1 Reyes 19:20 - Dios Iwene

²⁰ Jejenö öwanajökwe, a̧jwi̧mu pakayadönö junibö, Elias ökömanö lubö ö'öakwawinobe Eliseoma, ja̧danö Eliaskwö ichibö aebinobe, —Chuluwo̧, ökwökwö chichakwa̧ abönö, –Tjo̧wi chi̧'ya, –jö̧ba̧lö chabe'donöbi, chojo'donöbi du̧batö chösödobö atebakwö, ja̧danö jemi ikenama kwömöayo̧ baibanö ökwökwö chichakwo̧sa, chichakwa̧ abönö jobekwö yötawobö weköbakwa̧ji̧? —jö̧ba̧lö. Aebökwe, —Jau, daji̧. Jo̧kwaijayonö kwo̧'wo jwibibökönuwi chi̧sȩbaja̧ma, isabenö yöka̧laja̧danö ötjökwö kwichobö jo̧be, —jö̧ba̧lö atadinobe.

1 Reyes 19:20 Referans Kwoze

Hechos 20:37

Ikenama te'ada̧lakwawa jojodöma Pablonö wo̧batöbi, du̧batöbi budekwabijadötö.

Mateo 19:27

Ikenama Pedroma abebö a̧ja̧kwinobe: —Ökwödö kwöba̧ja̧di̧ waisachadöma okobe jwiinö dujuna̧lina junibö ökwökwö lubibö dichajabe, ¿jö̧tö? Jejenö ja̧diökwe, ¿taji iyakwa̧daja̧ Diosma ökwödönöma?— jö̧ba̧lö.

Mateo 9:9

Jobetjö labeibö Jesúsma kweachinobe, ja̧danö jelo̧ Mateo mikwo̧nö edinobe, la'aka luwo̧ itea balada impuesto ötjabi̧ balada emajibo̧nö. Mateo otidobe mesasötenö ö̧bobe edinobe, ja̧danö Jesúsma Mateonö weinobe: —Ötjö chökömanö ichi, chöba̧ja̧di̧ waisacho̧ baibanö— jö̧ba̧lö. Jejenö weökwe, Mateoma a̧laibö Jesús ökömanö ichinobe.

Mateo 4:22

ja̧danö jobadöbi isowi junibö, ja̧danö tjabe'donö le'dedibö Jesúskwö tji̧'yinobe.

Mateo 4:20

Jejenö yöawiawö̧, juluwanö maya kabatibö, jo̧bakwö tji̧'yinobe.

Génesis 31:28

Yöbawökönö kwewajobetjö̧ chö̧'dö̧dönöbi, chi̧tji̧munöbi, Otiwanö da̧jaduwi, jö̧ba̧lö, yöta̧lijökötö. Ja̧danö jobadönö du̧batöbi du̧tatijökötö. Omukwatö̧kö̧danö 'döbibajö kwȩwa̧jinobe.