebi, cuarenta yötebi baledibanö kweachinobe, Sinai mösa'o, Dios itea'o mösa'o ötjaba'obe ichibenanö kabatö.