1 Reyes 18:29 - Dios Iwene

²⁹ Möle ja'ö baledibanöbi, jemi tupakwöbi jobekwö tjo̧'wo jwibadö ja̧tji̧danö ja̧tjinobe, yi̧benakwö iyawa Diosnö iyatjenanö baibenanö, jo̧kwaijayonö Baal iwene ökwöinokobe, bakwo̧bi atadinokobe, ja̧danö bakwo̧bi a̧ja̧kwinokobe.

1 Reyes 18:29 Referans Kwoze

Gálatas 4:8

Chömöledö, ajayinöma ina Diosnö kwöwaisaduwakwa̧ abönö, isabenö diosböködö tjömöayedö kwö̧jinaduwobe, ¿jö̧tö?

1 Reyes 22:12

Ja̧danö ju'wedö yöbawadöbi bakwainö yötjawinobe, —Isabenö Ramot Galaadbe 'ya̧nö mekibobö jo̧be, jadanö Isabenö Jo̧ma pjabatö iyakobe ökwö la'aka duluwo̧nö, Ramot Galaad comunidad juluwajo̧, siria jojodötjö 'dökebobö, —jö̧ba̧lö yöbawö tjö̧jinobe.

1 Reyes 22:10

Israel la'aka luwo̧ Acabbi, Juda la'aka luwo̧ Josafatbi bakwonökwenö tjiteaka la'aka luwo̧ tjöbajitjakanö isakanö tjö̧binobe, Samaria comunidad tjeachakwawemi badeibö, trigo chabö loaweju jȩmima. Ja̧danö luwedö 'dubawajitjadanö, bakwo̧nökwena tjö̧kamiji̧do̧, la'aka luwedö 'dutjawa̧do̧ 'dubawö tjö̧jinobe. Jobe tjö̧bemi ja'ötjö, Dios yöawi̧ yöbawadöma, —Diosma isabenö pjaatakwo̧, —jö̧ba̧lö yöbawö tjö̧jinobe.

1 Reyes 18:26

Weawö̧, israel jojodö tjiyajökwe pakayaso̧nö emibö, iyawa baibanö tjotidinobe, jadanö yȩayi jamatö, möle ja'ö baibanö tjösödökwe Baalnö jwötjeba̧linobe, —Duluwo̧ Baal, adebökwe, kwatado, —jö̧ba̧lö. Jo̧kwaijayonö, lekwe jwötjeba̧lijayonö, Baal iwene ökwöinokobe, bakwo̧bi atadinokobe. Yȩayi baledibanö, tjösödökwe Baalnö iyawöte söpödö, dödöbö jwöbeba̧lö, tjösödökwe Baalnö atjeba̧linobe, atjebi̧ a̧ja̧kwö, ökwöla önötedobö.

1 Samuel 18:10

Jemi ikena möle, Dios weökwe o̧'wo luwo̧ sulabo̧ Saulnö juluwanö ichibö, usula emawinö ja̧inobe, ja̧danö Saulma ejunö ja̧nö, o̧'wo jwibo̧ ja̧idanö ja̧inobe. Jejenö ja̧onö, ba̧kwelöjatebö pjei̧danö, Davidma Saul öba a'otjö arpa pjeinobe. Ja̧danö, jobe ja̧nö, Saulma otokwöte do̧ba̧lö ö̧jinobe,

Éxodo 29:41

Ja̧danö, yi̧bena juwö kwiyökwe o̧beja juwö kwiyenama bakwainö yea̧yi kwiyi̧danö kwiyo, trigosopja̧, oliva o̧tekwö pjabata̧lö, ja̧danö bakwainö ubasobu o̧'do̧bu sa̧sa̧köbo isapjonö. Jejenö okobe jwiinö juwö kwiyo, ötjö, Isabenö Jo̧nö söinö 'dö̧ekwi̧ma kaaminö.

Éxodo 29:39

Bakwo̧nö yȩayi̧, ja̧danö, bakwo̧nö yi̧bena juwö kwiyo.

1 Reyes 18:36

Ja̧danö, jemi ikenama, yi̧benakwö iyajitjenanö jenanö, Dios yöawi̧ yöbawo̧ Eliasma iyawemi yöne ichibö, Diosnö aebinobe: —Chuluwo̧ Isabenö Jo̧, Abrahambi, Isaacbi, Israelbi tjösödinökwe Diosnö, baikwö atebakwö: Babe möleda kwi̧sȩbobö atebakwö, isabenö israel nijitjö Diosbo̧ja jö̧balö, ja̧danö isabenö ökwöda kwömöayo̧sa ötjö Eliasma, jö̧ba̧lö kwi̧sȩbobö atebakwö, ja̧danö babe jabö chi̧sebaja̧ma, ökwöda weköbitjö̧ ja̧bö chi̧sȩbajabe, jö̧ba̧lö kwi̧sȩbobö atebakwö.

Isaías 16:12

—Ja̧danö, Moab jojodöma, idöda tjösödökwe o̧'wo jawanö abebö möemi atjebobö tji̧'yenama, tjime'dawachibenanö baibanö kabatökönö nöchö atjeba̧lijayonö, waekwakobe, tjösödökwenö iyawejube ichibö atjeba̧lijayonö, waekwakobe,

Éxodo 8:14

Egipto jojodöma jwo̧i̧dö wobawajadönöma ko̧ko̧dö lödijadötö okobe jwiinö Egiptotjöma. Jwiinö woijetö okobe jwiinö Egiptoma.

1 Samuel 10:5

Ikenama, jobetjö labebajo̧, Guibea comunidad mösa'o Dios iteasa'o jö̧ba̧lö ötjaba'obe kwichibakwo̧ja, filisteo ölakwabikwawa jojodö tjöjena pjeasa'obe. Jobe comunidadbe kwichibenama, möemi Diosnö iyawemitjö yutubajadö Dios yöawi̧ yöbawadönö kwöbadekwajakobe, lo̧awa jawa arpabi, panderobi, flautabi, lirabi kwebatö, Dios yöawi̧ yöbawö kwebachadönö.

Isaías 46:7

Ja̧danö tjösödökwenö kabebö, tjöböbe'onö e'ewadö, tjujunakwemibe tjujunobö. Ja̧danö, tjujunajökwe, jenada jo̧ tjösödökwema, tjulunajelö pjolachibö̧kö̧ tjösödökwema. Ja̧danö, bakwo̧ jo̧banö abebö, —Chö̧ji̧binö pjabatitjö, —jö̧ba̧lö aebitjö̧ma, atadö̧kö̧, ja̧danö wene ujuna̧li̧tjö̧ ö̧jibanö pjaatoböma juluwö̧kö̧. Jo̧ba o̧'wo jawa tjösödökwedanö bakwaibo̧ chö̧jobeji̧?

Daniel 9:21

Ja̧danö, jejenö budekwö abebö chö̧jayi, Gabrielma, ajayinö chi̧'wi̧dinö chedinökwe ángelso̧ma juluwanö köbibö chö̧jobekwö ichinobe, yi̧benakwö möletenia Diosnö iyawa tjiyena jenanö.